Salmos 18:2 - Biblia Dc en Mixe de Quetzaltepec

² Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Biblia Mixe de Quetzaltepec

² Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Salmos 18:2 ပူးပေါင်းရင်းမြစ်များ

Salmos 144:2

Yë'ë tu'uk oy myëku'uk, ma yë'ëjën jamës kuwa'anën npaaty, maas nkäktso'okyën, mëti'ipës mëët näkyuwa'anyën; yë'ëjës xynyikëëpy xynyixajp. Yë'ë tëkokyë të tpëjktä'äky yë naax kajpn maas yë ntekpya'tkën.

Salmos 62:7

Dios yë'ë patëp xyajtso'okëtyës ets xymyo'ojëtyës jatëkok ja n'oyajtën, yë'ëjës xykyuwaanp ets yë'ëjës ntsoktakn'ajtyp.

Salmos 91:2

jëtu'un y'ënä'äny: Mijts ntsoktakn'ajtyp ets mijts jëtu'un tä tu'uk yë jëën tëjkën maas ka'ap ni pën xynyitëkëtyën, ja nTiosës mëti'ipës tu'ukyë ntuk'ijxpejtypyën.

Salmos 19:14

Kupëky nyaxëty mijts mwintum yë n'aaw n'ayukës ets njot nwinma'anyës. Wintsën, yajtsokpë ets yaj'ëwaatsëpëtsëëmpë.

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Salmos 62:2

Yë'ë tu'kpajk xyajnitsokpës ets xykyuwaanpës Nijënu'un tkajëkyepy xymyëmëta'aktëtyës yë nmëtsiptëjkës jä'ä ko yë'ëjës ntsoktakn'ajtyp.

2 Samuel 22:3

yë nTiosës, ja jëtu'unpë tä mëjtsaajën mëti'ipës xypyëjk'ijtp xymyajts'ijtpën, mëti'ipës xy'akëëytyujkpën; ja mëk'ajtën mëti'ipës xyajtsokpën ets ja ntsoktaknës, mëti'ipës xyaj'ëwaatsëpëtsëëmpën. Tëës xyajtso'oky ma ja tsip mëk tyunyën.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Salmos 91:4

yë'ë mnikë'ëjan mnixajanëp mëët yë kyäkn, ets ko jam myajpaatëty ma yë'ëjën, akujk jotkujk m'ita'any. Yë tyiyajtën ets wya'atsajtën yë'ë m'axajtukanëp tä tu'uk yë pujxn y'akëëytyukyën.

Hebreos 2:13

Ets näjyëtu'un y'ënä'äny: Tiosës ntuk'ijxpätäämpy, näjyëtu'un y'ënä'äny: Tyamës ja u'unk ëna'k mëët nyajpaaty mëti'ipës ja Dios të xymye'eyën.

Proverbios 2:7

Dios pyutëjkëp ets y'ijx'ijtyp Kyëwent'ajtyp yë ja'ay mëti'ipë oy tsuj juukyajtpën ets ka'ap tii tuuntëkoy tkajpxtëkoy.

Salmos 28:1

Wintsën mëti'ipës xykyuwaanp xynyixajpën, tyam nmëpëjktsoy. Këtii xytyukmëj'aty yë m'ëtsoowinpijtën. Koos xykya'ëtsowëty, o'këntujp ënety nyajpaatyës.

Salmos 59:11

Këtii xypya'ëyowëty, etsës yë nkajpn yë'ë tukja'amyätsëty, axit ako'owë yajjat mëët yë mëj'ajtën, ëxëëk yajjat yajkëpät. Yë Wintsën yë'ë nkuwaanpë'ajtëm.

Salmos 75:10

jä'ä ko yë'ë yajkutëkooytya'ajäämpy tëkokyë mëti'ipë ënety ja ëxëëkja'aytyëjk të nyätyukmëjjawëtën, ets tyajmëjëja'any tyajkëjääjëja'any ja myëj'ajtën kyutujkën ja ja'ay oypyë jyot wyinma'anyën.

Salmos 132:17

Ëjts n'ëwa'atsäämpy ets ja David ja y'ënä'ämën kyutujkën jam jatëkok tsyo'onta'akëty, tëës tu'uk ja kutë'kxn nnipëjktaakë mëti'ipë kutë'kx kujajëtëpën ja nyajkutujkpës.

Éxodo 15:2

Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Salmos 116:1

Ntsojkpy nja'apës yë Wintsën, jä'ä ko tëë tmëtoow'ity mëti'ipës të n'amëtoy të npëjktsoyën,