Salmos 21:9 - Biblia Dc en Mixe de Quetzaltepec

⁹ ets jap xypyëjkta'aka'any jëënjoty ko ënety xynyipaye'ey ja nëë poky. Yë Wintsën mëët yë tsyip y'äkë, yë'ë nyino'okäämpy mëët yë jëën mëti'ipë yaj'o'k yajtëkoopyën.

Biblia Mixe de Quetzaltepec

⁹ ets jap xypyëjkta'aka'any jëënjoty ko ënäty xynyipaye'ey ja nëë poky. Yë Wintsën mëët yë tsyip y'äkë, yë'ë nyino'okäämpy mëët yë jëën mëti'ipë yaj'o'k yajtëkoopyën.

Salmos 21:9 ပူးပေါင်းရင်းမြစ်များ

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Salmos 50:3

Yë nTios'ajtëm tää myiny wyinkony, ka'ap Amón api'its myiny: jëënmëët myiny mëti'ipë winë yajtooytyëkoopyën, ets wyintuuy pyë'aay mëk tuu mëkpoj mëët ye'ey.

Salmos 18:8

Ojts jok pyëtsimy ma jyëjpën, ets ma y'aawën jëën jap pëtsëëm mëti'ipë yaj'o'kpën. Ojts jëënpajk tka'tspëtsëmy y'aawjoty.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

Lamentaciones 2:2

Nitu'uk yë Wintsën yë Jacob jyëën tyëjk të tkayajwë'ëmë; poj'am të tyajkutëkooytyä'äy, yë Jacob yë nyaax kyajpn mëti'ipë ënety ta'tspëky ets këwent'aty ijtpën; tëë tjaamteeny tnaaxteety yë yajkutujkpëtëjk ets y'ënä'ämpëtëjkëty.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Salmos 2:5

Ko jyoot'anpëky, nëkooyë jyänty tsyë'ëkëtë, ets ajoot'an y'ënë'ëmxëtë:

Deuteronomio 32:22

E ëjts yajxonës yë njoot'an të tsyooypyëjknë jëtu'un tä jëënën. Jëtu'unës yë njot nwinma'any tyam nja'awënë, tä yë patoyëjëën jyëtityën tunkëjxm kopkkëjxm ets tyajtooytyä'äy tëkokyë yë aay ujts, aay kepy; jëtu'un tä jap kopk'ëjxyën ets ma kopk kupi'tykyën wa'ats tyajwintooytyuta'ay.

Apocalipsis 20:14

Ënet jap yajkujëpijpëy jëënjoty, nëëmejyënpë kyëxë'ëkyën. Ya'atë jëën, nëë mejypyën kyëxë'ëkyën, yë'ë ja mëmäjtskpë ja o'kën.

Apocalipsis 19:15

Y'aawjoty jëtu'un jap pyëtsimy të tu'uk ja tëypyujxn mëti'ipë jëjpën, ets yë'ë mëët tyajtsëtyuta'any ja naaxwiinyëtë ja'ay. Ënet ja Dios jää y'ënä'äma'any mëët ja kuttujkën. Ets yë'ë kë'ëm wyintäänäämpy ja tsatsymtsya'am ets tsatym nyëë tyajpëtsëma'any ma ja Dios mëti'ipë maaytyääyëpën winë ja tsyip y'äkë.

1 Tesalonicenses 2:16

Yë'ë y'ëtujktëp koos ntuk'ëwaanëtë mëti'ipë ka'ap jyutiisëty wi'ix nyitso'oktëtyën. Jëtu'un ja pyoky tyajmayëtë. E jä'ä ko këxaanp ja jëtu'unpë, paaty ja Dios të tyuknikäxëtë ja mëj ëyo'on.

Mateo 25:46

Ja ëxëëk ja'ay ëts jap yë nyëjkxa'antë ëyoowtaknjoty, e ja wa'ats ja'ayëty jap ja nyëjkxa'antë ma juukyajtën yajpaatyën xëmëkyëjxmëpë.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Mateo 22:7

Ënet ja yajkutujkpë ojts yajxon jyoot'anpëky ets tkejxy ja tsyiptuunpëtëjk ets tyaj'o'kta'atëty ja yajja'ay'o'kpëty ets tnaxkuno'okëtyë ja nyaax kyajpn.

Mateo 13:50

Jëtu'un yajpëjkta'aka'antë ja ka'oyjyä'äytyëjk jap jëënjoty ets nëjkx tyëkëtë jëëpyë yaxpë ets tyipkä'äxtëty.

Mateo 13:42

Jap yajpëjkta'aka'antë ma ja jëën mëj tyoyën, ma jyë'ëtëty ya'axtëty ets tyipkä'äxtëtyën.

Mateo 3:12

Jëtu'un ja naaxwiinyëtë ja'ay tunëty ijxtëm ja tsajpmokpajk yajwinpojy ets tëkoty nyijkxy ja wa'atspë ets ja y'ak yajnino'oky ma ja jëën nijëna'a kyapi'itsyën.

Mateo 3:10

Ja jatyë apaatë y'owxijnë ets tpujxë'ëka'any ja kepy ma tyiktsën. Pën ka'ap oy jyä'äy'äty, jëtu'un jä'ä ijxtëm ja kepy mëti'ipë ka'ap oy tyëëm'atyën; yajpujxë'ëkaanp ets yajnino'oka'any.

Salmos 106:17

Paaty ojts yë naaxwiinyëtë y'ëwa'atsy ets ojts jap kyuka'anaxy yë Datán, ets ja jyä'äy ja Abiram.

Job 6:3

ni'ik je'emty jeexyë pyëtsimy këtiinëm yë nëë ajin paatykyëjxmës nkäjpxy nmëtyä'äky mëët yë yu'unk'ajt naxym'ajtën.

Génesis 19:28

Ënet ojts jam nyas'ixë Sodomë ets Gomorra ets ma pya'ajën nyuxën ets t'ijxy ko jam yë jëënjok pyëti'iky ijxtëm jeexyë tsijtkjoty yë jëën tyoyën.

Esdras 6:12

Ja Wintsën mëti'ipë wyin'ijxën ja Jerusalén kajpn ets yë'ë tjä'ä'ata'any, nëjkxëp tyajkutëkoy ja naax kajpn mëti'ipë ënety ëxëëk tunanëpën ets mëti'ipë yajjotkëjxëpën ma ja tsajptëjk jam Jerusalén tuunk'atën. Ëjts Darío, mëti'ipë yajkutujkpën, jëtu'unës ya'atë ja ënä'ämën mpëjktä'äky. Yajpatunëp jëtu'un tääjës yam nikäjpxyën.

Salmos 18:38

Piw nuukës të ntuunta'ay ets ka'ap të y'ëkpëtë'knëtë. Mon tuk të kya'ata'atë maas yë ntekpya'tkën.