Salmos 5:4 - Biblia Dc en Mixe de Quetzaltepec

⁴ Mijts ka'ap mTios'aty ets ënät ja poky këtyey xy'oyjawë ëkë xymyëjpëjktä'äky, yë ëxëëkja'aytyëjk ka'ap tjëkyepy jyuuky'atëty ma mijts myajpaatyën,

Biblia Mixe de Quetzaltepec

⁴ Mijts ka'ap mTios'aty ets ënät ja poky këtyey xy'oyjawë ëkë xymyëjpëjktä'äky, yë ëxëëkja'aytyëjk ka'ap tjëkyepy jyuuky'atëty ma mijts myajpaatyën,

Salmos 5:4 ပူးပေါင်းရင်းမြစ်များ

Salmos 11:5

Yë Wintsën nyija'ap pën oyjyä'äy ka'oyjyä'äy ets ëxëëk t'ixy yë ëxëëkja'aytyëjk.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

Malaquías 2:17

Tëë yë Wintsën y'ënu'kxënë ko je'eyë mtyäty nyä'ämtë; ets miitsëty ni'ikyë m'ëna'antë: ¿Maaxë nä'ämtës ko y'ënä'äny ko tëë y'ënu'kxënyë, ëkë wi'ixën të n'ënëëmëtës? Miitsëty jëtu'un të m'ëna'antë ko yë Wintsën yë'ë y'oyjya'ap yë ja'ay mëti'ipë winë tyuuntëkoopyën ets ko jotkujk nyäjyawëty ko jëtu'un y'ëtë'ëtstë y'ëna'antë. Miitsëty ka'ap xymyëpëktë ko yë Wintsën mëtëy winë tnipaye'ey.

Salmos 140:13

Yë ja'ayëty mëti'ipë oy yë jyuukyajtën yajtu'uye'eytyëpën, myëjpëjkta'akantëp yë mxëëw; yë ja'ayëty mëti'ipë mëtëy winë tyuuntëpën, jam jyuuky'ata'antë ma mijts myajpaatyën.

Salmos 50:21

Ya'atë të xytyuny të xykyäjpxy, e ëjts tëës jëtu'unyë ntimy'amoonkëtä'äky; jëtu'un jëtää të mmay të mtajy koos näjyëtu'unës nja'ay'äty tä mijtsën. E tyam ja npoky ntukwinmëtowa'any wiinxë jëjpxë, tyam ja npoky n'ixtaaytyä'ämyëty.

Apocalipsis 21:27

Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

Habacuc 1:13

Mijts wa'ats ni'ik myajpaaty ka'ap tjëkyepy xy'oyjyawëty yë ëxëëkpë ets ka'ap tjëkyepy xy'oy ixëty yë ma'atpë; ¿wi'ix ko amonyë m'ity ko yë ja'ay yajja'ay'ooktë ets ka'ap tii ayuk xykyäjpxy ko ëxëëkja'aytyëjk tyajtëkoy ja mëti'ipë jëtu'un katim ja'ay'ajtpën tä yë'ëjën?

Salmos 92:15

Yë'ë nyikajpxantëp ko yë Wintsën, mëti'ipës xykyuwaanpën mëtëy winë tuny ets ma yë'ëjën ka'ap jyam'aty ëxëëkpë nipaye'eyën.

2 Pedro 3:13

E yë'ëts njëjp'ijxmëp jempyë tsajp, jempyë naax mëti'ipë Dios të twaantä'äkyën, ma tu'kë'ëyë winë oy ets mëtëy tyu'uye'eyën.

Salmos 101:7

Mëti'ipë ja'ay win'ätsën ka'ap tyuunkpaata'any maas yë nkutujktaknën. Niwi'ixtsow tkajëkyepy mëët n'ijtmukëtyës yë ja'ay mëti'ipë win'ë'ënpën.

Salmos 94:20

Mijts ka'ap tjëkyepy mnäy'oyjyawëtëty mëët yë yajkutujkpë mëti'ipë ka'ap tii oy yajxon tnipaye'eyën, mëti'ipë aak tëkatsy winë tyuuntëpën ets ka'ap jyëtu'unëty tä ja ënä'ämën myinyën,

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Dios ets ja Kupixyny U'unk y'ajajy y'atë'kxy.

Juan 14:23

Tä ja Jesús y'ëtsoowë: Pën xytsyojkpës, myëjpëjktäkpy ja n'aaw n'ayukës; ets tsokanëp ja nTeetyës, ets nTeetyës mëët nmina'anyës etsës nyajpaata'antë mëët yë'ë.

1 Crónicas 29:17

Ëjts nija'apës Wintsën, ko mijts wa'ats jot winma'any xy'ixy xynyijawë, yë'ë mtsojkën'ajtyp ets ja'ay winë tëyajtën tunëty. Paaty yam nmo'oy tëkokyë ya'atë winë aaw winëjot. Tyam n'ijxypyës ko yë mnaax mkajpn tyampë yaa yajpaatyën tu'ukmukyë mëët ja jot winma'any oy tsujpë, tëë mtukë'ëtëkëty tëkokyë ya'atë ayajk ako'onën.

Salmos 63:2

Jëtu'un njajanty'ixa'any ma mtsajptëjkën, etsës njatukxoonta'aka'any ja mmëkajtën m'oyajtën,

Salmos 88:14

¿Wintsën, wi'ixës ko mijts xy'ixtijy? ¿Wi'ixës ko xywyinkuyu'utsy?