Salmos 41:2 - Biblia Dc en Mixe de Quetzaltepec

² Yë Wintsën yë'ë kuwa'ananëp ets myo'oja'anyë yë juukyajtën ets jotkujk'ajtën yaa naaxwiiny, ka'ap y'ëxmatsa'anyë ets kya'ajëty jam ma myëtsipën.

Biblia Mixe de Quetzaltepec

² Yë Wintsën yë'ë kuwa'ananëp ets myo'oja'anyë yë juukyajtën ets jotkujk'ajtën yaa naaxwiiny, ka'ap y'ëxmatsa'anyë ets kya'ajëty jam ma myëtsipën.

Salmos 41:2 ပူးပေါင်းရင်းမြစ်များ

Salmos 27:12

këtiis xykyë'ëyakëty ijxtëm tjatsoktën, ëjts tëës yë ja'ay xynyipëtë'ëktë, mëti'ipë je'eyë poky'ixtaaytyëpën ets tsip'ixtaaytyëpën.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

Salmos 37:22

Pënjaty yë Wintsën të tkënu'kxyën, yë'ë jyä'ä'atantëp yë naaxwiinyëtë, e pënjaty të tpokyën nëjkxëp kyutëkooytya'atë.

Salmos 33:19

tääts tyajtso'oka'any o'kpë akujky, ets tmo'oja'any yë juukyajtën oy jënu'un yuu xëëw y'itëty.

Deuteronomio 14:29

Yë'ë mo'otëp yë Leví ja'ayëty, ko ënety mnimin mnija'tëtë. Miits tëë xynyijawëtë, ko yë'ëjëty ka'ap tii nyaax kyamëty jëtu'un tä miitsëtyën; yë'ë nëjkx xymyo'otë yë jaaypyaat jaaypyo'kxyëty, ku'ooky'u'unkëty ets ku'ooky tyo'oxyëty ets jëtu'un näjyëtu'un yajpaatëty ku'uxyë jotkëtä'äky. Yë Wintsën nëjkxëp mkënu'kxëtë ets mjuuky'atëty mëjwiin këjää ko ënety jëtu'un xytyuntë.

Rut 2:19

¿U'unk maay maaxën tyam të mtuny të mkupëky? Jëtu'un ja Noemi tyajtëëy ja Rut. ¿Maatën ya'atë tsajpmokpajk të xy'ëkmaypyëjknë? Dios jaakmo'o jaakkäxëtëp yë ja'ay mëti'ipë ya'atë näypyëtëkë të tyäkyën. Rut wa'ats tukmëmëtyaktaay ja tyaakxyäkxy pën ënety mëët të tyunyën: Yë ja'ay maas ojts të ntunyën jä'ä xyëëwajtyp Booz. Jëtu'un t'ënëmaay.

Proverbios 11:17

Mëti'ipë ja'ay pa'ëyoop najts'ëyo'owëpën, nätsyojkëp jëtu'un kë'ëm; e mëti'ipë ëxëëk ja jyot wyinma'anyën, kë'ëm nyäy'ëxëëktunyë.

Proverbios 14:21

Mëti'ipë ja'ay ka'ap yë jyiiky myëku'uk tunyën këwentë, poky tyuunpy; e jotkujk ja'ay yajpaaty mëti'ipë pya'ëyoopyën yë ëyoopëja'ay.

Proverbios 19:17

Ko yë ëyoopëja'ay tii ntuk'ënu'kxmëty, Dios ënety winë yajtuk'ënu'kxp, yë Dios yë'ë nëjkx kë'ëm jëna'a tkujuy ja nu'kxy.

Proverbios 31:20

Xëmë tputëkë ja ëyoopëja'aytyëjk ma winë tyajmëyatën.

Jeremias 39:17

E ëjts mijts nkuwa'anäämpy këtiipë wi'ix mjatëty ma tääpë ja'ayëtyën mëti'ipë mtsë'këpën. Ëjts Wintsën, ëjts ënaanp.