Salmos 135:5 - Biblia Dc en Mixe de Quetzaltepec

⁵ Ëjts wa'atsës nnijawë ko yë Wintsën mëti'ipë nTios'ajtëmën, ni'ik yë myëjëty këtiinëm yë wiinkëtypë tios mëti'ipë jää muum yajpatpën.

Biblia Mixe de Quetzaltepec

⁵ Ëjts wa'atsës nnijawë ko yë Wintsën mëti'ipë nTios'ajtëmën, ni'ik yë myëjëty këtiinëm yë wiinkëtypë tios mëti'ipë jää muum yajpatpën.

Salmos 135:5 ပူးပေါင်းရင်းမြစ်များ

Salmos 97:9

jä'ä ko mijts Wintsën këjxmëpë, mijts tëkokyë m'ijxtääpy mtuuntääpy yë naaxwiinyëtë ets jaakwäänë këjxm mijts myajpaaty këtiinëm jyëtu'unëty wiinkëtypë tios.

Salmos 95:3

Jä'ä ko yë nWintsën'ajtëm, mëj Dios yë'ë, mëti'ipë mëj ënä'ämpë'ajtpën ma tu'kë'ëyë tios yajpaatyën.

Salmos 48:1

Yë Wintsën myëët'ajtyp mëj'ajtën; yë nTios'ajtëm patëp ets nwin'ë'ëw nwinyaxmëty ma kyajpnën ets ma tyun kyopkën wa'atspë.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Dios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Dios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Dios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënety myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Isaías 40:25

Jëtu'un ja Wintsën Wa'atspë tyajtëy tyam: ¿Tiis mëët xy'ijxkijpxa'antë? ¿Pën xy'ëkmëpaatëpës?

Isaías 40:22

Yë Dios jam yë kyutujktakn tmëëtëty ma naaxwiinyëtë ja nyiwits nyijuuxën, yë'ë wa'ats t'ixy tuny yë naaxwiinyëtë ja'ay tä yaj'ixyën yë pujtpë. Jëtu'un yë tsajp tyä'ptëy tä ja'ay wit tyä'ptëyën, jëtu'un twijtstëy tä ja'ay tëjk nikäm twijtstëyën.

Salmos 89:6

Ka'ap maa wiinkpë tios tsajpjotm, jëtu'unpë Tyiosëtyën tä mijtsën Wintsën.

Salmos 147:5

Mëj yë nTios'ajtëm ets näjyëtu'un yë myëk'ajtën; tsip yë wyij'ajt kyujk'ajtën nnija'awëmëty mapaat jyëjpkëxyën.