Salmos 3:3 - Biblia Dc en Mixe de Quetzaltepec

³ E mijts, Wintsën, mijtsës xy'akëëytyujkp xy'axajtujkp; mijtsës xytyukpatp ja mëj'ajt oyajtën ets mijtsës jatëkok xyajjotkujktakp.

Biblia Mixe de Quetzaltepec

³ E mijts, Wintsën, mijtsës xy'akëëytyujkp xy'axajtujkp; mijtsës xytyukpatp ja mëj'ajt oyajtën ets mijtsës jatëkok xyajjotkujktakp.

Salmos 3:3 ပူးပေါင်းရင်းမြစ်များ

Salmos 27:6

Täänëm ënät tjëkyäpëty wi'ixës yë nmëtsiptëjk, nwinkuwa'akëty amëk jotmëk; ënät nëjkx yë Wintsën nmo'oyës yë wintsë'kën jap tsajptëkoty, etsës mëk nya'axa'any njoka'any koos ënety nyajpaaty xoontä'äky, etsës nwin'ëwa'any nwinya'axa'any yë Wintsën.

Salmos 28:7

Yë Wintsën yë'ëjës mëk xykyuwaanp, yë'ëjës të ntuk'ijxpety etsës të xypyutëkë. Jotkujkës näjyawëty; Ëwaanpës ko ënety ja Wintsën nkukajpxës.

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Salmos 119:114

Mijtsës xypyu'ëw xypyukajpxëp ets mijtsës xykyuwaanp; ma m'aaw m'ayukën, jam yajpaaty mëti'ipës n'a'ijxyp njëjp'ijxypyën.

Isaías 60:19

Mijts ka'ap nëjkx xyajmëyäty mxëëw ni'anëty, ëkë po'o koots mkutë'kxëtëty, jä'ä ko mijts kë'ëm ntimkyutë'kxäämp xëmë; ëjts mëti'ipës Tios'ajtpën, ëjts mijts nkutë'kxäämpy.

Salmos 62:7

Dios yë'ë patëp xyajtso'okëtyës ets xymyo'ojëtyës jatëkok ja n'oyajtën, yë'ëjës xykyuwaanp ets yë'ëjës ntsoktakn'ajtyp.

Salmos 84:11

Jä'ä ko yë Dios mëti'ipë yajwintsën'ajtpën, yë'ë xykyutë'kx xykyujajëm ets xykyuwa'anëm; yë Wintsën tsyojkpy jya'ap ets yajmëj'ajtyp yë ja'ay mëti'ipë juuky'ajtëpën wa'ats, ka'ap nitii tukwintuk'ooky.

Salmos 18:2

Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Dios ets ja Kupixyny U'unk y'ajajy y'atë'kxy.

Salmos 110:7

Ko tyu'uye'eyëty, nëjkxëp nyëë uuky wokjoty, ja nëë yë'ë nëjkx myëjaawmo'oyë.

Salmos 4:3

Nijawëtë ko yë Wintsën yë'ë tsyojkpy yë ja'ay mëti'ipë oy mëtuunëpën ets mëmëtoowëpën; nijawëtë ko yë Wintsën xymyëtoow'ijtpës koos nmëkäjpxy.

Apocalipsis 21:11

Janty ajajp janty atë'kxp mëët ja Dios ja myëj'ajtën jyääntyajtën, jëtu'un y'ajajy y'atsëmämy ijxtëm ja tsaa janty oypyën, ijxtëm tu'uk ja poop tsaajën mëti'ipë yajtuk'ijxnajxpën, ijxtëm ja ijxn yajtuk'ijxnaxyën.

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënety myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënety amëj akëjxm jyä'äy'atën.

Génesis 40:13

kom tëkëëk xëëw yë yajkutujkpë mijts jatëkok mja'amyätsa'anyë ets mpëjta'aka'anyë ma mtuunkën, tääts je'eyëm jatëkok ja y'a'ukën xytyukkë'ëkonëty, tä ijty xytyuunk'atyën.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënety ëjts xytyukjotmëk'aty.

2 Reyes 25:27

Ma ënety y'i'px wëxtujk anyën ja mëmäjtskpo'opë, ma më'i'px majkmokx mäjtsk jëmëjt y'apetyën ma ja yajkutujkpë Joaquín, Judá ja'ay yajmënëjkxyën jap Babilonyë; jää ojts tyëkë yajkutujkpë yë Evil-merodac. Tyaapë yajkutujkpë ojts yë ama'atjot tmëët'aty, paaty tpa'ëyooy ja Joaquín ets tju'ty jap pujxn tëkoty,

2 Reyes 18:30

Pën yë Ezequías mnëmaayëtëp ko miitsëty yi'iyë yë Wintsën atu'uk xytyuk'ijxpätëty ets m'ënë'ëmxëtëty: Mëtëy yë'ë ko yë Wintsën yë'ë xypyutëkëja'anëm ets xyajtso'oka'anëm; yë'ë ka'ap nëjkx t'a'ixë ets ëëtsajtëm o'ktëy njajtmëty ets ya'atë naax kajpn tjä'ä'atëty ja Asiria ja'ayëty,

2 Reyes 18:32

Yë'ë kë'ëm nëjkx tu'uk ja tsënaaytyakn mo'ojëtë jëtu'unpë y'ixëtyën tä ya'atë mnaaxëtyën, ma winë oy y'ity wyintëyën, ijxtëm ja tsatymyën, higo ets mëti'ipë mtukjuuky'ajtëpën, ka'ap y'ëmaaytya'akëty ja jë'kxy pëky. Jotkujk jam nëjkx mjuuky'atë, nii tii xykyayaj'ëmaaytya'aktëty. E yë Ezequías këtii xyjyä'äkyujkëtë yë y'ayuk, jä'ä ko mwin'ë'ënëtëp yë'ë ko y'ënä'äny ko yi'iyë yë Wintsën xytyuk'ijpätëty.