Salmos 26:1 - Biblia Dc en Mixe de Quetzaltepec

¹ Wintsën, paye'eykyës yë npoky, yë njuukyajtënës ka'ap tii ëxëëkpë tmëëtëty. Mijts Wintsën, mijts tu'ukyë ntuk'ijxpejtyp;

Biblia Mixe de Quetzaltepec

¹ Wintsën, paye'eykyës yë npoky, yë njuukyajtënës ka'ap tii ëxëëkpë tmëëtëty. Mijts Wintsën, mijts tu'ukyë ntuk'ijxpejtyp;

Salmos 26:1 ပူးပေါင်းရင်းမြစ်များ

Salmos 28:7

Yë Wintsën yë'ëjës mëk xykyuwaanp, yë'ëjës të ntuk'ijxpety etsës të xypyutëkë. Jotkujkës näjyawëty; Ëwaanpës ko ënety ja Wintsën nkukajpxës.

Salmos 7:8

Wintsën, mijts mnipaye'epy ja naax kajpn ja tyuuntëko'oyën: Wintsën, nipaye'eykyës maas winë oy ntunyën, jëtu'unës xynyipaye'eyëty tä mëpaat yajnijawën ko ka'apës tii poky nmëëtëty.

Proverbios 20:7

Jotkujk yë ja'ay yë y'u'unk y'ëna'k yajpaatë mëti'ipë të jyuuky'ätyën tëy tëtä'äky.

Salmos 21:7

Mijts yajkutujkpë ka'ap nijëna'a mka'ajëty, jä'ä ko mijts mtukjotkujk'ajtyp yë Wintsën ets mtukjotkujk'ajtyp yë tsyojkën jya'awën yë Ni'ik Këjxmëpë.

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

1 Samuel 24:15

Paaty tyam wä'än yë Dios yë'ë tkëwentëpëky pën pokymyëët ma ëëtsajtëmën nimäjtsk. Wä'än yë'ë kë'ëm xykyuwa'anyës ets wä'än yë'ë kë'ëm tpaye'ey pën tiijës të ntuuntëkoy, mëët koos yë yajkutujkpë xy'ixjëtity xypyajëtity.

2 Pedro 1:10

Mëku'uktëjkëty, yë'ëkyëjxm ko ja Dios të mtsokëtë ets të mwin'ixëtë, yajkopkpëktë ja oypyë winma'any këtiipë ja poky xy'ëktuunëtëty.

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.

Hebreos 10:23

Tsojk njëjp'ijxëm ëmuumtu'ukjot mëti'ipë ja'ay ntukmëmëtyakëmën, jä'ä ko Dios, kyuuytyuunpy mëti'ipë wyaantäkpyën.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

Proverbios 29:25

Mëti'ipë ja'ay myënaaxwiinyëtë ja'ay tsyë'këpën, kyë'ëm winma'any ëxëëk yajjajt yajkëpäjtëp; e mëti'ipë ja'ay yë Dios tyuk'ijxpejtypyën, Dios këwent'atanëp.

Salmos 121:3

Yë'ë ka'ap t'ëwa'atsa'any ets muum mkëtaw mkëpipëty. Ka'ap nijëna'a myä'äy mëti'ipë mkëwent'ajtëpën.

Salmos 94:18

Koos ojts tëkok n'ëna'any: o'kpës yam, ënetyës ojts xynyiminy yë mtsojkën mja'awën, Wintsën, etsës xypyutëjkëy.

Salmos 62:6

Yë'ë tu'kpajk xyajnitsokpës ets xykyuwaanpës. Nijënu'un tkajëkyepy xymyëmëta'aktëtyës yë nmëtsiptëjkës jä'ä ko yë'ëjës ntsoktakn'ajtyp.

Salmos 62:2

Yë'ë tu'kpajk xyajnitsokpës ets xykyuwaanpës Nijënu'un tkajëkyepy xymyëmëta'aktëtyës yë nmëtsiptëjkës jä'ä ko yë'ëjës ntsoktakn'ajtyp.

