Salmos 5:10 - Biblia Dc en Mixe de Quetzaltepec

¹⁰ Dios, mëti'ipës nTios'ajtypyën, tëytyun. Mijts myajkutukëp ets jëtu'unyë mya'ta'ajëty mëti'ipë myëmaay myëët'ajtëpën. Këtii xykyupëkëty, jä'ä ko këjää pyokyëty; jä'ä ko tëë mkäjpxykyumëtoownaxëtë.

Biblia Mixe de Quetzaltepec

¹⁰ Tios, mëti'ipës nTios'ajtypyën, tëytyun. Mijts myajkutukëp ets jëtu'unyë mya'ta'ajëty mëti'ipë myëmaay myëët'ajtëpën. Këtii xykyupëkëty, jä'ä ko këjää pyokyëty; jä'ä ko tëë mkäjpxykyumëtoownaxëtë.

Salmos 5:10 ပူးပေါင်းရင်းမြစ်များ

Isaías 63:10

E yë'ëjëty ojts yë Wintsën tkäjpxykyumëtoownaxtë ets tukxik tuk'ëwë'ktë yë wya'atsajtën, paatykyëjxm ojts myëtsiptsoonëtë ets y'ënëmaayëtë ko nikë oy tsip tyimtunëtëty.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

1 Corintios 3:19

Yë naaxwiinyëtë ixpëkyajtën tsuuwinma'any yë Dios tyajnaxy, jëtu'un ja Dios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Dios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

Salmos 71:13

Wä'än twë'ëmtë tsëtyu'unmëët ets wä'än tkutëkooytya'atë mëti'ipë myëtsip'ajtëpën yë njuukyajtënës. Wä'än yë'ëjëty nëxi'iky tukxi'iky twë'ëmtë mëti'ipë tsyojktëpën ets jeexyë ëxëëk njaty nkëpetyës.

Salmos 31:18

Wä'än amonyë t'itë mëti'ipë antaktëpën, mëti'ipë je'eyë nëxik tukxiktëpën ets tëkatsy tnimëtya'aktë ja'ay mëti'ipë oy juukyajtpën.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

2 Samuel 15:31

E ko ja David yajtukmëmëtyäky ko ja Ahitófel jä'ä ënety mëët ja Absalón jëtu'unpë ja winma'any të tpaaty ko tnikäjpxytyunëtë ja yajkutujkpë, ënät ja David ënätyë ja Wintsën tmënu'kxtäky ets ja Ahitófel jëtu'unyë wyinma'anytyëkoyëty.

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Lamentaciones 1:5

Yë'ë myëtsip mëtaktëp, yë myëtsip winpäjtëp. Yë Wintsën yajmoon yajtujkëp mëët ko të pyokytyuny. Tsumy matsy yë y'u'unk y'ëna'k të yajnëjkxëtë myëtsip wiink naax wiink kajpn.

Salmos 55:15

Jääpëk yë nmëtsiptëjkës yë o'kën tyukja'tëtë ajotkumonë, ëkë jeexyë ajuukyë kyuka'anaxtë jutjoty, jä'ä ko yë'ëjëty yi'iyë yë ëxëëkajtën jap jyootjoty wyinma'anyotyëty.

Salmos 35:26

Wä'än twë'ëmtë tsëtyu'unmëët ets wä'än tkumon tkutukëtë mëti'ipës xytyukxoontaktëpën koos n'ëyo'onpaaty; wä'än twë'ëmtë tsëtyu'unmëët mëti'ipë mëj këjxm näjya'awëtëpën këtiinëm ëjts.

Daniel 9:9

E mijts Wintsën, mëti'ipës n'ëwtajtëpën, mijts tam xymyëëtëty yë poky nyimä'kxën ets pa'ëyo'owën najts ëyo'owën. Ëëtsëty wa'atsës nijawëtë ko tëë njanty kyäjpxykyumëtoownaxtë

Daniel 9:5

tëëjës njanty pyokytyuntë ets tëëjës ntuuntëkoytyë; ëxëëk winë të ntuntës; koos njuuky'atë ka'ap pën të mja'amyetsyë; tëë nja'atyëkoytyës ja m'ënä'ämën mtëyajtën ets ja m'aaw m'ayuk.

Isaías 1:20

e ko miitsëty je'eyëm nkäjpxykyumëtoownaxtëty, tsipjoty nëjkx m'ooktë, ets ka'ap mtso'oka'antë. Yë Wintsën jëtu'un kë'ëm të y'ënä'äny.

