Salmos 41:9 - Biblia Dc en Mixe de Quetzaltepec

⁹ Yë'ëpaat yë nmëku'ukës mëti'ipës ënety mëët oy nnäjyawëtyën, mëti'ipës ënety mëët tu'ukyë nkay n'uukyën, nän tëës xymyëtsiptsoony.

Biblia Mixe de Quetzaltepec

⁹ Yë'ëpaat yë nmëku'ukës mëti'ipës ënäty mëët oy nnäjyawëtyën, mëti'ipës ënäty mëët tu'ukyë nkay n'uukyën, nän tëës xymyëtsiptsoony.

Salmos 41:9 ပူးပေါင်းရင်းမြစ်များ

2 Samuel 15:12

Ojts näjyëtu'un yë Absalón twoy yë Ahitófel, mëti'ipë mëët yë David tyuunmukyën ets mëti'ipë yë David wyäämpyën najtskajpxëpë, jam tsyëënë Guiló ets jyämyëët'atëtëty ma ënety ja wintsë'kën tyajka'anyën. Jëtu'un ojts nyimayëtë ja Absalón ja jyä'äy ets tnipëtëka'antë ja ënä'ämpë David.

Job 19:13

Dios të tuknipëjktaakë ets nmëku'uktëjkës mëti'ipës ënety mëët oy nämyäyën xy'ëxmatstëtyës ets xymyëjëkämkä'äktëtyës etsës jëtu'un xy'ixtëty jaaypyaat jaaypyo'kxyën.

Job 19:19

Yë'ëpaat yë ja'ayëty mëti'ipës ënety mëët oy të nämyäyën ëxëëkës xy'ijxnëtë; mëti'ipës ënety ntsojkpy nja'apën tëëjës ja xymyëtsiptso'onëtë.

Salmos 101:3

Nijëna'ajës yë ëxëëkpë tëkatsypë nkatuk'ijxpäta'any maas winë ntuna'anyën. N'ëxëëk'ijxypyës yë ja'ay mëti'ipë ka'ap yë Dios oy tmëtunyën; Ka'apës nkupëka'any etsës xymyëwinkontëty.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Abdías 1:7

Tu'kë'ëyë mëti'ipë ënety mëët të mnäpyiky mnämyätsyën tëë mwin'ëënyë; tëë myaj'ëxwopy ma mnaax mkajpnën. Yë'ëpaat yë ja'ayëty mëti'ipë ënety mëët të mnämyäyën tëë mmëtsiptsoonyë ets ja ja'ayëty mëti'ipë ënety mëët oy mnämyäyën tëë ja jyot wyima'any tyajtëkajtsta'atë ma mijtsën ets të tpëjkta'aktë ja m'o'ktakn yu'utsypë. Yë Edom kajtëm yë wyijyëty.

Miqueas 7:5

Këtii xymyëpëkëty ja y'aaw y'ayuk ja mmëku'uk mëti'ipë mëët oy mnämyäyën ets këtii xytyuk'ijxpätëty ja ja'ay mëti'ipë mëku'ukja'apën; mëk xykyëwent'atëty ja m'aaw m'ayuk ko mëtya'akëty mëët ja mto'oxytyëjk.

Mateo 26:23

Ets ja Jesús y'ëtsoowëtë: Mëti'ipës mëët nkaaymyukyën, yë'ëjës xykyë'ëyakaanpën.

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Dios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.