Salmos 45:3 - Biblia Dc en Mixe de Quetzaltepec

³ Nätyukwëënët yë mtëypyujxn mijts jotmëkja'ay, jä'ä ko yë'ë mëët oy mkëxë'ëky.

Biblia Mixe de Quetzaltepec

³ Nätyukwëënët yë mtëypyujxn mijts jotmëkja'ay, jä'ä ko yë'ë mëët oy mkëxë'ëky.

Salmos 45:3 ပူးပေါင်းရင်းမြစ်များ

Hebreos 4:12

Ja Dios ja y'aaw y'ayuk myëët'ajtyp ja juukyajtën ets ja mëk'ajtën. Ni'ik jyëjpëty këtiinëm ja tëypyujxn tëëpë mäjtskpa'a yajme'eyën; tyukku'umëtyääpy ja jot winma'any këkpaat; ets tpaye'eytyä'äy pën tii pën myëmääpy myëtäjpy.

Apocalipsis 1:16

Wëxtujk ja matsa'a tmajts'ity ma y'a'oykyë'ëjën. Y'aawjoty jap yaj'ixy pyëtsimy ijxtëm tu'uk ja tëypyujxnën mëti'ipë mäjtsk atu'um mye'eyëtyën ets ja wyiin jyëjp jëtu'un yaj'ixy ijxtëm ja xëëw mëk y'änyën.

Apocalipsis 19:15

Y'aawjoty jëtu'un jap pyëtsimy të tu'uk ja tëypyujxn mëti'ipë jëjpën, ets yë'ë mëët tyajtsëtyuta'any ja naaxwiinyëtë ja'ay. Ënet ja Dios jää y'ënä'äma'any mëët ja kuttujkën. Ets yë'ë kë'ëm wyintäänäämpy ja tsatsymtsya'am ets tsatym nyëë tyajpëtsëma'any ma ja Dios mëti'ipë maaytyääyëpën winë ja tsyip y'äkë.

Isaías 49:2

Ets tyaj'awinpijty yë nyä'änës tä tëypyujxnën jëjpëpë, ojts xyu'utyës jap kyë'ëjootjoty, ojts xyaj'awinpityës tä ti'pxnën ets jap xyëkät pa'tkë'p xypyëjktäkyës.

Salmos 96:6

Mëj jam yë të'kxën jajën yajpaaty ma yë'ëjën. Yë'ë jam yajpatp ma tsyajptëjkën mëk'ajtën ets oypyë tsujpë.

Salmos 21:5

Mëët yë'ë ko të xypyutëkë. Këjää tmëëtëty yë kuttujkën. Tëë xymyo'oy yë mëk'ajtën ets kuttujkën.

Apocalipsis 19:21

Ja wiinkpë, ojts y'o'kta'atë mëët ja tëypyujxn mëti'ipë jap y'aawjoty pëtsëëmpën mëti'ipë tyuk'u'unyääpyën ja poop kwaay ets ni'ëmukë tsyu'tstaayëtë ku'uxyë ja jëyujk mëti'ipë kääkëtijtëpën.

Hebreos 8:1

Yë'ë kopkpëky mëti'ipës tyam nnikajpxtëpën: Ko ja nTeety'ajtëm mëti'ipë nyiwintsën'ajtypyën ja teetytyëjk, tëë jam tsajpjotm nyaaxweetsy, a'oytsyow ma ja Dios ja kyutujktaknën.

Hebreos 1:3

Yë'ë kyujäjpy kyutë'kxyp ets yajknikëxë'kpy ja Dios ja myëj'ajt y'oyajtën. Jëtu'un ijxtëm ja Dios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Dios pyë'aay aka'any'äämpy.

Romanos 14:9

Paaty ja Kristë y'o'ky ets jyuukpyijky jatëkok, jëtu'unts tniwintsën'atëty mëti'ipë juukyëtyën ets mëti'ipë ookyëtyën.

Salmos 145:12

Wä'än tëkokyë yë naaxwiinyëtë ja'ay yajtuknija'awëtya'atë yë mmëjajtën ets tyë'kxën jyajjën yë m'ënä'ämtakn.

Salmos 145:5

Yajnimëtya'akaanp yë mmëjajtën m'oyajtën, ëjts nnimëtya'akäämpyës wi'ix winë mëj këjää të xytyuny të xykyäjpxyën.

Salmos 104:1

Nkënu'kxyjyawëjäämpyës yë Wintsën winë aaw winëjot. Mëj'äämpy m'ity, mijts Wintsën mëti'ipës n'ëwtajtypyën. Mëjwiin këjää yë mmëj'ajt m'oyajtën;

Hechos 10:36

Dios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Jueces 3:16

E ja Ehud ojts ja winma'any t'ijxta'ay, tu'uk ja yenypyujxn tyaj'o'oyëy mäjtsk'atu'umpë mye'eyëtyën, tu'kë'ënuxën y'ayenyëty, ënät ojts tpëjktä'äky wyëënkëjxy a'oytsyow ets y'ëxmotsjoty tkutijëy këtiipë yaj'ixëty.

Job 1:16

Tam ënety kyamëtyakta'aynyëm ya'atë ja'ay ko wiinkpë myiiny ets y'ënäny: Tëë ënääw tyukëtä'äkyë yë kupixyny ets mëti'ipë kupixyny këwent'ajtëpën tëë y'o'kta'atë. Ëjtsyë të njake'eky etsës nikajpxa'any ma mijtsën mëti'ipë të tyuny të jyätyën.

Salmos 21:7

Mijts yajkutujkpë ka'ap nijëna'a mka'ajëty, jä'ä ko mijts mtukjotkujk'ajtyp yë Wintsën ets mtukjotkujk'ajtyp yë tsyojkën jya'awën yë Ni'ik Këjxmëpë.

Cantares 2:3

Yë ye'etyëjk mëti'ipës ntsojkpy nja'apën, jëtu'un yajpaaty ma myëye'etyëjkën tä tu'uk yë mansaan kepyën yuukjoty. Janty oyës näjyawëty koos pyë'aay n'u'unyë etsës xynyi'äpkë. Pa'akëm y'atëkë y'ääytyëëm y'ujtstëëm.

Cantares 5:13

jëtu'un yë y'apënuuky kyëxë'ëky tä yë mëj pëjykyamën ma oy xyuuky jyokyën. Yë y'atääm jëtu'un yë'ë tä yë tsapts pëjyën ma wyikëpipyën yë mirra jëtu'un tä nëëtsunën;