Salmos 47:3 - Biblia Dc en Mixe de Quetzaltepec

³ Kanaak ojts yë naax kajpn mëjëtypë tyajkutëkoy, ets tyaj'awinpijty ëyoopë mëtuunpë ma ëëtsajtëmën.

Biblia Mixe de Quetzaltepec

³ Kanaak ojts yë naax kajpn mëjëtypë tyajkutëkoy, ets tyaj'awinpijty ëyoopë mëtuunpë ma ëëtsajtëmën.

Salmos 47:3 ပူးပေါင်းရင်းမြစ်များ

Salmos 110:1

Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

Salmos 18:47

Yë Dios yë'ëjës të xynyitsiptuny etsës yë naax kajpn të xytyukwinkuwowë.

Salmos 66:5

Min ixtë mëti'ipë Dios të tuuntä'äkyën, ja myëj'ajtën mëti'ipë të tyaj'ixyën ma naaxwiinyëtë ja'ayën:

Salmos 81:14

tu'k ijxmi'kxyë jeexyë yë myëtsiptëjk të nyajkutëkoyës etsës jeexyë të ntëytyuunta'ay tëkokyë mëti'ipë mëtsip'ajtëpën.

Salmos 95:3

Jä'ä ko yë nWintsën'ajtëm, mëj Dios yë'ë, mëti'ipë mëj ënä'ämpë'ajtpën ma tu'kë'ëyë tios yajpaatyën.

Salmos 99:2

Yë Wintsën mëj'äämpy jam y'ity ma ja Sión kopkën; yë Wintsën yë'ë nyitënaaytyääpy tëkokyë yë naax kajpn.

Jeremias 10:7

¿Pën mka'ëktsë'ëkëtëp, mijts yajkutujkpë ma tëkokyë naax kajpnën? Mijts mpatëp myajtsë'ëkëty. Ma tëkokyë yë ijxpëkyjyä'äytyëjkën ets ma tëkokëty yë yajkutujkpëtëjkën naaxwiinypë yajpaatën, kamaa jëtu'unpë tä mijtsën.

Zacarías 14:9

Jä'ä xëëw nëjkx yë Wintsën yë'ë yajkutuky, naaxwiinyëtë apëtsëmy. Tu'kpajk nëjkx yë'ë y'ëne'emy ets tu'kpajk yë xyëëw nëjkx mëj'äämpy nyäxy.

Malaquías 1:14

Poky yë ja'ay wyi'imy, mëti'ipë ënaanpën ko oypyë jëyujk xytyukwintsë'ëkëja'anyës ets jä'ä xytyukwintsë'këpës mëti'ipë ka'ap y'oyëtyën myëkëtyën. Ëjts yajkutujkpë'ajtp ets aak xytsyë'këpës yë naax kajpn. Jëtu'un y'ënä'äny yë Wintsën mëti'ipë maaytyääyëpën winë.

1 Corintios 15:25

Jëtu'un ja Kristë nëjkx yë'ë y'ënä'ämnë koonëm ja myëtsip tmëmëtakta'ajëty.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënety myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënety amëj akëjxm jyä'äy'atën.

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.

Josue 21:44

Yë Wintsën ojts jëtu'un tuny tä ënety të twinwanën, jotkujk ja nyaax kyajpn ojts tyajwë'ëmy ma tääpë it naaxwiinyëtën. Ja myëtsiptëjkëty ka'ap ojts myäyëtë jä'ä ko ja Wintsën ojts kë'ëm tyimkuwa'anëtë.