Salmos 54:1

Dios, yajnitsokës, mijts nTios'ajtyp, mëti'ipë myëët'ajtypyën yë mëj'ajtën. Niwaantutkës ets kuwaankës mëët yë mmëkajtën.

Salmos 43:1

Dios, nipaye'eykyës maas ëxëëk njaty nkëpetyën; pukajpxëkës ma ja'ayëtyën mëti'ipë ka'ap Dios t'ëwtatën. Yajtsokës ma ya'atë ëxëëkja'ayëtyën mëti'ipë je'eyë win'ë'ën antaktëpën,

Salmos 37:31

Jä'ä ko myëët'ajtyp ma jyot wyinma'anyën mëti'ipë yë Tyios tukni''ijxëyëtëpën; yë ye'eyën nyajxën xëmë ta'tspëky y'ity, nijëna'a kyakëtay.

Salmos 35:24

Wintsën mëti'ipës nTios'ajtypyën, tukwinmëtoowkës ja npoky, jëtu'un ijxtëm tëyajtën winë xynyipaye'eyën, këtii xykyupëkëty etsës pën xynyëxi'ik xytyukxi'ikëty.

Salmos 31:14

E ëjts, Wintsën, mijtsyë tu'ukyë ntuk'ijxpejtyp; ëjts jëtu'unës të n'ëna'any: Mijtsyë tu'ukyë nTios'ajtyp.

Salmos 26:11

Yë njuukyajtënës ka'ap tii ëxëëkpë tmëëtëty. Yaj'ëwaatsëpëtsëëmkës ets pa'ëyoow najts'ëyo'owëkës.

Salmos 25:21

Wä'än yë'ë tkuwa'antë koos ka'ap tii ntuuntëkoy ets ko ka'apës npokymyëëtëty, jä'ä ko mijts të ntuk'ijxpety.

Salmos 25:2

NTiosës, mijts ntuk'ijxpejtyp, këtii xy'ëwa'atsëty etsës ntsëtyun njaaypyätëty. Ka'apës mëpaat yë nmëtsip xytyukxi'iky.

Salmos 15:2

Yë'ë mëti'ipë oy yajxon juukyajtpën, mëti'ipë ka'ap pyokymyëëtëtyën; mëti'ipë aakjä'ä tyuunpyën oypyë, ets mëti'ipë tëyajtën winë nyimëtyäkpyën;

Salmos 4:5

Tukwintsë'ëkëtë yë wa'atspë ets oypyë ëmuumtu'ukjot, yi'iyë tuk'ijxpätë yë Wintsën.

1 Samuel 2:9

Yë ja'ay mëti'ipë oy mëtuunpën Kyëwent'ajtyp yë'ë oy maa tyimnëjkxy, E yë ëxëëkja'aytyëjkëty jëtu'unyë muum kyupi'its kyukootsëtë ets y'o'knëtë tyëkooynyëtë. Jä'ä ko atsip jyamëta'akantë ka'ap myëta'aktë.

Job 2:3

Ënet ja Wintsën y'ënëmaayë: ¿M'ixy'äjtyp yë Job mëti'ipës ntuunpë'ajtypyënë? Nimaa ja'ay jëtu'unpë kyaka'ty tä yë'ëjën naaxwiiny naaxkëjxy, mëti'ipës oy xymyëtuunpën ets mëti'ipë tëy tëtä'äky juukyajtpën, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë. Oy ëxëëk të xyjatuny ets të xyaj'ëyo'onpaaty ets ka'ap tii poky tmëëtëty, yë'ë mëk yë wyinma'any tmajts'ity ets ka'ap maa tyëkoy.

Job 4:6

Mijts oy yë Dios xymyëtuny ets mëtëy winë të xytyuny, ¿wi'ix ko ënät xyajtëkoy ja mmëpëjkën?