Salmos 21:3 - Biblia Dc en Mixe de Quetzaltepec

³ Tëë xy'ëxajë mëët yë mëj kënu'kxën, ets të xypyëjktakë pu'ts pujxn kujän.

Biblia Mixe de Quetzaltepec

³ Tëë xy'ëxajë mëët yë mëj kënu'kxën, ets të xypyëjktakë pu'ts pujxn kujän.

Salmos 21:3 ပူးပေါင်းရင်းမြစ်များ

2 Samuel 12:30

Ojts tpëjkë ja ënä'ämpë ja kyujup, pu'ts pujxn mëëtpë, ja kujän myëët ja oyëtypë ja tsaa, jä'ä jye'emtyëty i'px majktëkëëk tsimën ets ojts jä'ä ja David yajtukujeny. Ojts yë David jam ëpëky winë kajpnjotm tyajpëtsëëmpë mëti'ipë tsowëtyën,

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Salmos 59:10

Yë Dios mëti'ipës xytsyojkp xyjya'apën, yë'ëjës xynyiminaanp; etsës xytyuk'ixa'any ko ënety ja nmëtsiptëjkës tyëkooynyëtë ets kya'ëkmëtaknëtë.

Salmos 31:19

Janty mëj yë m'oyjot m'oywyinma'any xyajnikëxë'ëky ma ja'ayëtyën mëti'ipë mtukxoontakëtëpën. Jëtu'un xypyëjkë'ëky tä yë wit meenyën, ets wa'ats xytyuk'ixy xytyuknijawë ko xyajwä'kxy yë m'oyajtën ma ja'ayëtyën mëti'ipë ëmuumtu'ukjot mtuk'ijxpäjtëpën.

1 Crónicas 20:2

Tä ja David tukkujääntuty ja kyujän ja yajkutujkpë mëti'ipë jam yajkutujkpën, aak pu'ts pujxn ja kujän mëët y'oytyunyëty ets oyëtypë tsaa, tsowëtypë, jä'ä jye'emtyëty i'px majk tsimën; tääts ja David jä'ä yajtukujeeny. Ojts näjyëtu'un ja David jap winëjaty tyajpëtsëmy mëti'ipë tsoowpaatyëtyën ma ja kajpnën mëti'ipë ënety të tyajkutëkoytyën,

Hebreos 2:9

E Dios të xytyuk'ijxëm ja Jesús, mëti'ipë ja Dios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kuttujkën ets ja mëj'ajt oyajtën, mëët ko tmënajxy tyajnajxy ja o'kën. Dios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.

Romanos 11:35

¿Pën winë ja Dios të t'ëkmoopyë ets jatëkok kyëpäjtxëtëty?

Apocalipsis 19:12

Janty ajajp ja wyiin yaj'ixy ijxtëm ja jëënyä'änkën ets may ja kyujän tmëëtëty ma kyëpajkën. Jamts tu'uk ja xëëw kyuja'ayëty, ka'ap pën t'ijxkäpy, yi'iyë kë'ëm nyija'ap.

Salmos 18:18

Jääjës të xynyipëtë'ëktë maas ënety ëxëëk njaty nkëpetyën, je'eyëp ko yë Wintsën yë'ëjës të xypyutëkë.

Job 41:11

¿Pën juuky ë'kwë'ëmëp, ko pën tmatsy? Ni pën.

2 Crónicas 6:41

Mëj mijts m'itëty Wintsën, mëët ja mkaaxë mëti'ipë myëët'ajtypyën ja mëj'ajtën, ets min ma ja mtsajptëjkën ets mpo'kxëty. Ja mtuunpëtëjkëty, ja teetytyëjkëty, wä'än tnikajpx tnimëtya'aktë mijts ja mnitsokën ets ja mëti'ipëjaty mëtuunëpën wä'än tukxoonta'aktë ko oy tsuj jyuuky'atë.

2 Samuel 5:3

Jëtu'un'äämpy ja mëjja'aytyëjkëty mëti'ipë jam yajpatëpën ma ja Israel kajpnën ojts nyëjkxta'atë jam Hebrón ma ja David yajpaatyën ets yë'ë tuuny tu'uk ja käjpxytyu'unën mëët yë'ëjëty, tpëjktaktë ijxpë mëtoowpë ja Wintsën. Tä ojts tkënu'kxtë ja David ets yë'ë wyë'ëmëty yajkutujkpë ma ja Israel kajpnën.

2 Samuel 2:4

Jamts ojts jya'të ja Judá ja'ay ets nikajpxpäjtë ja David ets yë'ë y'ënä'ämëty. Ojts tukmëmëtya'aktë ja David ko ja ja'ayëty mëti'ipë jam tsënaaytyëpën Jabés jam Galaad naaxjotm, yë'ë ojts tyajnaaxtëkëtë ja Saúl ja nyini'kx.

1 Samuel 16:13

Tä ja Samuel tu'ktsim yë on tpëjkë'ky. Ja nëë jëtu'unpë kyëxë'ëkyën waay tsyooyën ets tukuja'axy ja David tam ënety ja myëkä'äxtëjk y'ixëtë. Ko jëtu'un tyuunë jyajtë, ënätyë ja Wintsën ja myëk'ajtën y'oyajtën tyukëtakë. Ok ja Samuel ojts tsyo'onë ets nyëjkxnë jam Ramá.

Romanos 2:4

Mijts m'ixtijpy ja Dios ja y'oyajtën, ja mä'kxtujkën ets ja y'oywyinma'any, ets ka'ap xyjyawë ko yë'ëkyëjxm jëtu'un m'awinpity tä yë'ëjën

Salmos 20:5

Jëtu'un nixëëwtu'unmëty ko të mëtä'äky, ets nyajwa'kujkëmëty yë wit wintëy, mëët yë Dios yë xyëëw mëti'ipë n'ëwtajtëmën. Dios mo'ojëtëp mëti'ipë të xy'amëtoyën.