Isaías 1:2

Mëtoow'it mijts tsajp, mijts naax, ko ja Wintsën y'ënä'äny: Tëës nyaj'u'unkyeeky ets koonëm të yä'ktakta'atë, je'eyëp ko yë'ëjëty, je'eyës të xykyäjpxy kumëtoownaxtë.

Salmos 107:11

mëët ko tkäjpxykyumëtoownajxtë ja Wintsën ja y'ënä'ämën tyiyajtën ets ko ka'ap tuuntë këwentë mëti'ipë ojts tjatuknipëjktaakën ja Ni'ik Këjxmëpë.

Salmos 79:12

Mijts Wintsën, wëxtujk ok näjyëtu'un ëxëëk xytyunëty yë nmëjëën nmëtëjkëtyës ko mëj të myajjoot'anpëkyë;

Salmos 66:7

Yë'ë mëët y'ëne'emy myëk'ajtën xëmëkyëjxm, yë'ë kë'ëm y'ijx'ijtyp kyëwent'ajtyp yë mëjëtypë naax kajpn, këtiipë yë ja'ay mëti'ipë käjpxy kyumëtoownajxtëpën nyipëtë'ëkëtëty.

Salmos 17:13

Pëtë'ëk, Wintsën, mijts mëët näwyinkuwa'akët. Yajtëj yaj'ojtsë yë kyë'ëkox tyekykyox. Tukuwaankës yë mtëypyujxn ma ëxëëk ja'ayën.

Salmos 10:15

Tëjwa'kxë yë kyë'ë yë ëxëëkja'aytyëjk. Nipaye'ey yë y'ëxëëktu'un y'ëxëëk kajpxënëty. Ka'ap nitu'uk xyajninaxëty.

Ester 7:10

Jëtu'un'äämpy ojts ja Amán jam y'ooky ma ja o'ktaknën mëti'ipë ënety të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

2 Crónicas 25:16

Ko jëtu'un ja Wintsën ja tyuunpë t'ënëmaay ja yajkutujkpë, ënät ja yajkutujkpë ojts tyukjoot'anpëkyë ets y'ojë, tääts y'ënëmaayë: ¿Pën mijts të mpëjktä'äkyë ëëwijpë kajpxwijpë? Këtii nëkoo tii ajotkumonë xy'ëwëty xykyajpxëty. ¿Ti yë'ëmës mijts mtsojkpy ets m'ookëtyë? Ja Wintsën ja tyuunpë ka'ap ojts nëkoo tii t'ëkajpxnë, je'eyë ojts ok jyaak'ëna'any: Ëjts nija'apës ko yë Wintsën tëë tuknipëjktaakë ko myaj'ooka'anyë, mëët ko mijts ka'ap yë n'aaw n'ayukës të xymyëjpëjktä'äky.

1 Samuel 25:39

Ko ja David tnija'awëy ko tëë ja Nabal y'o'knë ënät y'ënäny: Kënu'kxy yë Dios yë xyëëw nyäxy, mëët ko yë'ë kë'ëm të xynyitsiptunyës mëët Ijxtëmës yë Nabal ojts xytyunyën. Ka'ap t'ëwatsy etsës kë'ëm nyänyitsiptunëtëty. Paaty ja Nabal kë'ëm ja pyoky të tkupëky. Tä ja David ojts tnikäjpxykyäxë ja Abigail ko yë'ë tpëka'any.

1 Samuel 25:29

Pën jää pën m'ixjëtity mpajëtityë ets myaj'ooka'anyë, ka'ap nëjkx wi'ix mtunyë, jä'ä ko yë njuukyajtën yë'ë ënety kë'ëm Dios tyimkëwen'ajtyp. E yë'ë ënät ja mëtsip jëtu'unyë nëjkx ja Dios tjëpëjkta'ay tä ja'ay yë tsaa t'ixka'atsyën mëët yë tsaawëtu'un.

Deuteronomio 2:30

E ja yajkutujkpë Sihón ka'ap t'a'ijxëy etsës jam naxtëty ma ja nyaax itjotmën. Jä'ä ko ja Wintsën, mëti'ipë miits mTiosajtëpën yë'ë ënety të tuknipëjktaakë ets ka'ap t'a'ixëty jam pën nyaxëty ets tjëkyäpëty wi'ix tkë'ëyakëtyën ma miitsëtyën, jëtu'un tä xy'ixtën tyampaat.