Salmos 42:4 - Biblia Dc en Mixe de Quetzaltepec

⁴ Koos jëtu'unpë nmëmay nmëtajy, japës ntimjyawë pyëjkë'ëky njootjotyës. Je'eyës njaakja'amyetsy ko ijty mëët yë mayjyä'äy nnëjkxyës jam tsajptëkotm, maas ijty ëjts jëyëjp nëjkxyën akujk jotkujk ets nyajnaxtës ja kukajpxën ja'awëkyëtakën. Mëj ja xëëw ijty tyunyë.

Biblia Mixe de Quetzaltepec

⁴ Koos jëtu'unpë nmëmay nmëtajy, japës ntimjyawë pyëjkë'ëky njootjotyës. Je'eyës njaakja'amyetsy ko ijty mëët yë mayjyä'äy nnëjkxyës jam tsajptëkotm, maas ijty ëjts jëyëjp nëjkxyën akujk jotkujk ets nyajnaxtës ja kukajpxën ja'awëkyëtakën. Mëj ja xëëw ijty tyunyë.

Salmos 42:4 ပူးပေါင်းရင်းမြစ်များ

Isaías 30:29

E miitsëty ni'ikyë nëjkx mxoonta'aktë, ni'ikyë nëjkx m'ëwtë mya'axtë jëtu'un tä ja'ay xyëëwtunyën tu'ktsu'um; jotkujk nëjkx yajpaatë mjot mwinma'anyëty ijxtëm ja'ay tkuuy'etsyën xuxpë wojpë ko nyijkxy jam kajpnjotm ma ja Wintsën ja tyun kyopkën, ma ja Israel ja'ayëty tmëët'atën ja tsoktakn.

Salmos 122:1

Wi'ixpëmës janty jotkujk nnäjyawëty koos xy'ënëëmëtë: Ja'amtë ma Wintsën yë jyëën tyëjkën.

Salmos 62:8

Miitsëty, jënu'unës nnaax'aty nkajpn'atyën jam xëmë yë mjot mwinma'any xyaj'itëty ma Tiosën. Mëkajpxtë winë aaw winëjot. Jä'ä ko Dios yë'ë ntsoktakn'ajtëm.

Nahúm 1:15

Ixtë, xim myiny kopkkëjxm ja mëti'ipë yajmiinpyën ja aaw ayuk ko jyää'ata'any ja jotkujk'ajtën. Xëëwtun xëëwkajpx ënät mijts Judá; tun ja mëti'ipë të xywyinwanën. Nijëna'a yë mmëtsip ëxëëk mka'ëktuunënëty; jä'ä ko tëë ja kyutëkooytya'atë.

Salmos 100:4

Mintë ma tyëjkëtyaknën, ets mtëkëtëty ma tsyajptëjkën, tukwin'ëw tukwinya'axtë ja kukkajpxën ja'awëkyëtakkën. Mo'otë yë kukkajpxën ja'awëkyëtakkën, ets mëjjawëtë kënu'kxyjyawëtë yë xyëëw.

Salmos 55:14

mëti'ipës mëët tu'ukyë të nye'eymyuky ma Dios ja tsyajptëjkën ets mëët tu'ukyë të nxony të n'ityës oy mëët ja näjyiiky'at näymyëku'uk'atë, ets mëët të nnaxy të ntëkës mayjyä'äy itkujky.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Lamentaciones 2:19

Pëtë'ëk, ya'ax jok tsu'um koots; yajtukwa'ats yë m'aaw mjot ma Wintsënën, wä'än yë mwiinnëë tpëyi'iky nëëjën; yujkxaj yë mkë'ë ets amëtow pëjktsow ma yë'ëjë wä'än tpa'ëyoy yë m'u'unk m'ëna'k, mëti'ipë yuu o'ktëpën xii yaa muum ma tu'u y'ëwtityën.

2 Crónicas 7:10

Ma y'i'px tëkëëk anyën ja myëwëxtujk po'opë, jää ja yajkutujkpë ojts t'ënëmaaynyë ja mayjyä'äy ets ye'eywya'kxtaaynyëtëty ets wyimpijnëtëty jatëkok ma jyëën tyëjkëtyën akujk jotkujk, mëët ko të t'ixtë wi'ix ja Wintsën t'oyjyawën ja David, ja Salomón ets Israel kajpn.

