Salmos 2:2 - Biblia Dc en Mixe de Quetzaltepec

² Yë yajkutujkpëtëjkëty ets mëj ënä'ämpëtëjkëty tëë tkäjpxykyumëtoownaxtë yë Wintsën, tu'ukmukyë të tkäjpxy'atë wi'ix tyaj'atëkoya'antën ja Wintsën ets y'ënä'ämpë mëti'ipë të twin'ixyën.

Biblia Mixe de Quetzaltepec

² Yë yajkutujkpëtëjkëty ets mëj ënä'ämpëtëjkëty tëë tkäjpxykyumëtoownaxtë yë Wintsën, tu'ukmukyë të tkäjpxy'atë wi'ix tyaj'atëkoya'antën ja Wintsën ets y'ënä'ämpë mëti'ipë të twin'ixyën.

Salmos 2:2 ပူးပေါင်းရင်းမြစ်များ

Mateo 26:59

Ja teety wintsëntëjk, ja mëjja'aytyëjk ets ja ijxpëkyjyä'äytyëjkëty yajxon ja winma'any t'ixta'atë wi'ix ja Jesús tyajpokytyëkëja'antën ets tyaj'ooka'antë.

Mateo 27:1

Ko xyiinytyäky, ni'ëmukë ja teety wintsëntëjk ets ja mëjja'aytyëjk ojts tkäjpxy'atë ko ja Jesús y'ookëty.

Salmos 45:7

Mtsojkpy mja'ap yë oyajtën ets m'ëxëëk'ijxyp yë ëxëëkajtën. Paaty mijts, Dios të mwin'ixyë, yë Dios mëti'ipë mTios'ajtypyën, ets të mmo'oyë yë xoontakën wäänëni'ik këtiinëm jyëtu'unëty ja mmëku'uktëjk.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Juan 1:41

Yë'ë ojts tpaaty ja myëkä'äx Simón ets t'ënëmaay: Tëës npaaty ja Mesías mëti'ipë griego ayuk niwijpën Kristë.

Salmos 74:23

Këtii xyjyä'äytyëkoyëty ko ya'axtë jyoktë mmëtsip, ets ka'ap mëpaat ni'ikyë y'o'ktëwtë ja'ayëty mëti'ipë käjpxy kyumëtoownajxtëpën.

Salmos 48:4

Ojts yë yajkutujkpëtëjk may jyanämyukëtë ets tjanitso'ontë ja Jerusalén kajpn tääts tyajkutëkoya'antë;

Salmos 2:10

Miitsëty ënä'ämpëtëjkëty wintsëntëjkëty naaxwiinypë, ja'akyukëtë ya'atë. Jatë nijawëtë mëti'ipës yam nkäjpxypën.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Salmos 89:20

Tëës npaaty ja ntuunpës mëti'ipë xyëëwajtypyën David, etsës të ntukënu'kxy ja kënu'kxy on ets yë'ë yajkutukëty.

Salmos 74:18

Mijts Wintsën mja'amyätsëp wi'ix yë mmëtsip myajjoot'anpëkyën ets wi'ix yë ja'ay winma'anytyukpë ëxëëk mnikäjpxy mnimëtyä'äkyën.

Éxodo 16:7

E ko jyopy'atëty, jää xy'ixtëty yë Dios yë myëj'ajt y'oyajtën, yë'ë wa'ats të tmëtoy ko miitsëty wiinkjaty të xynyimëtya'aktë. ¿Jä'ä ko ëëtsëty tii mëj'ajtën n'ëkmëët'ajtëpës etsës xynyi'oj xynyiyaaxëtëty?

Hebreos 1:9

Ko mijts të xytsyoky ja oypyë ets të xy'ëxëëk'ixy ja ëxëëkpë; paatykyëjxm ja Dios mijts të mwin'ixyë, mëti'ipë mTios'ajtypyën, ets të mmo'oyë wäänëni'ik ja xoontakën këtiinëm ja mmëku'uktëjk.

Juan 15:23

Pën xykya'oy'ijxpës, ja nTeetyës näjyëtu'un kya'oy'ijxyp.

Lucas 13:31

Tam ja fariseë ja'ayëty mëti'ipë ja'ajtën ma ja Jesús jamën ets t'ënëmaaytyë: Nikë oy ko mtsoonëty yaa ets mnëjkxëty wiinktsow, jä'ä ko myaj'ookanëp yë Herodes.

Mateo 2:16

Ko ja Herodes tnija'awëy ko ja matsa'a ixtääpyë ënety tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënety tpamay ja xëëw po'o jëna'a ja matsa'a ixtääpyë të tnikajpxtën.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Salmos 110:5

Yë Wintsën tam yajpaaty ma m'a'oykyë'ëjën, ko ënety jyoot'anpëky, nëjkxëp tyajkutëkooytyä'äy yë yajkutujkpëtëjk.

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Mateo 26:3

Jää it ja teety wintsëntëjk ojts ye'eymyuktë mëët ja mëjja'aytyëjkëty jam ma ja teety wintsën Caifás ja tyëjkën.

Salmos 48:5

e ko t'ijxtë ja naax kajpn, tääts ojts tsyë'ëkëtë ets tsyëtyuuypyëjktë, jëtu'un kyäktaaytyë.

Salmos 83:6

yë Edom ja'ayëty, Ismael ja'ayëty, tëkokyë yë Agar ets Moab y'u'unk y'ëna'këty,