Salmos 143:8 - Biblia Dc en Mixe de Quetzaltepec

⁸ Ko jyopyëp'atëty, tuknija'awëkës yë mtsojkën mja'awën, mijtsyë tu'ukyë ntuk'ijxpejtyp. Tuknija'awëkës wi'ixës nja'ay'atëtyën, jä'ä ko yë ntsojkënës jamës npëjktä'äky ma mijtsën.

Biblia Mixe de Quetzaltepec

⁸ Ko jyopyëp'atëty, tuknija'awëkës yë mtsojkën mja'awën, mijtsyë tu'ukyë ntuk'ijxpejtyp. Tuknija'awëkës wi'ixës nja'ay'atëtyën, jä'ä ko yë ntsojkënës jamës npëjktä'äky ma mijtsën.

Salmos 143:8 ပူးပေါင်းရင်းမြစ်များ

Isaías 48:17

Jëtu'un yë Wintsën y'ënä'äny, mëti'ipë myajpëtsëëmëpën ëyo'ontum, yë Dios wa'atspë jampë yajpaatyën ma Israel kajpnën: Ëjts jëtu'un Tios'ajtp mëti'ipë mWintsën'ajtypyën, yë'ë ntukni''ijxëp mëti'ipë mtuk'oy'atëpën, jam nwoownëjkxy ma ja tu'ujën mëti'ipë mëpaat xye'eyën.

Salmos 46:5

Dios yë'ë jam itkujky ijtp ets yë'ë kyuwäämpy; Dios yë'ë putëkëjanëp ko xëëw po'o tsyo'onta'akëty.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Isaías 30:21

Ko ënety muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Salmos 59:16

E ëjts ënät, winjopy mijts nkuuy'ëwa'any; jëtu'unës ntukyaaxëja'any ntukjokëja'any yë mtsojkën mja'awën ets mëk'ajtën. Jä'ä ko mijtsës të xykyuwa'any të xynyixajy, mijts tsoktakn të nwa'any koos mon tuk të nyajpaaty.

Salmos 143:10

Tukni''ijxëkës wi'ixës mëpaat ntunyën mëti'ipë mijts myajkutujkpyën, jä'ä ko mijts nTios'ajtyp, yë mmëkajtën m'oyajtën yë'ëjës xytyu'uwinwoop xytyu'uwinwijtsp ma ja në'ë tu'ujën mëtëypyë.

Salmos 27:11

Wintsën, tukni''ijxëkës yë mnë'ë mtu'u; winwoow winwijtskës ma ja oypyë ja në'ë tu'ujën etsës yë nmëtsip t'ixtëty;

Salmos 90:14

Myaj'utsëp yë njot nwinma'anyëtyës mëët yë mtsojkën mja'awën ko xyiinytya'akëty, ets jotkujk n'ëwtëty nya'axtëtyës mapaatës njuuky'atën.

Lamentaciones 3:41

Tsojk Wintsën tsajpjotmëpë nmënu'kxtakëmë.

Salmos 86:4

Wintsën, yajxoontakës ma nmëtunyën, jamës yë nnu'kxtakën npëjktä'äky ma mijtsën.

Salmos 30:5

Yë'ë tsojk'am yë tsyip y'äkë tmëët'aty, yë'ë y'oyjyot ijtëëp xëmë maapaat njuuky'ajtëmën. Pën jë'ëyëm yaxëm koots, komjëpom jotkujk nyajpaata'anëmë.

Salmos 119:34

Mooykyës yë wij'ajt kujk'ajtën wi'ixës mpëjkë'ëkëty yë m'ijxpëjkën; yë'ëjës nmëmëtowäämpy ëmuumtu'ukjot.

Salmos 119:73

Mijts ojts kë'ëm xy'oytyunyës etsës ojts xyajkojy, mooykyës yë wijyajtën etsës njatëty yë m'ënä'ämën mtëyajtën.

Salmos 42:8

Yë Wintsën xytyuknikäjxpës yë tsyojkën jya'awën xëëny; e ko kyoots'aty ëëp yaxpës jää, etsës yë Dios nmëkäjpxy mëti'ipës xyajjuuky'ajtpën.

Salmos 5:8

Wintsën, mëët ko jyää'atë mëti'ipës xymyëtsip'ajtëpën, n'amëtoyës ets xytyu'uwinwow xytyu'uwinwitsëtyës ma ja nipaye'eyën mëtëypyë, ets woownëjkxkës ma ja oypyë ja mnë'ë mtu'ujën.

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Jueces 13:12

Ënet ja Manoa y'ënäny: Ko ënety y'atëy tä të m'ëna'anyën, ¿Tii ëëts ntuntëp mëët yë'ë?

1 Samuel 23:12

Tä ja David tyajtëëy: ¿Xykyë'ëyaktëpës jëtää ja'ayëty yaapë kyukajpn'atën ma Saulënë? Ets ja Wintsën y'ëtsooy: Mkë'ëyakëtëp yë'ëjëty.

Salmos 25:20

Këwent'ajtkës ets yajtsokës yë njuukyajtën. Këtii xy'ëwa'atsëty etsës tsëtyu'unmëët nwë'ëmëty, jä'ä ko jam ma mijtsën, jamës n'ixta'ay yë kuwa'anën.