Salmos 4:1 - Biblia Dc en Mixe de Quetzaltepec

¹ Dios mëti'ipës xykyuwaanp xykyënu'kxpën, xy'ëtsowëpës ko nmëkajpxëty. Koos ënety nyajpaaty mon tuk, ojtsës xymyo'oy jotkujk'ajtën. Pa'ëyoow najts'ëyo'owëkës ets mëtoow'it wi'ix n'ënëëmën.

Biblia Mixe de Quetzaltepec

¹ Tios mëti'ipës xykyuwaanp xykyënu'kxpën, xy'ëtsowëpës ko nmëkajpxëty. Koos ënäty nyajpaaty mon tuk, ojtsës xymyo'oy jotkujk'ajtën. Pa'ëyoow najts'ëyo'owëkës ets mëtoow'it wi'ix n'ënëëmën.

Salmos 4:1 ပူးပေါင်းရင်းမြစ်များ

2 Corintios 1:10

Ets ja Dios të xyaj'ëwaatsëpëtsëmtës o'kënjëjp'am. Njëjp'ijxtëpës ets xëmë xy'akëëytyuk xy'axajtuktëtyës

Salmos 119:132

Ni''ijxkëtakës ets mëët'at ja pa'ëyo'owën najts'ëyo'owën mëët ëjts, jëtu'un ijxtëm xypya'ëyoyën yë ja'ay mëti'ipë mtsojkpy mja'apën.

Salmos 25:16

Wintsën, Wintë'kxkës, ets mëët'at pa'ëyo'owën najts'ëyo'owën mëët ëjts, atu'ukës nyajpaaty ets mon tuk.

Jeremias 23:6

Ko ënety yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Salmos 17:6

Dios, mijts yam npa'tmëkäjpxyp; jä'ä ko mijts xy'ëtsoopës; ja'akyujkëkës, mëtoow'ijtkës yë n'aaw n'ayuk.

Habacuc 3:19

Jä'ä ko yë Wintsën yë'ëjës xyjyotmëkmoopy; jëtu'unës yë nteky tyajyu'unkë tä yë jëtyu'ujën mëti'ipë pe'tym ye'epyën ets jam xyajnëjkxyës maas ka'ap tii xyjyatëtyën.

Isaías 45:24

ets y'ëna'ana'antë: Yi'iyë tu'uk yë Wintsën yajmëtakp, yë'ë nätyu'uk mëk'ajtën myëët'ajtyp. Tëkokyë nu'unës ënety xymyëtsip'atën, nëxi'iky tukxi'iky wyë'ëma'antë.

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.

Salmos 57:1

Dios, mëti'ipës nTios'ajtypyën, mëët'at pa'ëyo'owën najts'ëyo'owën mëët ëjts, jam ma mijtsën jamës n'ixta'ay yë kuwa'anën. Jamës nnäyutsa'anyë ma mijts mkëwent'atyën koonëm ja ëyo'on jotmay nyaxëty.

Salmos 45:1

Janty oypyë yë aaw ayuk tyam nmääpy ntäjpyës; yë nyä'änës jëtu'un të tii yajtukja'ayën mëti'ipë jääpyëtëjk tyukjaaytyëpën. Tyam nkajpxa'anyës ja ayuk mëti'ipë oy yajmëtoopën, yajkutujkpë wyintuuy.

Salmos 22:1

Dios, mëti'ipës nTios'ajtypyën, Dios mëti'ipës nTios'ajtypyën. ¿Wi'ix ko xynyawa'ktu'utyës? ¿Wi'ix ko xykyaniminyës etsës xyajtso'okëty? ¿Wi'ix ko xykyamëtoy koos një'ëy nyä'äxy?

1 Samuel 17:37

Yë Wintsën mëti'ipës xëmë xyajtsokpën ma kaajën ets ma jëyujkën ëwa'anëtypë, nän yë'ëjës xyajtso'okaanp ma tääpë yë filistejë ja'ayën. Ënet ja Saúl y'ënëmaayë: Nëjkxts ets yë'ë Wintsën mputëkëtëp.

2 Corintios 1:8

Mëku'uktëjkëty, yë'ë miits ntuk'ëwaanëjantëp wi'ixës ja jotmay të ntuknaxtën jam Asia y'itjotm. Mëk ëëts ja ëyo'on të npaat të n'ixtë, ka'ap myëtënaaynyëty; ka'apës n'ëkjëjp'ijxnëtë ënety ets jam npëtsëmtëtyës juuky.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

Salmos 76:1

Yë Dios wa'ats yajnijawë jam Judá ets xyëëw mëj yajëkyepy jam Israel.

Salmos 67:1

Dios xypya'ëyo'owmëp ets xykyënu'kxmëty; wä'än xynyi''ijxkëtakëmë,

Salmos 42:1

Jëtu'un tä jëtyu'u u'unk tyëëtsën, nëë'ëkë'pë nyijkxyën nëë ukpë, jëtu'un n'ixta'ay mijts Dios, mëti'ipës n'ëwtajtypyën.

Salmos 31:8

Ka'apës të xykyë'ëyäky maas ja nmëtsiptëjkën; jamës të xyajnaaxwä'äky maas jotkujk ntänëtyën.

Salmos 24:5

Yë Wintsën mëti'ipë Tios'ajtypyën mëti'ipë yajnitsokpën, yë'ë kënu'kxanëp ets nyipaye'eyä'änyë.

Salmos 11:7

Yë Wintsën oy tii tnipaye'ey, ets tsyojkpy ja mëtëypyë ja nipaye'eyën; paaty yë ja'ay mëti'ipë oy juukyajtpën y'ixantëp yë Dios wiinxë jëjpxë.

Salmos 116:16

Wintsën, ëjts mijts xytyuunpë'ajtp. Ëjts xy'u'unk'ajtp ja to'oxytyëjk mëti'ipë mmëtuunëpën. Mijts të xypyojtuky ja tejpxy mëti'ipës të nyajtuktsumyën.

Salmos 116:6

Yë Wintsën Kyëwent'ajtyp yë ja'ay mëti'ipë yu'unk naxym ja'ay'ajtpën. Koos ënety ëjts tëë nmëjaawkëjxnë, yë'ëjës ojts xyajtso'oky.

Salmos 56:1

Pa'ëyoowkës, Dios mëti'ipës nTios'ajtypyën, tää yë ja'ay kanaak mëti'ipës xy'ixjëtijt xypyajëtijtëpën; janaam jatsojkës xytyukjoot'anpëktë etsës ëxëëk xytyuntë xy'ënëëmëtë.

Salmos 41:12

E ëjts, maas oy të njuuky'ätyën, mkë'ëjotyës yaj'ijtk, ets mijtsës xëmë mmëët'ajtk.

Salmos 6:1

Wintsën, këtiis xy'ojëty, këtiis xytyiytyunëty mëët yë mtsip m'äkë.

Job 36:16

Mijts ojts myajtso'okyë o'kënjëjp'am, may'äämpy winë mmooyë ets myaj'ëwaatsëpëtsëëmë; ujts të tyaj'ity yë mkaaytyakn mëët yë jë'kxy pëky.