Salmos 22:7 - Biblia Dc en Mixe de Quetzaltepec

⁷ Koos pën xy'ixy je'eyës xynyëxi'ik xytyukxi'iktë; je'eyë kyuwëjpxtë ets wyiin y'aaw tuntë

Biblia Mixe de Quetzaltepec

⁷ Koos pën xy'ixy je'eyës xynyëxi'ik xytyukxi'iktë; je'eyë kyuwëjpxtë ets wyiin y'aaw tuntë

Salmos 22:7 ပူးပေါင်းရင်းမြစ်များ

Marcos 15:29

Ko ja ja'ay jam nyaxtë kruuts'ëjxm, je'eyë kyujëpiptë ets nëëxi'ik tukxi'iktë ja Jesús: Aa, mijts jä'ä ijty mnetyijëp ko xyjyijtë'ëka'any ja mëjtsajptëjk ets tëkëëk xëëw jatëkok xykyoja'any.

Salmos 109:25

Ëjts je'eyës nyajja'ayxyi'iky. Koos muum xy'ixtë, tääts yë kyëpajk tkoowmin tkoowxëptë.

Lucas 23:11

Ënet ja Herodes mëët ja tsyiptuunpëtëjk nëxik tukxiktë ja Jesús, ka'ap tmëj'ixtë ets ja wit tukxojxtë ijxtëm ja yajkutujkpë wyitën. Tääts jatëkok tuknikejxy ja Pilato.

Marcos 15:20

Ko jëtu'un nëxiktë tukxiktë, tääts ja tsu'unk wit tuknijääntutë jatëkok ets ja kyë'ëm wit tukxojxtë mëti'ipë ënety wyit'ajtypyën. Tääts twoowpëtsëëmtë ets tyajkruutspäta'antë.

Mateo 27:29

ets taktë tu'uk ja äpnykyujan jëtu'unpë tä kujänën ets tukujääntë ja Jesús, ets tukë'ëkajpëtyë tu'uk ja kepy mëti'ipë ijty ja yajkutujkpëtëjk kyë'ëkap'ajtëpën. Ënet twinkuxtënaaytyë ets nëxik tukxiktë, t'ënëëmëtë: Mëjpë yajkutujkpë, jutiis ja'ay yajkutujkpë.

Salmos 44:14

Mijts yowë m'ëwatsnëp ets ja'ay xynyëxi'ik xytyukxi'iktëtyës mëti'ipë ka'ap yë Dios t'ëwtatën, ko muum xy'a'ijxnaxtës tääts yë kyëpajk tuntë jëpijpminy jëpijpxëpy.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Mateo 9:24

ënät y'ënäny: Pëtsëmtë yaa, yë kiixy u'unk ka'ap yë të y'ooky, maap yë je'eyë. Tääts ja ja'ay je'eyë tukxiktë ja Jesús.

Isaías 57:4

¿Pën mtukxiktëp? ¿Pën m'ëxwa'an m'ixtijtëp? ¿Pën mwiin m'aaw mtuk'ijxtëp? Miitsëty poky të xytyukmin të xytyukkä'äxëtë, yë'ë m'u'unk'ajtëtëp mëti'ipë je'eyë win'ë'ënpën,

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Salmos 31:18

Wä'än amonyë t'itë mëti'ipë antaktëpën, mëti'ipë je'eyë nëxik tukxiktëpën ets tëkatsy tnimëtya'aktë ja'ay mëti'ipë oy juukyajtpën.

Job 16:10

Aak xynyipëtë'knëpës yë ja'ay, aak xytyuk'ijxtëpës yë wyiin jyëjpëty etsës xy'amëkoxëtë, nijënu'unës pën mëj xykya'ixy.

Job 16:4

Ko jeexyë miits jëtu'un m'ëk jat m'ëk këpätë tääjës yamën, näjyëtu'unës jeexyë nkäjpxy tä mkajpxtën; je'eyës jeexyë nkëpajk njëpipy etsës jeexyë n'axiktu'uty, nëkooyës jeexyë n'ëëwnë nkajpxnë,

Job 12:4

Oyës nkapokymyëëtëty ets oyës nitii tuuntëko'oyën nkamëët'aty ets oy të nyäxy ja xëëw jëmëjt ma ijty ja Dios tmëtoyën koos nmëkäjpxy, yë njëëky nmëku'ukës mëti'ipës mëët oy nnäymyäyën, je'eyës tyam xytyukxi'iktë.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.