Salmos 135:3 - Biblia Dc en Mixe de Quetzaltepec

³ Mmëjpëjkta'aktë Wintsën, jä'ä ko yë'ë oy jot winma'any tmëëtëty; win'ëw winya'axtë xyëëw, jä'ä ko oy Tyios'aty.

Biblia Mixe de Quetzaltepec

³ Mmëjpëjkta'aktë Wintsën, jä'ä ko yë'ë oy jot winma'any tmëëtëty; win'ëw winya'axtë xyëëw, jä'ä ko oy Tyios'aty.

Salmos 135:3 ပူးပေါင်းရင်းမြစ်များ

Salmos 147:1

Tukxoontä'äky mëjjawë Dios yë xyëëw nyaxëty. Wi'ixpëm jyänty'oyëty ko yë Dios nwin'ë'ëw nwinyaxmëty. Yë'ë paatë'ajtëp ets yajmëjpëjkta'akëty.

Salmos 119:68

Mijts janty'oy mTios'aty ets aakyë'ë mtuumpy yë oypyë; tukni''ijxëkës yë m'ënä'ämën mtëyajtën.

Salmos 106:1

Tukxoontä'äky yë Dios yë xyëëw nyaxëty. Kukajpxëtë yë Wintsën, jä'ä ko oy yë'ë, jä'ä ko yë tsyojkën jya'awën xëmëkyëjxm y'ity.

Salmos 33:1

Tukxoonta'aktë yë Wintsën, miitsëty oyjyä'äytyëjkëty; Ko ja oyjyä'äytyëjk y'ëwtë, janty'oy ja y'iy yajmëtowtë.

Salmos 118:1

Kukajpxëtë ja'awëkyëta'aktë yë Wintsën, ko yë'ë y'oyëty, ets ko yë tsyojkën jya'awën winë xëëw winë jëmëjt yë y'ity.

Mateo 19:17

Tääts ja Jesús y'ëtsoowë: ¿Tiijës ko xyajtëy ja oypyë? Yë Dios yë'ë tu'ukyë oy'ajtp, pën mpaatäämpy ja juukyajtën xëmëkyëjxmëpë, patun ja Dios ja y'ënä'ämën. Tääts ja yä'äy ëna'k tyajtëëy:

Salmos 100:5

Jä'ä ko yë Wintsën oy Tyios'aty; yë tsyojkën jya'awën ijtëëp xëmëkyëjxm, ets wya'atsajtën nijëna'a kyajëjpkëxy.

Salmos 63:5

Täätsës jëtu'un nnäjyawëtëty janty akëtä'äky janty jotkëtä'äky, jëtu'un tä yë ja'ay akëtä'äky jotkëtä'äky nyäjyawëtyën ko kyäy y'uuky, ets ja n'aaw nyä'änës mëjpëjkta'akëtëty mëët ja xoontakën.

Salmos 136:1

Mo'otë yë kukkajpxën ja'awëkyëtakkën yë Wintsën, jä'ä ko yë'ë oy Tyios'aty, jä'ä ko tsyojkën jya'awën winë xëëw winë jëmëjt y'ijtëy.

Salmos 107:1

Kukajpxëtë yë Wintsën, jä'ä ko yë'ë janty'oy Tyios'aty, ets yë'ë winë xëëw winë jëmëjt xytsyojkëm.