Salmos 17:1 - Biblia Dc en Mixe de Quetzaltepec

¹ Wintsën, ëjts yë'ëjës n'amëtoopy ja mëtëypyë nipaye'eyë. Kwentëpëk maas yam ya'atë tsajpkäjpxy nyajnaxyën, ëjts mëtëyës yam nkäjpxy, ka'apës n'antä'äky.

Biblia Mixe de Quetzaltepec

¹ Wintsën, ëjts yë'ëjës n'amëtoopy ja mëtëypyë nipaye'eyë. Kwentëpëk maas yam ya'atë tsajpkäjpxy nyajnaxyën, ëjts mëtëyës yam nkäjpxy, ka'apës n'antä'äky.

Salmos 17:1 ပူးပေါင်းရင်းမြစ်များ

Salmos 142:6

Mijts mmëtoow'itëp yë nyaxënës njojkënës, ëjts tëës yë njot nmëjaaw kyëjxnë. Mijtsës xyjyëwowëp maas yë nmëtsiptëjk xy'ixjëtit xypyajëtitën, yë'ëjëty kumëjaaw ni'ikëty këtiinëm jëtu'un ëjts.

Salmos 61:1

Dios mëti'ipës nTios'ajtypyën, mëtow wi'ixës nmëjë'ëy nmëyä'äxyën yë npëjkën n'ijxënës, mëtow yë ntsajpkäjpxyës.

1 Juan 3:21

Mëku'uktëjkëty, ko ja njoot'ajt nwinma'any'ajtëm ëmuumtu'uk npëjktakmëty jam ma Tiosën, ka'ap ntsë'këmëty Dios wyintum;

Mateo 15:8

Winkë'ëy akë'ëyës ya'atë ja'ay xywyintsë'ëkëtë; yë jyot wyinma'anyëty jëkäm yajpaaty.

Salmos 145:18

Yë Wintsën winkon yajpaaty ma ja'ayën mëti'ipë mëkajpxëpën, mëti'ipë mëkajpxëpën winë aaw winëjot.

Isaías 29:13

Ëjts tëëjës yë Wintsën xy'ënëëmë: Ya'atë naax kajpn nëkoojës wiinkë'ëy akë'ëy xywyinkäjpxy xywyinmëtyä'äky yë jyot wyinma'any wiinktsow tyaj'ity, ets koos xytyukxoontä'äky, jëtu'un tä naaxwiinyëtë ja'ay kë'ëm të tuknipëjktaakën.

Salmos 142:1

Mëkës yë Wintsën nmëkäjpxy, mëktä'äkyës n'amëtoy ets tmëët'atëty yë pa'ëyo'ow najts'ëyo'owën maas ëjtsën.

Salmos 140:12

Ëjts wa'atsës nnijawë ko yë Wintsën nyipaye'epy yë ëyoopëja'aytyëjk ets pyutëjkëp yë ja'ay mëti'ipë moonp tujkpën.

Salmos 86:1

Wintsën, tun yë mëyajtën mëtoow'ijtkës yë n'aaw n'ayuk, jä'ä ko janty mon janty tukës nyajpaaty ets ëyoop jotëkoopyës;

Salmos 66:19

e yë'ë, tëë tmëtoy ets tëë tja'akyukë yë ntsajpkäjpxyës.

Salmos 43:1

Dios, nipaye'eykyës maas ëxëëk njaty nkëpetyën; pukajpxëkës ma ja'ayëtyën mëti'ipë ka'ap Dios t'ëwtatën. Yajtsokës ma ya'atë ëxëëkja'ayëtyën mëti'ipë je'eyë win'ë'ën antaktëpën,

Salmos 18:20

Yë Wintsën yë'ëjës të xykyumay, ets xypyatpës jëtu'un, jä'ä ko oyës winë ntuny.

