Salmos 14:2 - Biblia Dc en Mixe de Quetzaltepec

² Jam tsajpjotm y'ijxyp yë Wintsën yë naaxwiinyëtë ja'ay, yë'ë jyapaatäämpy pën jää ja'ay winma'anymyëëtpë ëkë mëti'ipë Dios y'ëwtajtypyën.

Biblia Mixe de Quetzaltepec

² Jam tsajpjotm y'ijxyp yë Wintsën yë naaxwiinyëtë ja'ay, yë'ë jyapaatäämpy pën jää ja'ay winma'anymyëëtpë ëkë mëti'ipë Tios y'ëwtajtypyën.

Salmos 14:2 ပူးပေါင်းရင်းမြစ်များ

Romanos 3:11

Ka'ap pën jyä'äkyukë, ka'ap pën maa mëti'ipë y'ixtääpyën yë Dios.

Hebreos 11:6

Ka'ap tjëkyepy oy nmëtu'unmëty yë Dios pën ka'ap ja mëpëjkën yajmëëtëty. Ko nmëwinkona'anmëty ja Dios, kopkpëky ko nmëpëjkmëty ko Dios jyääty ets ko tkumay mëti'ipë ixtaayëpën.

Génesis 6:12

Jä'ä ko ja naaxwiinyëtë ja'ayëty tëë ënety wyinma'anytyëkoytyë. Ko ja Dios t'ijxy ko yaa naaxwiiny naaxkëjxy mëj këjää ënety ja ja'ay pyokytyuunë.

Daniel 12:10

May ja ja'ay y'ëyowa'any jyotëkoyä'äny mëët ja ëyo'on mëti'ipë yam të yajnikäjpxyën ets nëjkx wya'atstë ets nitii ëxëëkajtën tkamëët'ata'antë. Yë ëxëëkja'aytyëjk je'eyëm tuna'any tkajpxa'antë winë ëxëëkjaty ets ka'ap tja'akyukëja'antë tii tuunëp jajtëp, e yë wijyjyä'äytyëjkëty jyä'äkyujkëtya'ajantëp winë wa'ats.

Mateo 13:15

Jä'ä ko tëë ya'atë ja'ay jyot wyinma'any juun y'awinpitë, ëtuky yë tyatskëty, ets ëtuky yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë xynyiwinpitëtyës, ets jëtu'un ka'ap tjëkyepy nyajtso'oktëtyës.

2 Crónicas 19:3

Je'eyëp ko mijts tëë näjyëtu'un winë oy xytyuny, ko ojts xyajjëwa'kta'ay yë Aserá y'awinax mëti'ipë jää kajpnjoty may të yajpaatyën ets ja Wintsën jä'ä të xyajmëjnaxy.

Proverbios 9:16

Mintë miitsëty yä'äy'ëna'këty jënu'un ka'ap tii xyjyatën xynyijawëtën. Jëtu'un tkäjpxynyikexy ja ja'ay mëti'ipë ka'ap kyëpety'atën.

Salmos 82:5

E miitsëty ka'ap xynyijawëtë ets nän ka'ap mja'akyukëtë, akootstuuy mijts myajpaatë. Yu'kxtëp mëti'ipë pya'tënaaytyëpën ja naaxwiinyëtë.

Isaías 63:15

Ix Wintsën, ma myajpaatyën jam tsajpjotm, jam ma kënu'kxy mëjjawë m'ityën. ¿Maa ënät tyam ja mtsojkën mja'awën ets ja mjot mmëjaaw? ¿Maa ënät tyam ja mjot mja'awën? ¿Ëkë wä'än të kyixyë ja mpa'ëyo'ow mnajts'ëyo'owënë?

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

Isaías 27:11

Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Isaías 8:19

Nëjkxëp ja'ay m'ënë'ëmxëtë: Yajtëwtë o'kpë ets najtsja'apëtëjk mëti'ipë amë'pxy kajpxtëpën ets ka'ap yajmëtoy wi'ixën y'ëna'antë. ¿Ëkë pën ënaanp ko ka'ap tjëkyepy tu'uk yë naax kajpn tyajnitëwëty yë tyios ëkë o'kpë anëmë wi'ix myintën ja xyëëw jyuukyajtën ja ja'ayëty mëti'ipë juuky'ajtëpën?

Proverbios 8:5

Miitsëty ëna'ktëjkëty ninu'un tsuu mja'ay'atën ma ka'ap tii xynyijawëtën, jatë wi'ixtsow mja'ay'atëtyën ets wi'ixtsow winë xyjyä'äkyukëtëty.

Proverbios 2:9

Nëjkxëp xynyijawë mëti'ipë tëyajtënën ets mëti'ipë oyën, nëjkxëp xyjyä'äkyukë mëti'ipë mëtëyën.

Salmos 92:6

Yi'iyë yë tsuuja'aytyëjkëty ka'ap jëtu'unpë tja'akyukëtë.

Lamentaciones 3:50

ënätnëm tëy ko yë Wintsën xynyi''ijxkëta'aktëtyës.

Proverbios 9:4

Mintë yaa ëna'ktëjkëty, tsuupë myajpaatën. Ojts tnikäxë ja ka'apë wyijy'atën.

Salmos 107:43

Mëti'ipë ja'ay wijyën jyä'äkyujkëp yë jëtu'unpë ets wyinja'ap wi'ix yë Wintsën yë tsyojkën jya'awën myëjëtyën.

Génesis 18:21

Tyam yë'ëjës ninëjkxyp etsës n'ixa'any pën yë pyokyëty mëj oynyë jëtu'un ijxtëmës të nyaj'ënëëmëtën jëtu'un'äämpyës nijawëty yajxon.

Génesis 11:5

Ënet ojts ja Wintsën tniku'ijxnaxy ja naax kajpn ets ja mëjpotsy mëti'ipë ënety ja naaxwiinyëtë ja'ay ëka'any kyojtso'ontaktëpën.

Isaías 64:1

Jääpëk jeexyë xykyë'ëtswä'kxy yë tsajp ets mkëta'akëty naaxwiiny ets xyajyu'kxypëjkta'ajëty ja tun kopk,

Salmos 69:32

Ko jëtu'un t'ixtëty, tääts jotkujk nyäjyawëja'anëtë mëti'ipë ënety mon tuk yajpatëpën, ets jyot wyinma'any oy tsuj tjawëja'antë mëti'ipë Dios y'ijxtaaytyëpën.

2 Crónicas 30:19

pokymyä'kx ya'atë ja'ayëty, oy jëtu'un tkapaatë ja näypyuj näjyä'ätsë tä ja ënä'ämën tëyajtën jyaminyën, japë tsajptëkoty y'ityën.

Job 15:14

Ka'ap maa ja'ay mëti'ipë ka'ap pyokymyëëtëtyën ets ka'ap maa ja'ay mëti'ipë ka'ap pyokytyunyën.

Salmos 11:4

Yë Wintsën xëmë jam yajpaaty ma tsyajptëjkën. Yë Wintsën jam yë kyutujktakn tmëët'aty tsajpjotm ets kë'ëm t'ijx'ity yë naaxwiinyëtë ja'ay.

Jeremias 5:1

Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.