Salmos 27:9 - Biblia Dc en Mixe de Quetzaltepec

⁹ Këtiis xywyinkuyu'utsy. Këtiis xyjyëpëky xyjyëtuny a'äkë. Mijts xypyutëjkëpës. Këtiis nätyu'uk xy'ëxmatsëty kuwaankës, mijts nTios'ajtyp ets mijts xyajnitsokpës.

Biblia Mixe de Quetzaltepec

⁹ Këtiis xywyinkuyu'utsy. Këtiis xyjyëpëky xyjyëtuny a'äkë. Mijts xypyutëjkëpës. Këtiis nätyu'uk xy'ëxmatsëty kuwaankës, mijts nTios'ajtyp ets mijts xyajnitsokpës.

Salmos 27:9 ပူးပေါင်းရင်းမြစ်များ

Salmos 69:17

këtii xy'ixtijëty ya'atë m'ëyoopë mmëtuunpë. Ëtsoowinpijtkës tsojkyë, jä'ä ko ëjts o'kën jëjp'amës nyajpaaty.

Salmos 143:7

Wintsën, ëtsoowinpijtkës pojën, ëjts xejykyukëjxëpës. Këtiis yë mputëjkën xytyukwintuk'ookëty këtiipës n'ookëty ntëkoyëty.

Salmos 102:2

Këtii yë mwiin mjëjp xyu'utsy mëët ëjts maas tyam nyajpaatyën mon tuk; tun yë mëyajtën mëtoow'ijtkës. Ëtsoowkës tsojkyë ko nmëkajpxëty.

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Salmos 24:5

Yë Wintsën mëti'ipë Tios'ajtypyën mëti'ipë yajnitsokpën, yë'ë kënu'kxanëp ets nyipaye'eyä'änyë.

Salmos 119:121

Nijëna'ajës të nkamajtstu'uty ja oypyë tu'unën kajpxën. Këtiis xykyë'ëyakëty ma ja nmëtsiptëjkës ja kyë'ë y'aawën, mëti'ipë tëytyuuntëpën.

Salmos 88:1

Wintsën mëti'ipës nWintsën'ajtypyën ets mëti'ipës xyajnitsokpën, jopy ux mijts n'amëtoy npëjktsoy yë putëjk pupäjtën,

Salmos 51:11

Ka'ap mëpaat xyjyëkexyës mijts mwintuuy, ets ka'apës mëpaat xypyëjkë yë wa'atspë mmëkajtën m'oyajtën.

Salmos 44:24

¿Wi'ix ko mnäyu'utsyë? ¿Wi'ix ko xyjyä'äytyëkoytyës? ¿Këtii xy'ixy koos n'ëyowtë?

Salmos 13:1

Wintsën, ¿Jëna'apaat ja'atyëkoy xyaj'ita'anyës? ¿Xëmëkyëjxmën ja'atyëkoy xyaj'ita'anyësë? ¿Jëna'a je'eyë mnäyu'utsa'anyë ko mijts niminëty?

1 Samuel 7:12

Tä ja Samuel tkoonë'ky tu'uk yë tsaa ets tpëjktäky ma mëët nyäpyaatëtën yë Mizpá ets Sen. Tä txëëwmooy jampë it naaxwiinyëtë Eben-ézer, jä'ä ko tyaa y'ënäny: tyampaat yë Wintsën të xypyutëjkëmë.

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

Isaías 59:2

Jä'äjën tëy, yë'ëkyëjxm ko miitsëty të mpokytyuntë paaty ja Dios të mmëjëkämkä'äkëtë; yë'ëkyëjxm ko të mpokytyuntë paaty je'eyë ja tyatsk të t'apääntuky këtiipë tmëtowëty mëti'ipë mkajpxtëpën.

Salmos 69:18

Mëwinkoonkës ets yajtsokës; ju'tkës maas yë nmëtsip yë kyë'ë y'aawën.

Salmos 102:3

Yë njuukyajtënës jëtu'unës njawë pyojtëkoy tä jëënjokën, ets nwaay npajkës jëtu'unës njawë tyoy jyemy tä jëënpajkën;