Salmos 7:8

Wintsën, mijts mnipaye'epy ja naax kajpn ja tyuuntëko'oyën: Wintsën, nipaye'eykyës maas winë oy ntunyën, jëtu'unës xynyipaye'eyëty tä mëpaat yajnijawën ko ka'apës tii poky nmëëtëty.

2 Crónicas 7:15

Tyam nmëtowanëpës ja ëëwtak kajpxtakën mëti'ipë ënety yaa yajtuunpën ma ya'atë itën,

Juan 1:47

Ko ja Jesús t'ijxy ko ja Natanael myëwinkonyë ënät y'ënäny: Tyaa tu'uk ja Israel ja'ay mëtëypyë mëti'ipë ka'ap y'antä'äkyën.

Salmos 18:44

Je'eyës tu'k aaw nkäjpxy täätsës xymyëmëtowtë; jëkämpaat muum yë ja'ay të tsyoontë mëti'ipës të xymyëmëtowtën.

Nehemías 1:6

tyam nmënu'kxtä'äky ets xytyunëty ja mëyajtën xymyëtoow'itëty ja nu'kxtakën mëti'ipë xëëny koots ntukmëtoopyën maas nijëëytyä'äky ninu'kxtä'äkyën ja mtuunpë, Israel ja'ayëty. Nja'awëy'ijtypës ko tëëjës mpokytyuntë ma mijtsën; yë'ëpaat yë nteety ntaakës yë y'u'unk y'okëty.

Jeremias 3:10

Yë Judá nän ka'ap të jyotwinpity winë aaw winëjot ma ëjtsën, je'eyë awin'ëënë nëkoo nyätyijyë të jyotwinpity. Ëjts Wintsën, ëjts ënaanp.

2 Samuel 22:24

Ëjts oyës näjyawëty të nyäyaj'ityë ma yë'ëjën; ets ëxëëkpë ja tu'unën kajpxën ka'apës nëkoo të ntuktëk të ntukwa'akë.

Job 16:17

oyës ka'ap pën të nmëtëkoy ets xëmës mëtëy të nyajnaxy yë nu'kxtakën.

Salmos 54:4

E ëjts, ka'apës njëtu'unyëty; Dios yë'ëjës xypyutëjk xypyupäjtp, ets yë'ëjës xyaj'ijtp juuky.

Salmos 55:18

Ko muum yë tsip tyunëtëty yë'ëjës xyaj'ëwaatsëpëtsëmaanp, yë'ë yajtso'okäämpy yë njuukyajtënës oy jënu'un jyanimayëty yë nmëtsiptëjkës.

Salmos 61:2

Jamës nkäjpxy ma naaxwiinyëtë jyëjpkëxyën, jëtu'unës nja'awënë japës yowë yë njot nwinma'any wya'kmëkënë. Yajtsokës yë njuukyajtën jëtu'un tääjës jeexyë muum nkëxwä'äkyën tsaatunkëjxy,

Salmos 84:9

Mijts Dios, ni''ijxkëta'ak mëti'ipës xy'akëëytyujk xy'axajtujktëpën, mëti'ipë mijts kë'ëm mwin'ijxën ets yajkutukëty.

Salmos 86:6

Wintsën mëtoow'ijtkës yë ntsajpkäjpxy ets ëxaj kupëk yë nnu'kxtakënës.

Salmos 88:3

Mëj këjääjës yë ëyo'on jotmay të xytyukkëtä'äky, janty o'kën jëjp'amës nyajpaaty;

Salmos 102:2

Këtii yë mwiin mjëjp xyu'utsy mëët ëjts maas tyam nyajpaatyën mon tuk; tun yë mëyajtën mëtoow'ijtkës. Ëtsoowkës tsojkyë ko nmëkajpxëty.

Salmos 143:1

Wintsën, mëtoow'it yë ntsajpkäjpxyës; ja'akyukë yë njëëytyak nnu'kxtakënës. Ëtsoowkës, jä'ä ko mijts mwa'ats yë'ë, ets aak tëyajtën winë xytyuny xykyäjpxy.