Rut 1:21

Koos yaa ntso'ony, mayës winë nmëtso'ony, tyam jëtu'unyës ja'ay'äjty të nwinpity, jä'ä ko jëtu'un yë Wintsën tsojkën'aty. ¿E tiijës ko je'eyëm xytyijtëty Noemi, pën tëë yë Wintsën mëti'ipë maaytyääyëpën winë xypyokyës ets të xymyo'oyës ja ëyo'on jotmay?

Deuteronomio 16:11

Jëtu'un nëjkx ja Wintsën tu'uk ja myëjxëëw xyaj'apaatëtë jam ma ja it naaxwiinyëtë kë'ëm të twin'ixyën ets ja xyëëw jam yaja'amyätsëty; ko tyaapë xëëw xyaj'apaatëtëty, tam'ajtp ënety ja m'u'unk m'ëna'këty, mëtuunpë, Leví ja'ayëty, jaaypyaat jaaypyo'kxy, ku'ooky'u'unkëty ets ku'ookytyo'oxëty.

Lamentaciones 4:1

Tëë ja pu'ts pujxn yëkëtyä'äy. Ka'ap y'ëk'atë'kxnë. Xii yaa muum në'ëjoty tu'ujoty yajpatnë xit ko'oy, ja tsaa oyëtypë jëtu'unyë muum jyaak ka'tsnë

2 Reyes 18:30

Pën yë Ezequías mnëmaayëtëp ko miitsëty yi'iyë yë Wintsën atu'uk xytyuk'ijxpätëty ets m'ënë'ëmxëtëty: Mëtëy yë'ë ko yë Wintsën yë'ë xypyutëkëja'anëm ets xyajtso'oka'anëm; yë'ë ka'ap nëjkx t'a'ixë ets ëëtsajtëm o'ktëy njajtmëty ets ya'atë naax kajpn tjä'ä'atëty ja Asiria ja'ayëty,

2 Reyes 18:32

Yë'ë kë'ëm nëjkx tu'uk ja tsënaaytyakn mo'ojëtë jëtu'unpë y'ixëtyën tä ya'atë mnaaxëtyën, ma winë oy y'ity wyintëyën, ijxtëm ja tsatymyën, higo ets mëti'ipë mtukjuuky'ajtëpën, ka'ap y'ëmaaytya'akëty ja jë'kxy pëky. Jotkujk jam nëjkx mjuuky'atë, nii tii xykyayaj'ëmaaytya'aktëty. E yë Ezequías këtii xyjyä'äkyujkëtë yë y'ayuk, jä'ä ko mwin'ë'ënëtëp yë'ë ko y'ënä'äny ko yi'iyë yë Wintsën xytyuk'ijpätëty.

Salmos 79:10

Ka'ap tjëkyepy ets tääpë ja'ayëty mëti'ipë ka'ap të t'ëwtatyën y'ëna'antëty: ¿ma ënät ja mTios? Tuk'ijxtëk ëëtsëty näjyëtu'un wi'ix ëxëëk jyatën kyëpätën ja ja'ayëty mëti'ipë të tyaj'ooktën ja mtuunpëtëjk. Wä'än tnijawëtë ja'ayëty mëti'ipë ka'ap Dios t'ëwtatën.

Salmos 80:6

jä'äs mijts të xyaj'awinpijnëtë yajja'ayxyikpë ma ja naax kajpnën mëti'ipë yajmëwinkon'ajtpën ets yë nmëtsiptëjkëtyës näjyëtu'un xynyëxik xytyukxiknëtës.

Salmos 102:10

mëët ko të m'ëwa'antä'äky ets ko të mjoot'anpëky, je'eyës tu'ktsojkyë të xyajwinpety etsës jatëkok të xyajkujënajkojnëpë.

Salmos 115:2

¿Wi'ix ko ënät tyajtëwtëty yë ja'ayëty mëti'ipë wiink tios y'ëwtajtëpën, maa ja nTios'ajtëmë?

Salmos 122:8

Tyam yë'ëjës n'ënëëmëjäämpy yë njëëky nmëku'ukës, ets mëti'ipës oy mëët nnäjyawëtyën ko wä'än tjam'aty yë akujkajtën jotkujk'ajtën ma mijtsën.

Ezequiel 46:10

Yë yajkutujkpë mëët tyëkëty yë naax kajpn ets mëët pyëtsëmëty.

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?