Salmos 137:3 - Biblia Dc en Mixe de Quetzaltepec

³ Jam ijty ja ja'ayëty nwin'ë'ëwëmë mëti'ipë të xymyëmëtakëmën, ja nmëtsip'ajtëmë jä'ä ijty tsoktë ets jotkujk nyajpatmëty, ets y'ëna'antë: Tukwin'ëëwtëkës tu'uk yë ëy ma xykyuuy'ëwtën yë Sión.

Biblia Mixe de Quetzaltepec

³ Jam ijty ja ja'ayëty nwin'ë'ëwëmë mëti'ipë të xymyëmëtakëmën, ja nmëtsip'ajtëmë jä'ä ijty tsoktë ets jotkujk nyajpatmëty, ets y'ëna'antë: Tukwin'ëëwtëkës tu'uk yë ëy ma xykyuuy'ëwtën yë Sión.

Salmos 137:3 ပူးပေါင်းရင်းမြစ်များ

Lucas 21:6

Mëti'ipë yaa m'ijxtëpën, pyatäämpy ja xëëw jëmëjt ko nitu'uk ja tsaa kyawë'ëma'any, tu'kë'ëyë jyijta'aja'any.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Jeremias 26:18

Ma yajkutujkyën yë Ezequías, mëti'ipë jam Judá ënä'ämën, jää ojts yë Miqueas mëti'ipë Moreset tso'onpën, tnikäjpxy tnimëtyä'äky yë Wintsën yë y'aaw y'ayuk ets ojts tmëkäjpxy yë Judá ja'ayëty, ma t'ënëmaayën: Yë Wintsën mëti'ipë maaytyääyëpën winë jëtu'un y'ënä'äny: Jëtu'un yë Sión kajpn y'awinpita'any tä yë tsajpkaa yu'uyën, yë Jerusalén kajpn xit ko'ow jyata'any ets jam ma nitunën kajpnjotmëpë y'ityën, wa'ats y'aatëkoyä'äny.

Jeremias 9:11

Yë Jerusalén kajpn, tsaa jëtätjot ets wax ijtakn nyaj'awinpita'anyës; yë Judá kajpn aanë'ëk tëëtsë'ëkës nyaj'awinpita'any ets ni pën jam kyatsëënëja'any.

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Salmos 80:6

jä'äs mijts të xyaj'awinpijnëtë yajja'ayxyikpë ma ja naax kajpnën mëti'ipë yajmëwinkon'ajtpën ets yë nmëtsiptëjkëtyës näjyëtu'un xynyëxik xytyukxiknëtës.

Salmos 79:1

Mijts Dios, yë ja'ayëty mëti'ipë y'ëwtajtëpën ka'apë tiosëtyën, tëë tniwa'kta'atë tëkokyë mëti'ipë mijts mjä'ä'ajtypyën, tëë tyajma'ta'atë yë mtsajptëjk ets xit ko'ow të tuunta'atë yë Jerusalén kajpn.

Salmos 65:1

Mijts Dios, mëti'ipë yajpatpën jam Sión, mijts mpatëp myajkuuy'ëw myajkuuyya'axëty ets mpatëp yajpatunëty ja waantakën ma mijtsën,

Salmos 9:14

etsës jam Jerusalén nikajpx nimëtya'akëty ko mijts mnitëjkëyëp myajmëjpëjkta'akëty, ets ko janty jotkujkës nyajpaaty koos të xyajtso'oky.

Nehemías 4:2

Ets t'ënëmaay ja myëku'uktëjkëty ets tsiptuunpëtëjkëty Samaria ja'ayëty: ¿Wi'ix tääjën tääpë jutië ja'ayëty tyimnäyjya'awëyëtë, jëtu'unts yaj'ijxnëtë yuu ookanëtëp yowënë? ¿Ëkë jä'ä tääjën myäytyë tyajtë ko yaj'ëxmatstëp ënät ets jatëkok ja Tyiosëty ja wyintsë'kën tmo'otëtyë? ¿Ëkë y'ëna'antë ko tu'kxëëyë je'eyë tyajwintu'upëjkta'atëty ja tyuunkëtyë? ¿Ëkë aak oyëty ja tsaa ënät t'ëkjuuta'antë ma tëë wyintooykyëtaktaaynyënë?

1 Crónicas 16:7

Jä'ä xëëw ojts ja David tuk'ëne'emy ja Asaf mëët ja myëku'uktëjk ets tyajnaxtëty ja kukkajpxën ja'awëkyëtakkën ma Wintsënën mëët ya'atë aaw ayuk:

Isaías 51:11

Jëtu'un nëjkx wyimpitë mëti'ipë ënety mijts të xyaj'ëwaatsëpëtsëmyën ets nëjkx kyajpntëkëtë xoontä'äky jam Sión, mëët ja ëy yä'äxy; jam nëjkx yaj'ixtë wyiinkëjxm jyëjpkëjxm ko ënety jotkujk yajpaatë; akujk jotkujk nëjkx y'itë, ka'ap yuu pa'am tmëët'ata'antë, ets ja jë'ëyën yaxën jëtu'unyë nëjkx tyëkooytyä'äy.

1 Crónicas 15:27

David yë'ë ënety wyit'ajtyp ookwyit ets aakjëtu'un ja wyitëty ja Leví ja'ayëty mëti'ipë ja kaaxë pyakëëytyëpën, ja ëëpëty ets ja Quenaías mëti'ipë tu'uwinye'eypyën ma ja Wintsën ja kyaaxë yajmënëjkxyën; ëpëky ja David tniyä'äp'aty tu'uk ja mëjwit ookwyit.

Proverbios 25:20

Ko tu'uk ja'ay yajwin'ëy mëti'ipë mon tuk yajpatpën jëtu'un tjawë pën yowë tsyëtyut tuknima'tsëp yë tsajpox ëkë tä ja'ay yajpëjkën ja nyijän mëti'ipë tëpo'kpën.