Salmos 5:7 - Biblia Dc en Mixe de Quetzaltepec

⁷ E ëjts mëëtkyëjxm koos xytsyoky xyjyawë, jyëkyejpyës ntëkëty ma ja mtsajptëjkën; njëkyejpy mijts n'ëwtat nmënu'kxta'akëty mëët tu'kë'ëyë ja winkutsë'kën, ets jamës ja njot nwinma'any mpëjktä'äky ma mtsajptëjkën.

Biblia Mixe de Quetzaltepec

⁷ E ëjts mëëtkyëjxm koos xytsyoky xyjyawë, jyëkyejpyës ntëkëty ma ja mtsajptëjkën; njëkyejpy mijts n'ëwtat nmënu'kxta'akëty mëët tu'kë'ëyë ja winkutsë'kën, ets jamës ja njot nwinma'any mpëjktä'äky ma mtsajptëjkën.

Salmos 5:7 ပူးပေါင်းရင်းမြစ်များ

Salmos 138:2

Japës nkoxtanëja'any ma mtsajptëjkën, etsës nkukajpxëja'any yë mtsojkën mja'awën ets mtëyajtën, jä'ä ko yë mxëëw ets m'aaw m'ayuk tëë mijts xypyëjktä'äky ets mëj'äämpy y'itëty ma tëkokyë winë yajpaatyën.

Salmos 132:7

Tsojk nja'amëmë ma Wintsën yë tsyajptëjkën; wä'än nnäkyoxtënaaytyakëmë ma yajpaatyën.

Salmos 69:13

E ëjts, Wintsën, mijtsyë nmëyäxy nmëjojkpy, Dios, mëti'ipës nTios'ajtypyën, putëjkëkës. Mëët yë mëjpë m'oyjot m'oywyinma'any, ëtsoowkës. Mëët yë mputëjkën xëmëpë y'ityën, yajtsokës.

Hebreos 4:16

Tsojk nmëwinko'onëm ja Dios ja kyutujktakn akujk jotkujk, ets xypya'ëye'emyëty mëët ja y'oywyinma'any ets xypyutëjkëmëty ma ënety tii nyajmëyajtëmën.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Dios. Tëkëëk ijty tu'kxëëwpë nyu'kxtä'äky, jëtu'unyëm ënety xëmë tuny.

Josue 24:15

E pën kajtsën xymyëtuna'antë yë Wintsën, tyam xytyimnikajpxtëty pën mpanëjkxantëp: nikajpxtë pën yë'ë mpanëjkxantëp ja wiink tios mëti'ipë ja m'aptëjkëty y'ëwtajtën jam Éufrates mëjnëë''ëkë'ëm, ëkë tiosëty mëti'ipë yë Amor ja'ayëty y'ëwtajtëpën yaapë tsyënaaytyën. E ëjts mëëtës yë n'u'unk n'ëna'k etsës yë nkujëën nkutëjk yë'ëjës yë Wintsën nmëtunantëp.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

1 Reyes 8:38

Oy tyimtii'ëyo'onëty, pën ja ja'ay ëmuumtu'ukjot jyootwinpity ets tnajtsxajëty ja kyë'ë yaa ma ja mtëjkën,

Isaías 64:11

Ja ntsajp tëjkëtyës ma ijty ja nteety n'apëtyës mwin'ëw mwinya'axëtën, tëë ja tyooytyä'äy. Tu'kë'ëyë mëti'ipë ënety ëëts ntsojktëpën, xit ko'ow të jyajta'ay.

Salmos 69:16

Wintsën, ëtsoowinpijtkës; mijts janty'oy mTios'aty ets mëj këjää yë tsojkën ja'awën xymyëët'aty. Mëët yë janty yu'unkpë yë mjot mwinma'any ni''ijxkëtakës;

Salmos 55:16

Ëjts, Dios ënätyë nmëkajpxäämpyës, jä'ä ko yë Wintsën yë'ëjës xyajtso'okaanp.

Salmos 52:8

E ëjts jëtu'unës tä tu'uk yë olivë kepyën tsuxkpë, jëtu'unës nyajpaaty ma Dios yë tsyajptëjkën, xëmës yë tsyojkën jya'awën ntukjotkujk'atanë.

Salmos 51:1

Mijts Dios, mëët yë mtsojkën mja'awën, pa'ëyoow najts'ëyo'owëkës; mëët ja m'oyjot m'oywyinma'any ja mëjpë këjääpë, po'tëkës yë npoky.

Salmos 28:2

Mëtoow'it wi'ixës nyä'äxy njoky ko n'amëtoy yë näypyutëkë, koos yë nkë'ë jam nastijë ma wa'atspë mtsajptëjkën.

1 Reyes 8:35

Ko ënety nëkooyë ja anpë myiinë, mëët ko ja naax kajpn të mëtëkoyë ets jyotwinpitëty ets mëkajpxëtëty ets mwin'ëw mwinya'axëtëty, tjawëty ko tëë tyëkoy, ko tsë'ëkë ja mtëytyu'unën,

Salmos 130:4

E mëët yë'ë ko jam ma mijtsën npaatës yë pokymyä'kxën ets myajmëjjawë.

Salmos 34:17

Yë Wintsën kyëwentëpëjkpy yë wa'ats ja'ay ko wyanë tsyowë ets yajjotkujktäkpy ko jë'ë ya'ax yajpaaty.

Salmos 101:7

Mëti'ipë ja'ay win'ätsën ka'ap tyuunkpaata'any maas yë nkutujktaknën. Niwi'ixtsow tkajëkyepy mëët n'ijtmukëtyës yë ja'ay mëti'ipë win'ë'ënpën.

Proverbios 6:16

Tëtujk ets wëxtujk ja winma'any mëti'ipë Wintsën y'ëxëëk'ijxypyën:

Proverbios 6:17

ko ja'ay nyämyëjaw nyäjyääntyjyawëty, ko ja'ay wyin'ëëny, ko ja'ay yaja'ay'ooky nanëkookyëjxm,