Salmos 40:6 - Biblia Dc en Mixe de Quetzaltepec

⁶ Mijts ka'ap xytyukjotkëtä'äky ko ja jëyujk ooky myajtukwintsë'ëkë, ëkë ko ja aaypyajk ujtspajk myajtukwinkupëkë; ni yë'ë të xykya''amëtoy wintsë'kën ets tii myajtukmëyoxëty. Mijts ni'ikyës yë nkopk ntatsk të xyaj'ëwatsë.

Biblia Mixe de Quetzaltepec

⁶ Mijts ka'ap xytyukjotkëtä'äky ko ja jëyujk ooky myajtukwintsë'ëkë, ëkë ko ja aaypyajk ujtspajk myajtukwinkupëkë; ni yë'ë të xykya''amëtoy wintsë'kën ets tii myajtukmëyoxëty. Mijts ni'ikyës yë nkopk ntatsk të xyaj'ëwatsë.

Salmos 40:6 ပူးပေါင်းရင်းမြစ်များ

Isaías 1:11

Jëtu'un yë Wintsën y'ënä'äny: ¿Tiijës nyajwa'anëty yë wintsë'kën oy jënu'un may xyajmintë? Tëës xynyatsijpnë ja wintsë'kën nino'okpyë xyaktën, tä yë kupixynyën, tsajpkaajën ets tsajppaxën, ëxëëkës n'ixy yë jëyujk ne'pny.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.

Salmos 51:16

Jä'ä ko mijts ka'ap xytsyoky yë wintsë'kën no'okpyë, mëti'ipë jeexyë yam mijts nmoopyën, ka'ap jëtu'unpë xytyukjotkëtä'äky.

Oseas 6:6

Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

Mateo 12:7

Jëtu'un ja Dios ja y'aaw y'ayuk y'ënä'äny: Yë'ëjës ntsojkpy ets xymyëët'atëty ja pa'ëyo'owën, ka'ap yë'ëjëty koos xytyukwintsë'ëkëtëty ja jëyujk tsajpkaa. Ko jeexyë xy'ëkwinmëtowtë pën wi'ix jëtu'un tijy, ka'ap jeexyë xypoky'ixtë mëti'ipë ka'ap tii poky tuntën.

Amós 5:22

Ka'apës nkupëky yë wintsë'kën mëti'ipë miits mjayajktëpën no'oky xämy etsës nyätyukwintsë'ëkëty; ka'apës nkupëka'any oy jënu'un tsajpkaani'kx xytyukwintsë'ëkëtëtyës ma ja nay'ëëw'oy näykyajpx'oyë xytsyoktën.

Mateo 9:13

Nëjkxtë ets xy'ijxpëktëty ja Dios ja y'aaw y'ayuk ma y'ënä'änyën: Yë'ëjës ntsojkpy ets ja'ay tmëët'atëty ja pa'ëyo'owën, ka'ap yë'ëjëty ma wintsë'kën xymyo'otëtyës. Jä'ä ko ka'apës yë'ëjëty të niminy yë oyjyä'äytyëjk, pokyjyä'äytyëjkës të niminy.

Isaías 66:3

E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Job 33:16

Ame'tsyë Dios ja'ay tatskmëkajpxë; y'ojpy ets y'ëtsë'këp,

Salmos 50:8

Ka'ap yë'ëjëty ntukwiink'ixy koos mijts xytyukwintsë'ëkë yë tsajpkaa ooky, tsajppax ooky, tsa'aypyë no'okpyë.

Éxodo 21:6

Ënet ja wintsën tmënëjkxëty ja tyuunpë jam Dios wintum ets jam tyajmëjwa'kpätëty ma ja tyëjk'aawën ets tyajjujtëty yë tyatsk mëët tu'uk yë xu'uny, jëtu'un wyë'ëmnëty xëmëkyëjxm ma yë'ëjën.

Job 5:9

yë'ë tyuunpy winë mëjwiin këjää ets yaj'ijxëp yë myëj'ajtën tsipë nja'akyujkëmëtyën.

Salmos 71:15

jëtu'unës nyajnaxa'any yë xëëw jëmëjt, nikajpxa'any nnimëtya'aka'anyës koos mijts të xyajtso'oky ets koos të xynyipaye'ey ijxtëm tyim'ixë'atyën. E tëkokyë ya'atë mëti'ipë të xytyuny të xykyäjpxyën, ka'apës yajxon nja'akyukë wi'ix ko jyëtu'unëty.

Salmos 139:17

Mijts Dios, janty tsip nja'akyukëtyës yë mjot mwinma'any. Tsip yajwinjawëty yë mjot mwinma'any kanaakpëkpyë.

Salmos 139:18

Kooxyëp jeexyë n'ëkmëtyoyës, ni'ik mayxyëp yë pyëtsimy këtiinëm jyëtu'unëty yë nëë ajin ets oyxyëp njamëtyoowtääpyës, ëjts je'eyëmës jeexyë nyajpaaty mëët mijts.

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.