Salmos 26:9 - Biblia Dc en Mixe de Quetzaltepec

⁹ Këtiis yë njuukyajtën xypyëjkëty jëtu'un tä pokyjä'äytyëjkën; këtiis xy'ëxmatsëty etsës näjyëtu'un njatëty tä yë yajja'ay'o'kpëtëjkëtyën.

Biblia Mixe de Quetzaltepec

⁹ Këtiis yë njuukyajtën xypyëjkëty jëtu'un tä pokyjä'äytyëjkën; këtiis xy'ëxmatsëty etsës näjyëtu'un njatëty tä yë yajja'ay'o'kpëtëjkëtyën.

Salmos 26:9 ပူးပေါင်းရင်းမြစ်များ

Salmos 139:19

Mijts Dios, pëjkë yë jyuuky'ajtënëty yë ëxëëkja'aytyëjk ets tukmëjëkämkäkës yë yajja'ay'o'kpëtëjk,

Mateo 25:46

Ja ëxëëk ja'ay ëts jap yë nyëjkxa'antë ëyoowtaknjoty, e ja wa'ats ja'ayëty jap ja nyëjkxa'antë ma juukyajtën yajpaatyën xëmëkyëjxmëpë.

Mateo 25:44

Ënet näjyëtu'un tyajtëëwtë: ¿Wintsën, jëna'a mijts të myuu'ookyë, ëkë jëna'a të mtëëtsë, ëkë të m'any të mpojy, ëkë niwa'ats ëxwa'ats të mjëtity, ëkë të mpëky të m'ixyë ëkë pujxn tëkoty të myajpaaty ets ka'ap të mputëkëtë?

Mateo 25:32

Ets ja naaxwiinyëtë ja'ay ni'ëmukë nyämyuka'anët ma yë'ëjën ets twoowa'kxa'any ja ja'ay, jëtu'un tä yë kupixyny këwent'ajtpë twoowä'kxyën ja kyupixyny ets ja tsyajppax.

Mateo 24:51

tääts nëjkx tyiytyunyë ets pyëjktä'äkyë ma ja ja'ayëtyën mëti'ipë wiinkë'ëy akë'ëy oyjyä'äy'ajtëpën. Ënet myina'any ja ëyo'on jotmay ma y'ityën ja jë'ëyën yaxën ets ma ja ja'ay ka'ap jeky ja ëyo'on tmëmëtä'äkyën.

Malaquías 3:18

Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.

Salmos 55:23

Dios mëti'ipës nTios'ajtypyën, ka'ap jeky jyuuky'ata'any yë yaja'ay'o'kpë ets win'ë'ëmpë; mijts kë'ëm myajkutukëp ets kyuka'anaxtëty jap o'kpëjutjoty, e ëjts ënät, mijts tu'ut ntuk'ijxpätäämpy.

Salmos 51:14

Dios, yë nTiosës mëti'ipës xymyoopyën yë nitsokën, këtii xy'ëwa'atsëty etsës pën nyaj'ook nyajtëkoyëty, ets jëtu'un tjëkyäpëty nikajpx nimëtya'akëtyës ko mijts aak'oy aak mëtëy winë xytyuny.

2 Samuel 21:1

Ma ja David ënety y'ëne'emyën, ojts jam yë yuu xëëw y'ity tëkëëk jëmëjt. Ënet yë David ojts yë Wintsën tuk'ëwaanë ets y'ëtsoowë: Yë yuu xëëwpaaty yë jyää'aty, jä'ä ko yë Saúl ojts nanëkoo may tyaj'ooky yë Gabaón ja'ayëty.

2 Samuel 16:7

ja Simí ëxëëkjaty tjanty ënëëmë ets tpojky; tyaa y'ënä'äny: Nëjkx mijts ka'oypyë, ëxëëk ja'ay, yaja'ay'o'kpë.

1 Samuel 25:29

Pën jää pën m'ixjëtity mpajëtityë ets myaj'ooka'anyë, ka'ap nëjkx wi'ix mtunyë, jä'ä ko yë njuukyajtën yë'ë ënety kë'ëm Dios tyimkëwen'ajtyp. E yë'ë ënät ja mëtsip jëtu'unyë nëjkx ja Dios tjëpëjkta'ay tä ja'ay yë tsaa t'ixka'atsyën mëët yë tsaawëtu'un.