Salmos 17:8 - Biblia Dc en Mixe de Quetzaltepec

⁸ Këwent'ajtkës ijxtëm yë mwiin xykyëwent'atyën; ets tuknikëëykyës yë mkäkn

Biblia Mixe de Quetzaltepec

⁸ Këwent'ajtkës ijxtëm yë mwiin xykyëwent'atyën; ets tuknikëëykyës yë mkäkn

Salmos 17:8 ပူးပေါင်းရင်းမြစ်များ

Deuteronomio 32:10

Jam ojts tpaaty të'ëts'itjotm, ma ënety je'eyë jyëënpojyën ets naaxway je'eyë këëynyääpy, jëtu'un ojts tkëwent'aty tä u'unk maay yajpity yajmotsyën, ets yajtseeny yajkonyën, ojts yajxon tnë'ëwinwoy tu'uwinwoy, ojts mëk tkëwent'ajty, jëtu'un tä ja'ay yë wyiinsantë tkëwent'atyën, janty tii mëpaat t'ëktukpaaty.

Salmos 91:4

yë'ë mnikë'ëjan mnixajanëp mëët yë kyäkn, ets ko jam myajpaatëty ma yë'ëjën, akujk jotkujk m'ita'any. Yë tyiyajtën ets wya'atsajtën yë'ë m'axajtukanëp tä tu'uk yë pujxn y'akëëytyukyën.

Salmos 91:1

Pën juukyajtpën ma Dios ja kyë'ëpa'tkën, ma nyikë'ëy nyixajyën ja Ni'ik Këjxmëpë ets mëti'ipë maaytyääyëpën winë,

Proverbios 7:2

Patun yë n'ënä'ämën ntëyajtënës ets n'ijxpëjkënës. Jëtu'un këwent'at tä yë mwiin santë xykyëwent'atyën, ets mjuuky'atëty.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Dios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Zacarías 2:8

Yë Wintsën mëti'ipë maaytyääyëpën winë tëëjës yë aaw ayuk xytyukmëkäxë ma ja naax kajpnën mëti'ipë ojts määtsëtën: Pënës yë nkajpn ëxaty tyuunpy, ëjts yë nwintsaa yajtsëtyujtyp, paaty tääpë naax kajpn kë'ëmës mëët ntsiptuna'any etsës nyajkutëkoyä'äny, ëxëëk nëjkx tyunyë mëti'ipë ënety yaj'ëyoopy yajmëtuumpyën. Jëtu'un yë Wintsën yë myëj'ajt y'oyajtën tyajnikëxë'ëka'any ets xyjyä'äkyukëtëty ko yë'ëjës të xykyexy.

Salmos 36:7

Oytyukxootaknë yë mtsojkën mja'awën, Wintsën. Yë naaxwiinyëtë ja'ay jëtu'un jam myintë ma mijtsën tä këtsey u'unkën ma tyaak kyäknpa'tkën.

Salmos 57:1

Dios, mëti'ipës nTios'ajtypyën, mëët'at pa'ëyo'owën najts'ëyo'owën mëët ëjts, jam ma mijtsën jamës n'ixta'ay yë kuwa'anën. Jamës nnäyutsa'anyë ma mijts mkëwent'atyën koonëm ja ëyo'on jotmay nyaxëty.

Rut 2:12

Dios yë'ë nëjkx jëna'a mëjuyë. Ets Wintsën mëti'ipë y'ëwtajtëpën yë Israel ja'ayëty ma të xy'ixta'ayën yë näypyutëkë, yë'ë mkumayanëp mëjwiin këjää mëët ja m'oyjot m'oywyinma'any mëti'ipë të xyajnikëxë'ëkyën.

Salmos 61:4

Tsëënëjaanpës ma mtsajptëjkën xëmëkyëjxm, ets mijts xy'ijx'it xykyëwent'atëpës.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Dios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Salmos 63:7

jä'ä ko mijts xypyutëjkëpës. Jotkujkës nnäjyawëty mkäknpa'tkë'p.

Salmos 16:1

Wintsën, këwent'ajtkës. Jä'ä ko jam ma mijtsën n'ixta'ayës ja kuwa'anën.

Salmos 36:8

Ku'uxyë wyë'ëmtë mëët ja ka'ayën ukën mëti'ipë jam yajpatpën ma mjëën mtëjkën; e ja nëë mëti'ipë mtuk'ukpyën yë'ë mëti'ipë tso'onpën ma taxnëëjën mëti'ipë jämyë mu'tpën,

Salmos 57:2

Minës yë Dios Ni'ik Këjxmëpë mëk n'ëkmëkäjpxy ets mëti'ipës xypyutëjkëpën oymyaajëty.

Salmos 61:5

Mijts, Dios, mëti'ipës nTios'ajtypyën tëë xymyëtoow'ity mëti'ipës yam nwaantäkpyën, tëë xymyo'oyës ja kuma'ayën mëti'ipë jyä'ä'ajtëpën ja ja'ay mëti'ipë myëjja'awëtëpën ja mxëëw.