Salmos 4:4 - Biblia Dc en Mixe de Quetzaltepec

⁴ Mëët'atë ja näywyinkutsë'kën ets këtii mpokytyuntë. Ko ënety jam mmaanëtë mpo'kxnëtë, ëk'itë amonyë ets mëmay mëtajtë pën oy winë të xytyuntë.

Biblia Mixe de Quetzaltepec

⁴ Mëët'atë ja näywyinkutsë'kën ets këtii mpokytyuntë. Ko ënäty jam mmaanëtë mpo'kxnëtë, ëk'itë amonyë ets mëmay mëtajtë pën oy winë të xytyuntë.

Salmos 4:4 ပူးပေါင်းရင်းမြစ်များ

Efesios 4:26

Ko mjoot'anpëkëty, këtii mpokytyuntëty; këtii tu'kxëëwpaaty mjoot'anpëkëty.

Salmos 77:6

wa'atsës nja'amyetsy koos ijty n'ëy nyä'äxy koots. Maas yë njot nwinma'anyën nmay ntajyës etsës kë'ëm näyyajtëyë.

Proverbios 3:7

Këtii janty wijy mnäyajnaxëtëty. Winkutsë'ëkë yë Dios ets näjyëpëkët ma ja ëxëëkpën.

Salmos 63:6

Koots, koos nma'ajanë; ënätës yë nwinma'any jyä'ty ma mijtsën ets nja'amyetsy;

Salmos 46:10

Näkyë'ëyakëtë. Ijxkajptëkës koos ëjts nTiosëty. Ëjts mëj'äämpy ijtp ma mëjëtypë naax kajpnën, Mëj'äämpyës n'ity ma naaxwiinyëtë y'ëwtityën.

2 Corintios 13:5

Nämyëmay nämyëtajëtë miits kë'ëm ets xy'ixtëty xynyijawëtëty pën mjantymyëpëjktëp ja Jesukristë. Näwyinma'any'ixëtë miits kë'ëm. ¿Këtii xynyijawëtë ko ja Jesukristë yajpaaty mëët miitsëtyë? ¿Ëkë nëkoo miits mnanyikajpxëtë ko Kristë xymyëpëktë?

Salmos 33:8

Mëjjawëtë kënukxyjyawëtë yë Wintsën tëkokyë jënu'un naaxwiinyëtë myajpaatën; kënukxyjyawëtë miitsëty naaxtsënääpyë kajpntsënääpyë.

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Proverbios 16:6

Mëët yë tsojkën ja'awën ets tëyajtën yajnime'kxy yë poky; ënät yë ëxëëkpë yajmëjëkämke'eky pën yajmëjpëjktakp yë Dios.

Habacuc 2:20

E yë Wintsën jap yajpaaty ma tsyajptëjkën wa'atspë, amonyë mëpaat yë naax kajpn jap yajpaaty yë'ë wyintuuy naaxwiinyëtë apëtsëmy.

Proverbios 16:17

Mëti'ipë jëtu'un yë wa'ats ja'aytyëjk yajxon timyajtuk'ënä'ämtëpën, yë'ë ko tmëjëkäm'atëty yë ëxëëkajtën. Ko yajxon yajkëwent'aty ma winë yajtuny yajkäjpxyën, kë'ëm ënety nnäkyëwent'ajtëmë.

Salmos 119:161

Yë ja'ayëty mëti'ipë ënä'ämtëpën yajkutujktëpën, yë'ëjës xy'ixjëtijt xypyajëtijtëp nanëkoo, ëjts ka'apës ma tii ntuuntëkoy; yë njot nwinma'anyës yë'ë wyinkutsë'këp yë m'aaw m'ayuk.

Salmos 3:4

Nmëyäxy nmëjojkpyës yë Wintsën koos yë näypyutëkë n'amëtoy etsës xy'ëtsoy ma jam yajpaatyën wa'ats kopkkëjxm.

Salmos 2:11

Ëwtatë ets wiinkoxtänëtë ja Wintsën mëët ja xoontakën ets ja wintsë'kën. Winta'ak naaxkowtë ma yë'ëjën mëët yë winkutsë'kën, këtiipë jyoot'anpëkëty ets këtiipë muum tu'u'aay m'ooktëty, jä'ä ko yë'ë pojën jyoot'anpëky. Jotkujk ets xoontä'äky yë ja'ay yajpaaty mëti'ipë y'ixtääpyën yë näkyëwent'atë ma yë'ëjën.

Jeremias 5:22

Ëjts mëti'ipë Wintsën'ajtpën, jëtu'unës n'ëna'any: ¿Jä'ä jëtää ko ka'apës xytsyë'ëkëtë? ¿Jä'ä jëtää ko ka'ap tsyëtyuytyë maas ëjtsënë? Ëjts të njapëjktä'äky mapaat yë mëjmejy nyaxëtyën, mapaat ka'ap nëkooyë muum nyasjä'ätsëtyën. Jëtu'un yë në'o'pky pyëti'iky ets jya'ëëtsy jyakomy, e ka'ap tninaxy mapaat të yaj'ënëëmën jya'tëty.

Salmos 3:2

mayës ja'ay xynyikajpx xynyimëtya'aktë. Ka'ap nitsokën tpaata'any ma Tiosën.

Salmos 17:6

Dios, mijts yam npa'tmëkäjpxyp; jä'ä ko mijts xy'ëtsoopës; ja'akyujkëkës, mëtoow'ijtkës yë n'aaw n'ayuk.