Salmos 26:3 - Biblia Dc en Mixe de Quetzaltepec

³ Ëjts nmëët'ajtypyës yë mtsojkën mja'awën, tëë oy nmëtuny;

Biblia Mixe de Quetzaltepec

³ Ëjts nmëët'ajtypyës yë mtsojkën mja'awën, tëë oy nmëtuny;

Salmos 26:3 ပူးပေါင်းရင်းမြစ်များ

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

2 Juan 1:4

Akujk jotkujkës näjyawëty koos të npaaty ma miitsëtyën mëti'ipë kyuuytyuuntëpën ja ënä'ämën tëyajtën, mëti'ipë ja Dios të tnajts'ënä'ämën.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Dios të mnimä'kxëtën, ko ja Kristë të xymyëpëktë.

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Lucas 6:36

Mpa'ëyowtëp miits ja ja'ay ijxtëm ja Dios Teety pya'ëyoyën.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Isaías 2:5

Miitsëty Jacob yë y'u'unk y'ëna'k, mintë ets ni'ëmukë nye'eymyujk nnajxmujkmëty ma ja Wintsën ja nyëë'aaw tyu'u'aawën.

Salmos 119:142

Yë oypyë mnipaye'eyën mëtëy xëmë y'ity, yë m'ijxpëjkën tëyajtën yë'ë.

Salmos 101:2

Ëjts tëy tëtä'äkyës njuuky'ata'any. ¿Jëna'ajës xynyimina'any? Oy winë ntuna'any nkajpxa'anyës maas nyajkutukyën.

Salmos 86:11

Mijts Wintsën, tukni''ijxëkës yë mnë'ë mtu'u etsës yë'ë tu'ukyë npaye'eyëty. Mijts m'a'ixëp ets njot nwinma'anyës y'ëwa'atsëty, täätsës nmëjpëjkta'akëty yë mxëëw.

Salmos 52:1

Mijts jotmëkja'ay ets jotkujk ja'ay, ¿wi'ix ko janty mëj janty këjxm mnäjyawëty ko winë ëxëëk xytyuny xykyäjpxy? Yë Dios yë tsyojkën jya'awën xëmë y'ijtëy.

Salmos 25:5

Tu'uwinwoowkës ets tukni''ijxëkës ja mtëyajtën. Jä'ä ko mijts nTios'ajtyp ets mijts xyajnitsokpës. Mijts ntuk'ijxpejtyp oyjyëna'ajëty.

3 Juan 1:11

Mëku'uk, këtii yë'ë xypyatunëty ja ëxëëk ijxpëjkën, patun mijts ja oypyë. Pën ja oypyë tyuunpy, yë'ë Dios jä'ä'ajtëp; pën ja ëxëëkpë tyuunpy, ka'ap ja Dios nyijawëty.