Salmos 42:3 - Biblia Dc en Mixe de Quetzaltepec

³ Xëëny kootsës të një'ëy të nyä'äxy, jëtu'un yaj'ijxnë yë'ëjës yowë nwiin nëë xykyuxp. Ja nmëtsipës jëtu'un y'ëna'antë: ¿Maa ënät ja mTios?

Biblia Mixe de Quetzaltepec

³ Xëëny kootsës të një'ëy të nyä'äxy, jëtu'un yaj'ijxnë yë'ëjës yowë nwiin nëë xykyuxp. Ja nmëtsipës jëtu'un y'ëna'antë: ¿Maa ënät ja mTios?

Salmos 42:3 ပူးပေါင်းရင်းမြစ်များ

Salmos 79:10

Ka'ap tjëkyepy ets tääpë ja'ayëty mëti'ipë ka'ap të t'ëwtatyën y'ëna'antëty: ¿ma ënät ja mTios? Tuk'ijxtëk ëëtsëty näjyëtu'un wi'ix ëxëëk jyatën kyëpätën ja ja'ayëty mëti'ipë të tyaj'ooktën ja mtuunpëtëjk. Wä'än tnijawëtë ja'ayëty mëti'ipë ka'ap Dios t'ëwtatën.

Salmos 115:2

¿Wi'ix ko ënät tyajtëwtëty yë ja'ayëty mëti'ipë wiink tios y'ëwtajtëpën, maa ja nTios'ajtëmë?

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Salmos 102:9

Kuuyjyaamës një'kxyp, jëtu'un ijxtëm jeexyë tsajpkääky nkayënës; ets maas yë n'uukyën, yë'ë mëët xyëpinyëty yë nwiinnëëjës,

Salmos 80:5

Yë nwiinnëëjëtyës yë'ëjës të xytyukjë'kxtë; ka'ap y'ëk'ëmaay'ajnë, mëpaatëpës n'uknëtë,

Salmos 42:10

Jëtu'unës yë nwaay mpajk pyëjknë y'atoonë koos xyajjoot'anpëktë yë nmëtsiptëjk, ets janaam jatsojk xyajtëwtës: ¿Ma ënät ja mTios?

Miqueas 7:10

Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.

Salmos 79:12

Mijts Wintsën, wëxtujk ok näjyëtu'un ëxëëk xytyunëty yë nmëjëën nmëtëjkëtyës ko mëj të myajjoot'anpëkyë;

Salmos 22:8

ets y'ëna'antë: Ya'atë ja'ay yë'ë ijty yë Wintsën xëmë tyuk'ijxpejtyp, wä'än yë'ë yajtso'okyë. Yë'ë ni'ik tsyojkën'ajtyp, wä'än yë'ë yajjotkujktä'äkyë.

Salmos 3:2

mayës ja'ay xynyikajpx xynyimëtya'aktë. Ka'ap nitsokën tpaata'any ma Tiosën.

2 Samuel 16:12

Pën xypya'ëyoopës jëna'a Wintsën ets pën jam tkëwentëtuny maas yam ëxëëk njaty nkëpetyën, wä'änxyëp ja ni'ikyë nëjkx xy'ëkënu'kxnës ets nëjkx jëëmpit winë y'ëktuun y'ëkjajtënë oyës ënety të njayajpoky jëtu'un tääjës tyam nmëtoyën.

Éxodo 23:17

Tëkokyë yë ye'etyëjktëjk tëkëëk'ok mëpaat jam nyäwya'këxë'ëkëtë tu'kjëmëjtpë ma Tiosën.

Deuteronomio 5:26

¿Tyaapë jëtu'unpë yaj'ixyën pën naaxwiinyëtë ja'ay y'ëkwintänëp, ma Dios kyäjpxy myëtyä'äkyën ets ka'ap niwi'ix jyatëty kyëpätëty, jëtu'un tä ëëts Tyam të nmëtowtën?.

Salmos 63:2

Jëtu'un njajanty'ixa'any ma mtsajptëjkën, etsës njatukxoonta'aka'any ja mmëkajtën m'oyajtën,

Salmos 84:3

Näyjyëtu'un yë joon jëyujkëty pyatëp yë y'ijtakn jap ma mijts mwintsë'këntyaknën, ets japts yë y'u'unk y'ëna'k yë pyä'än t'oytyuunë, mijts Wintsën mëti'ipë maaytyääyëpën winë, mijts nkutujkpë'ajtyp ets mijts nTios'ajtyp.

Salmos 143:6

Jamës yë nkë'ë nnajtsxajë ma mijtsën koos nkajpxtä'äky, jä'ä ko nyajmëyäjtypyës yë mputëjk mpupäjtën jëtu'un tä yë naaxwiinyëtë nëë tyajmëyätyën.