Salmos 40:8 - Biblia Dc en Mixe de Quetzaltepec

⁸ Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Biblia Mixe de Quetzaltepec

⁸ Ëjts ntunäämpyës mëti'ipë mijts mni'ënä'ämëpën, Tios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Salmos 40:8 ပူးပေါင်းရင်းမြစ်များ

Romanos 7:22

Jap njootjoty nwinma'anyjyotyës njatsojkpyës ja Dios ja y'ënä'ämën;

Juan 4:34

Tääts ja Jesús y'ënëmaayëtë: Ëjts yë'ëjës jëtu'un nja'ap tä kääky tä uukyën koos ntuny ja ënä'ämën mëti'ipë tsyojkpyën ja mëti'ipës të xykexyën ets nyajwintu'upëkëtyës.

Salmos 119:16

Janty jotkujkës nnäjyawëja'anyë mëët ko jää xyaj'ity yë m'ënä'ämën mtëyajtën, ka'apës nijëna'a nja'atyëkoyä'äny yë m'aaw m'ayuk.

Jeremias 15:16

Koos ijty xymyëkäjpxy, jëtu'unës ja m'aaw m'ayuk njawë tä ja'ay tii tjë'kxyën; yë m'aaw m'ayuk jotkujkës ijty xyajnäjyawëty, jä'ä ko mijtsës xyjyä'ä'ajtp, Wintsën mëti'ipë maaytyääyëpën winë.

Salmos 119:24

Ëjts janty jotkujkës nnäjyawëty ko jyääjëty yë m'ënä'ämën mtëyajtën; yë'ëjës xy'ëëwij xykyajpxwijtëp.

Salmos 119:47

jä'ä ko ëjts ntsojkpyës ets n'oyjya'apës yë m'ënä'ämën mtëyajtën, ets jotkujkës nnäjyawëty mëët yë'ë.

Salmos 119:92

Ko jeexyë yë m'ijxpëjkën ka'ap xyajjotkujktä'äkyës, yë monyëtukyë jëna'ajëpës jeexyë xyajkëjxnë.

Salmos 112:1

Tukxoontä'äky mëjjawë yë Dios yë xyëëw nyaxëty. Jotkujk yë ja'ay yajpaaty mëti'ipë wyinkutsë'këpën yë Wintsën, ets jotkujk nyäjyawëty ko tpatuny ja y'ënä'ämën tyiyajtën.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Proverbios 3:1

U'unk maay, këtii xyjyä'äytyëkoyëty yë n'ijxpëjkënës. Pëjkë'ëk ma mjot mwinma'anyën yë n'ënä'ämënës,

2 Corintios 3:3

Wa'ats yaj'ixy ko jëtu'un miitsëty ijxtëm ja noky tsyä'äyën mëti'ipë ja Kristë kë'ëm të tja'ayën ets ëëts të nyaktë, ka'ap oy nyatiijëty të yajtukja'ay, yë'ë të yajtukja'ay yë Juukpyë Dios yë Jya'awën; ja noky mëti'ipë ka'ap tsaakëjxy kyëxpajyëtyën, mëti'ipë të yajja'ayën ma naaxwiinyëtë ja'ay ja jyot wyinma'anyëtyën.

Job 23:12

Xëmës të npatuny yë y'ënä'ämën, tyiyajtën, kyutujkën ets ka'ap kë'ëmwinma'any tii të ntunyës.

Romanos 8:29

Mëti'ipë tëëyëp ja Dios y'ixy'äjtypyën ets ojts tuknipëjktaakë ko t'u'unk'ata'any; jëtu'un ja y'u'unk mëj y'itëty ma nimay ja myëkä'äxtëjkën.