Salmos 17:9 - Biblia Dc en Mixe de Quetzaltepec

⁹ Maas yë nmëtsiptëjkën mëti'ipës të xyajnatuktën etsës xyaj'ooka'antë.

Biblia Mixe de Quetzaltepec

⁹ Maas yë nmëtsiptëjkën mëti'ipës të xyajnatuktën etsës xyaj'ooka'antë.

Salmos 17:9 ပူးပေါင်းရင်းမြစ်များ

Salmos 35:7

Ajotkumonë yë n'o'ktaknës të tnipëjktaakëtë, ets ka'apës tii poky ntuny, tëë jut tajtë maas nkuka'anaxëtyën.

Salmos 35:4

Wintsëtyu'un jëjptsëtyu'un kyä'äktëty mëti'ipës xyaj'ookantëpën; wintsëtyu'un jëjptsëtyu'un kyä'äktëty mëti'ipës ëxaty të xyjyatuna'antën.

Salmos 35:12

Ëxëëk tuunwinpitë koos tii oy ntuny; mon tukës näjyawëty koos jëtu'un n'ixy.

Salmos 31:20

Mëët ko mijts xypyëjk'ity xymyajts'ity, ka'ap nitii jyätyë oy wi'ix yë ëxëëkja'aytyëjk jyanimay jyanitajëty; jap xykëwent'aty, ma mtëjkën oy myëtsiptëjk jyatukyä'äxy jyatukjokyë.

Salmos 7:5

Pën tëës ja jëtu'unpë ntuny nkäjpxy, jyëkyejpy ja nmëtsipës xy'ixjëtit xypyajëtitëty; xynyajtspaatëtyës etsës xywyitsëty xyjyëtutëty, etsës xypyëjkëtya'ajëty mëti'ipës ënety mëj'äämpy të xyaj'ityën.

1 Crónicas 17:9

Tëës ëpëky tu'uk naax nwin'ixy ma Israel ja'ayëtyën ets jam të naaxmo'otës, jëtu'un kyë'ëm naaxjoty y'itëty, ma ka'ap ni pën myëmayëtëty ets ni'ëxëëkja'aytyëjk kyayajtsipkä'äxëtëty tä ijty tëëyëpën.

1 Samuel 24:11

Paaty tyam Wintsën, ix yajxon mëti'ipës yam nkë'ëpëk'ajtypyën: tu'këëtsy yë Wintsën yë nyijän mëti'ipë të tjajëkyepyën jeexyë të nyaj'ookyës. Yë'ë jëtu'un mtukja'akyukëp ko ka'apës mijts n'ëxëëktuna'any, ka'apës ntsoky ets ëxëëk mjatëty mkëpätëty ets ka'apës ma mëyajtën wintsë'kën nyajtëkoy ma mijtsën. E mijts janty jëtu'unës xy'ixjëtijt xypyajjëtijnë etsës xyaj'ooka'any xyajtëkoyä'äny.

1 Samuel 23:26

Ja Saúl pë'aaytsyow tna'ëwtity ja kopk mëët ja jyä'äy, e ja David jëxkë'ptsow nyajxpë mëët ja jyä'äy, ets jotëkoy jap jyantynyäxy tääts tmëjëkämkäktë ja Saúl. Ko ja Saúl ets ja jyä'äy tyajku'ëtujktë ja David ets ja jyä'äy ets tam ënety timmyatsanëtë.