Salmos 18:3 - Biblia Dc en Mixe de Quetzaltepec

³ Mijts Wintsën, mpatëp ets myajwin'ëw myajwinya'axëty; ko mijts nmëkäjpxy, täätsës xyajnitso'oky maas ja nmëtsiptëjkën.

Biblia Mixe de Quetzaltepec

³ Mijts Wintsën, mpatëp ets myajwin'ëw myajwinya'axëty; ko mijts nmëkäjpxy, täätsës xyajnitso'oky maas ja nmëtsiptëjkën.

Salmos 18:3 ပူးပေါင်းရင်းမြစ်များ

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënety myony tyukyën etsës nyajnaxa'any kumay;

Lucas 1:71

ko xyaj'ëwa'atspëtsëma'anëm ma ja nmëtsip'ajtëmën mëti'ipë xykya'oy'ijxëmën,

Salmos 145:3

Yë Wintsën janty mëj yë'ë ets patëp yajmëjpëjkta'akëty. Yë myëj'ajtën tsip nja'akyujkëmëty.

Salmos 62:8

Miitsëty, jënu'unës nnaax'aty nkajpn'atyën jam xëmë yë mjot mwinma'any xyaj'itëty ma Tiosën. Mëkajpxtë winë aaw winëjot. Jä'ä ko Dios yë'ë ntsoktakn'ajtëm.

2 Samuel 22:4

Mijts Wintsën mpatëp ets myajwin'ëw myajwinya'axëty, ko mijts ënätyë nmëkäjpxy täätsës të xyajtso'oky maas ja nmëtsiptëjkën.

Salmos 96:4

Yë Wintsën mëj yë'ë ets patëp yajmëjpëjkta'akëty. Ni'ik yë kyutsë'ëkëty këtiinëm wiinkëtypë tios.

Salmos 55:16

Ëjts, Dios ënätyë nmëkajpxäämpyës, jä'ä ko yë Wintsën yë'ëjës xyajtso'okaanp.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Nehemías 9:5

ets y'ënantë ja Leví ja'ayëty mëti'ipë xyëëwajtëpën Josué, Cadmiel, Binuy, Hasabnías, Serebías, Hodías, Sebanías ets Petahías: Pëtë'kta'atë ni'ämukëty ets win'ëw winya'axtë ja mWintsënëty xëmë. Kënu'kxy, mëjjawë mëpaat yë'ë nyäxy, ets mëpaat'ajtp yajwin'ëy yajwinyä'äxy yë kyënu'kxy mëj xëëw.

Apocalipsis 4:11

Wintsën, mijts mpatëp xy'ëxajëty tu'kë'ëyë ja mëj'ajtën jaanty'ajtën, ja wintsë'kën ets ja mëk'ajtën, jä'ä ko mijts të xyajkojy tu'kë'ëyë oytyiijëty ets mijts mtsojkënkyëjxm të xyajkojy ets jyää'atëty.

Hechos 2:21

Ets ni'ëmukë ja ja'ayëty mëti'ipë ja Wintsën ja xyëëw kyajpxpatëpën, jä'ä nëjkx nyitso'oktë. Tääts ja Pedro jyaak'ënany:

Salmos 76:4

Mijts Dios, janty'oy janty tsuj mijts. Ni'ik mmëjëty këtiinëm jyëtu'unëty yë tun kopk mëti'ipë kë'ëyxyëëw kë'ëyjyëmëjt ijtpën.

Salmos 48:1

Yë Wintsën myëët'ajtyp mëj'ajtën; yë nTios'ajtëm patëp ets nwin'ë'ëw nwinyaxmëty ma kyajpnën ets ma tyun kyopkën wa'atspë.

Salmos 3:4

Nmëyäxy nmëjojkpyës yë Wintsën koos yë näypyutëkë n'amëtoy etsës xy'ëtsoy ma jam yajpaatyën wa'ats kopkkëjxm.

Salmos 31:4

Yajpëtsëëmkës ma ja o'ktaknën yu'utsypë mëti'ipës të njayajtuknipëjktaakën, jä'ä ko mijts xykyuwaanpës.

Salmos 62:3

¿Jëna'apaat miitsëty xynyipëtë'ëka'antës ets xyajkëtawa'antës tä ja'ay tëjk potsy tjityën ëkë tä muum yë nakäm jëtu'unyë nyaaxmëkëtawën?

Salmos 71:3

Mijts jëtu'un mnax tä yë mëjtsaakopkën mëti'ipës xykyuwaanpën, mijts jëtu'un mnax tä tu'uk yë mëjpotsyën mëti'ipë tsoktaknën. Mijts jëtu'un tä tu'uk yë mëjtsaakopkën ets tä tu'uk yë mëjpotsyën mëti'ipës xykyuwaanpën.

Salmos 91:2

jëtu'un y'ënä'äny: Mijts ntsoktakn'ajtyp ets mijts jëtu'un tä tu'uk yë jëën tëjkën maas ka'ap ni pën xynyitëkëtyën, ja nTiosës mëti'ipës tu'ukyë ntuk'ijxpejtypyën.

Salmos 144:1

Mëjjaw kënu'kxyjyawë yë Dios yë xyëëw y'ity mëti'ipës xykyuwaanpën. Yë'ëjës xytyukjajtp wi'ixës ntsiptunëtyën.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.