Salmos 32:3 - Biblia Dc en Mixe de Quetzaltepec

³ Maas ënety ka'ap yë npoky nmaaywyätsynyëmën, yë njot nini'kxës jëtu'unyë ënety nyapëky nyäy'ixyë koos xëëwpaaty n'ëjy ntu'uky,

Biblia Mixe de Quetzaltepec

³ Maas ënäty ka'ap yë npoky nmaaywyätsynyëmën, yë njot nini'kxës jëtu'unyë ënäty nyapëky nyäy'ixyë koos xëëwpaaty n'ëjy ntu'uky,

Salmos 32:3 ပူးပေါင်းရင်းမြစ်များ

Salmos 38:8

Tyam jëtu'unës nnäyjyawëty amä'ä tukmä'äjë ets ka'apës tii nmëjaawnë; koos n'ëjy ntu'uky yë'ë jootjotypë tsyoonyën.

Salmos 38:3

Mëët ko tëë mjoot'anpëky koos të mpokytyuny, tëkokyë yë njot nini'kxës pëjkp atoonpës njawë; ni tu'ukës yë npajk nkajawë y'oyëty.

Lamentaciones 3:8

oyës mëk të amëtoy yë näypyutëkë, ka'ap të tmëtoy yë n'aaw nyo'knës;

Salmos 22:1

Dios, mëti'ipës nTios'ajtypyën, Dios mëti'ipës nTios'ajtypyën. ¿Wi'ix ko xynyawa'ktu'utyës? ¿Wi'ix ko xykyaniminyës etsës xyajtso'okëty? ¿Wi'ix ko xykyamëtoy koos një'ëy nyä'äxy?

Oseas 7:14

Oy janty mëk jyayajmëtoy xymyëkajpxtës ko jam yajpaatë wyiity myaapäjnkëjxm, yë'ëjëty ka'ap winë aaw winëjot xymyëkajpxtës. Ko t'amëtowa'antë yë tsajpmok ets tsatym nyëë tëëpë nyimaanaxyën, yajtsëtyujtëp yë nyini'kxëty ma wiink tiosën; tääts xykyäjpxy kumëtoownaxtës.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Job 30:30

Yëkëm je'eyë yë nini'kxës të jyajnë, je'eyë tyooynyë jyäämnë yë njot nkëpajkës mëët yë mëk jëën.

Salmos 51:8

Mooykyës yë xoontakën ets jotkujk'ajtën, yajjotkujktakës jatëkok oyës ëxëëk të xy'ëktuny.

Lamentaciones 3:4

Tëë tyaj'ëmëjë njot nini'kxës, atëj tuktëjë të tuunta'ay nwaay npajkës;

Lamentaciones 1:3

Ëyoop mëtuunp Judá tyam, tsumy matsy yajpaaty wiink naax wiink kajpn. Mëti'ipë ijty naax kajpn y'ëne'empyën, tyam ka'ap pyo'kxy. Mëti'ipë të yajpapo'oyën tëë yajnajtspaatë ma y'axu'utstëkën.

Isaías 59:11

Aakjëtu'un ni'tsëmë osën, aakjëtu'un nmu'ujëmë pakën; yajxon yaj'ëwxity yë nitsokën ets ka'ap tsyojkminy; yajxon njajanty'ëwxijtëmë, ni'ikyë nmëjëkämkäkëm.

Isaías 51:20

Jëtu'un tä kupixyny ëkë tä tsajppax muum jyänën ets të y'ënu'kxën, jëtu'un ja m'u'unk m'ëna'k të jyatë, jëtu'unyë të myëjaawkëjxnëtë, kujy jëpipy muum të yajpaatë në'ë'aay tu'u'aay tëë tsyëtyujta'atë mëët ja Wintsën ja tsyip y'äkë, ko të tyiytyunëtë.

Salmos 6:2

Pa'ëyoowkës Wintsën, tëës näjyawëty nmëjaawkëxy. Wintsën, yajtsok yaj'akëtakës jatëkok, aak tsëyuuynyëpës yë nini'kx nja'awënë.

Job 30:17

Yë'ëpaatës nja'awënë pyëjkë'knë yë nwaay npajkës, tu'ktsu'um yajxon pyiky.

Job 3:24

N'ëjënës ntu'kënës një'kxyp; npëjkënës n'ijxënës n'ukpy.

2 Samuel 11:27

Ko jëtu'un ja monyëtukyë nyiwatsë, ënät ja David ojts twoownë jam ma ja tyëjkën ma ja kutujkëntëjkën ets mëët pyijky, ja to'oxytyëjk ojts tu'uk ja u'unk maay tyajminy tyaja'ty naaxwiiny. E ja Wintsën ka'ap oy t'ijxy ijxtëm ënety ja David të y'ëti'itsyën.

Isaías 57:17

Mëët ko yë Israel pyokytyuny, ojtsës tëkok njoot'anpëky, ojtsës ntukëpety etsës ntimy'ëxmajtsy; e yë'ë ni'ikyë ojts wyinma'any mëk tpëjktä'äky ets ëxëëk y'ëtity y'ënäny.

1 Samuel 31:13

Ja kuyjaam mëti'ipë ojts wyintooykyëtä'äkyën jam ojts tyajnaaxtëkëtë Jabés, ma tu'uk yë kepypya'tkën. Wëxtujk xëëw y'ayuu'ajtë, tmëkjawëtë ko ënety ja o'kën tëko'oyën të y'ity ma ja Saulën mëët nitëkëëk ja myaank.

Proverbios 17:22

Mëk tsooy yë'ë ko ja'ay jotkujk nyäjyawëty; e ko ja'ay mon tuk nyäjyawëty, tim këjxtääpy tjawë yë jyot myëjaaw.