Salmos 140:5 - Biblia Dc en Mixe de Quetzaltepec

⁵ Tääpë ja'ayëty mëti'ipë je'eyë nämyëjja'aw näjyääntyja'awëtëpën, tëë tjanipëjktaakëtë ja n'o'ktaknës. Tëë nnë'ë aay ntu'u'aayës yë tyejpxyëty tëëytyëwtë ets xyu'tsnëty maas nnaxyën.

Biblia Mixe de Quetzaltepec

⁵ Tääpë ja'ayëty mëti'ipë je'eyë nämyëjja'aw näjyääntyja'awëtëpën, tëë tjanipëjktaakëtë ja n'o'ktaknës. Tëë nnë'ë aay ntu'u'aayës yë tyejpxyëty tëëytyëwtë ets xyu'tsnëty maas nnaxyën.

Salmos 140:5 ပူးပေါင်းရင်းမြစ်များ

Salmos 142:3

koos nyajpaaty jë'ë ya'ax, Wintsën, mijts wa'ats xynyijawë yë nnë'ë ntu'ujës. Ma ja në'ë tu'u mëti'ipës npanëjkxypyën, jam të tpëjkta'aktë tu'uk yë o'ktakn yu'utsypë.

Salmos 35:7

Ajotkumonë yë n'o'ktaknës të tnipëjktaakëtë, ets ka'apës tii poky ntuny, tëë jut tajtë maas nkuka'anaxëtyën.

Jeremias 18:22

Mijts ajotkumonë mtuknikäxëp may mä'tspë; yajmëtowëp ko nyëya'ax yujkya'axtëty mëët ja mëktsë'ëkë. Jä'ä ko tëë tajtë o'kpë jut maas xyajnaaxtëkëja'antën, tëë tpëjkta'aktë o'ktakn yu'utsypë maas jeexyë nkuka'anaxyën.

Jeremias 18:20

¿Ti yë'ë jëtää yë ëxëëkpë mëët yajmëwinpity mëti'ipë oyënë? Yë'ëjëty tëë tajtë jut maas xyajnaaxtëkëja'antën.

Salmos 57:6

Yë nmëtsiptëjkës kanaakjëjp yë winma'any të t'ixta'atë mëti'ipës jeexyë ëxëëk xyajjajtp xyajkëpäjtpën; tëës xynyëë'ëtuk xytyu'u'ëtuktë, e yë'ë kë'ëm ëxëëk të jyat të kyëpätë.

Proverbios 29:5

Mëti'ipë ja'ay janty'oy xëmë myëku'uk nyimëtyäkpyën, je'eyë nëkoo myëku'uk ëyo'ontum tyajka'aja'any.

Salmos 119:110

Yë ëxëëkja'aytyëjk kanaak yë n'o'ktaknës tjajantynyi'ixëtë etsës xyaj'ooka'antë; e ëjts ninu'unës nkaja'atyëkoy yë m'aaw m'ayuk.

Salmos 119:85

Ja'ay mëti'ipë ëxëëk yë jyot wyinma'any myëët'ajtypyën ka'apë tmëjpëjktä'äkyën yë m'ijxpëjkën.

Salmos 119:69

Yë ëxëëkja'aytyëjkëty ëxëëkjatyës xynyikajpx xynyimëtya'aktë, e ëjts ntukxoontäkpyës yë m'ijxpëjkën.

Salmos 36:11

Këtii nijëna'a xy'ëwa'atsëty ets xy'atään xytyuktääntëtyës yë ja'ay mëti'ipë nämyëjja'aw näjyääntyja'awëtëpën, ets ka'ap mëpaat yë ëxëëkja'aytyëjk xytyijtës xykyotës.

Salmos 31:4

Yajpëtsëëmkës ma ja o'ktaknën yu'utsypë mëti'ipës të njayajtuknipëjktaakën, jä'ä ko mijts xykyuwaanpës.

Job 18:9

Kë'ëm nyätyekytsyuma'anyë ets pyi'kxa'any yë tejpxy ma tyeky yo'knën.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Salmos 43:1

Dios, nipaye'eykyës maas ëxëëk njaty nkëpetyën; pukajpxëkës ma ja'ayëtyën mëti'ipë ka'ap Dios t'ëwtatën. Yajtsokës ma ya'atë ëxëëkja'ayëtyën mëti'ipë je'eyë win'ë'ën antaktëpën,

Proverbios 24:15

Nijëna'a ja ëxëëk winma'any xykyapaatëty ma ja'ayën mëti'ipë oy tsuj juukyajtpën, këtii ëxëëk m'ëtë'ëts m'ëna'anëty ma jyëën tyëjkën.