Salmos 4:2 - Biblia Dc en Mixe de Quetzaltepec

² Miitsëty ninu'un mëj këjxm mnäyajnaxëtën, ¿Jëna'apaat ëxëëk maya'an mtaja'antë, mëët ëjts koos oy njuuky'äty, jëna'apaat yi'iyë xytyuunk'ata'antë ka'apë myëtëyëtyën ets ka'apë jyääntyëtyën?

Biblia Mixe de Quetzaltepec

² Miitsëty ninu'un mëj këjxm mnäyajnaxëtën, ¿Jëna'apaat ëxëëk maya'an mtaja'antë, mëët ëjts koos oy njuuky'äty, jëna'apaat yi'iyë xytyuunk'ata'antë ka'apë myëtëyëtyën ets ka'apë jyääntyëtyën?

Salmos 4:2 ပူးပေါင်းရင်းမြစ်များ

Proverbios 1:22

Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Oseas 4:7

Ko ijty nyimayë'ëtë'ëtstë ja teety, ni'ikyë xymyëtëkoytyës; paatykyëjxm nyajtëkatsanëtës yë myëj'ajtënëty tsip käjpxy.

Salmos 3:3

E mijts, Wintsën, mijtsës xy'akëëytyujkp xy'axajtujkp; mijtsës xytyukpatp ja mëj'ajt oyajtën ets mijtsës jatëkok xyajjotkujktakp.

Jeremias 2:11

Pën tëë tu'uk ja naax kajpn tios tyajtëkatsy mëti'ipë wiink tios y'ëwtajtypyën, ja tios ka'apë tiosëtyën.

Salmos 106:20

ojts tjënaxtë yë Dios, ets ojts tyajtëkatstë yë myëj'ajtën ets xyoontakën mëët tu'uk yë awinax mëti'ipë këxë'kpën tä tsajpkaajën, mëti'ipë aay ujts y'ojkypyën.

Salmos 5:6

Myajkutëkoopy ja win'ë'ëmpë antakpë, ets ka'ap xykyupëky mëti'ipë ja myëku'uk y'ayäjkpy kyë'ëyäjkpyën ma ja ëxëëkpën ets mëti'ipë yajja'ay'o'kpën.

Efesios 4:25

Paaty tyam, këtii m'ëk'antaknëtëty, ko mmëku'uk xymyëmëtya'aktëty mëtëy tii xytyuk'ëwaanëtëty, jä'ä ko tu'ukyë n'ijtëm ijxtëm tu'ukpë ja ni'kx kopkën.

Eclesiastés 8:11

jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënety të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

1 Samuel 12:21

Këtii yë'ë xypyanëjkxtëkëtëty yë wiink tios, mëti'ipë ka'ap tjëkyepyën mputëkëty ets myajtso'okëtëty.

Jonás 2:8

Mëti'ipë wiink tios pyanëjkxtëpën, yajtëkooynyëtëp ja wiinkutsë'kën ma mijtsën.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Isaías 20:5

Ja ja'ayëty ko nëjkx jëtu'un t'ixtë je'eyë nëjkx tsyë'ëkëtë ets tsyëtyuntë, jä'ä ko jëtu'un ënety yë Etiopíë kajpn të tjawëtë tä tu'uk mëk kajpnën ets Egiptë kajpn mëti'ipë mëj'äämpy ijtpën.

Salmos 63:11

E ja yajkutujkpë xoonta'akaanp jä'ä ma Tiosën; y'ëwantëp ja ëy mëti'ipë oy nimëtyakëpën, e ja mëti'ipë win'ë'ëntëpën amë'pxy y'ita'antë.

Salmos 58:3

Yë ëxëëkja'aytyëjk jëtu'un tmëmëxu'unk'atëtë ëxëëk jot ëxëëk winma'any, yë antakpëtëjk ka'anëm myintë naaxwiiny ko yajpaatë jëkäm mëët ja tëyajtën.

Salmos 58:1

Miitsëty jënu'un mëj'äämpy m'itën, ¿jaanty mëtëy ja nëë poky xynyipaye'eytyë ets yë'ë mëtëypyë mtuuntëp ko ja naaxwiinyëtë ja'ay ja nyëë pyoky xytyukwinmëtowtë?

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Salmos 31:6

N'ëxëëk'ijxypyës yë ja'ay mëti'ipë awinax y'ëwtajtëpën ka'apë tii mëj'ajtën tmëëtëtyën. Yi'iyë tu'uk yë Wintsën ntuk'ijxpejtypyës.

Salmos 14:6

Nyëxik tyukxiktëp mëti'ipë yë ëyoopëja'ay jyatsojkpyën, e yë Wintsën yë'ë nikëëy nixajëp.

Salmos 2:1

¿Wi'ix ko myuktë xyu'umtë ja ja'ayëty mëti'ipë ka'ap ja Dios t'ëwtatën? ¿Wi'ix ko t'ëëwmuk tkajpxmuktë ka'apë tyuunëtyën?

Eclesiastés 9:3

Yë'ë jëtu'un ya'atë ka'ap oy n'ijxmëty mëti'ipë naaxwiiny naaxkëjxy tuunëpën jajtëpën. Näyjyëtu'un ënät jatu'kpëky ja ayuk, yë naaxwiinyëtë ja'ay jä'ä xëmë myëmääpy myëtäjpy tuuntëko'oy kajpxtëko'oyën; ja tsuuwinma'any kupoj winma'any jä'ä nätyuk'ënä'ämëp mapaat jyuuky'ätyën; ets ko y'ooky tyëkoy nitëyë yajmënëjkxnë jutjoty.

Salmos 72:2

jëtu'un mëtëy ja naax kajpn t'ënä'ämëty ets oy tii tnipaye'eyëty ma ëyoopëja'aytyëjkën.

Éxodo 10:3

Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

1 Corintios 1:31

Jëtu'un ijxtëm ja Dios ja y'aaw y'ayuk kyëxja'ayëtyën: Pën jää mëti'ipë nämyëja'awëyëpën, wä'än nämyëjawëty ko ja Wintsën të tmëpëky.

Jeremias 2:5

Jëtu'un ja Wintsën m'ënë'ëmxëtë: ¿Tii jëtää ojts ëxëëk t'ixtë maas ëjtsën ja m'ap m'okëty koos xy'ëxmajtstë? Yë'ë ojts tpanëjkxtëkëtë wiinkëtypë tios ka'apë tii mëj'ajtën tmëëtëtyën, yë'ëjëty ka'ap tii tpatë t'ijxtë.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Hechos 24:9

Ja Jutiis ja'ayëty mëti'ipë ënety jam yajpatëpën näjyëtu'un y'ënantë.