Salmos 140:3 - Biblia Dc en Mixe de Quetzaltepec

³ Yë yä'änëty jëtu'un jyëjpku'pnyëty tä tsa'any yä'änën; yë y'aaw y'ayukëty jëtu'un jyëmumy tä tsa'any nyixëwätën.

Biblia Mixe de Quetzaltepec

³ Yë yä'änëty jëtu'un jyëjpku'pnyëty tä tsa'any yä'änën; yë y'aaw y'ayukëty jëtu'un jyëmumy tä tsa'any nyixëwätën.

Salmos 140:3 ပူးပေါင်းရင်းမြစ်များ

Salmos 58:4

Jëtu'un jyä'äy'atë tä tsa'anyën mëti'ipë ëwa'anën, jëtu'un tä xoxën mëti'ipë nat näpyëjktakëpën ujts mëët yë xyëwät, yajxon yë tyatsk t'apääntujkta'ay,

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

Proverbios 23:32

E jääts ko yaj'uktaaynyë jëtu'un yaj'ijxnë tëë yowë ja'ay tsyä'äny tsyu'utsyë ets mëk yowë pyëjkënë.

Mateo 12:34

Tsa'any miits mteety'ajt m'ap'ajtëp, ¿wi'ix tii oy xy'ëkkajpxtëty pën ëxëëk ja mjot mwinma'anyëty?, jä'ä ko aawjoty jootjoty ja ayuk pyëtsimy mëti'ipë yajkajpxpën.

Jeremias 9:5

Aak nätyukxikëtëp yë ja'ay; ni pën tii mëtëy tkanimëtyä'äky. Je'eyë të tjajtnëtë wi'ix wyin'ëëntëtyën, tëë yë jyot wyinma'any mya'taaynyëtë, tsip ets y'oyëtëty.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Isaías 59:13

Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Proverbios 12:18

Tää yë ja'ay mëti'ipë tsaatsy ma'at ëëp kajpxpën; e ko kyajpxtë yë wa'ats ja'aytyëjk, yë'ë jatëkok winë yaj'o'oyëtëp.

Génesis 3:13

Ënet yë Dios tyajtëëy yë to'oxytyëjk ets t'ënëmaay: ¿Wi'ix ko jëtu'un të m'ëtë'ëtsy? Ënet yë to'oxytyëjk y'ëtsooy: Yë tsa'any yë'ëjës të xywyin'ëëny, paatyës yë tääpë ujtstëëm të një'kxy.

Salmos 59:7

Je'eyë o'pky pyëtsëëmnë ma y'aawëtyën, ko kyajpxtë tä ëxëëk yajmëtoyën, ets y'ëna'antë: Ka'ap ma pën, pën xy'ëkmëto'owmëp.

Proverbios 6:14

Ja jyot wyinma'any ëxëëk yajpaaty, aakjä'ä myääpy tyäjpy wi'ix winë ëxëëk tunëtyën ets wi'ix pën tyajjoot'anpëkëtyën.

Lamentaciones 3:62

je'eyë tsyäty kyajpxtë ets janaam jatsojk ëjts xykyatuk'ëmoontëp.