Salmos 135:11 - Biblia Dc en Mixe de Quetzaltepec

¹¹ Ja Sihón, mëti'ipë ënety ënä'ämpën ma Amor ja'ayëtyën; ja Og, mëti'ipë ënety ënä'ämpën jam Basán ets tëkokyë ja yajkutujkpëtëjk mëti'ipë ënety jam ënä'ämtëpën Canaán.

Biblia Mixe de Quetzaltepec

¹¹ Ja Sihón, mëti'ipë ënäty ënä'ämpën ma Amor ja'ayëtyën; ja Og, mëti'ipë ënäty ënä'ämpën jam Basán ets tëkokyë ja yajkutujkpëtëjk mëti'ipë ënäty jam ënä'ämtëpën Canaán.

Salmos 135:11 ပူးပေါင်းရင်းမြစ်များ

Nehemías 9:22

Yë'ë mtukë'ëpëjkëtyääytyë ja naax kajpn mëjjatyëtypë, jëtu'un xypyëjkwa'kxta'ay tä ja'ay kam tu'u tyajwä'kxyën, yë'ë jyä'ä'ajtë ja Hesbón kajpn ma yajkutukyën ja Sihón ets Basán ets ma yajkutujkyën yë Og.

Deuteronomio 29:7

Ko ojts nja'ajtëmë ma tääpë it naaxwiinyëtën, ënät ojts xynyitso'onëmë yë Sihón yajkutujkpë ets xyaj'o'kta'aja'anëmë. Yë'ë mëti'ipë ënety jam yajkutujkpën Hesbón, ojts mëët nyäpyikyë yë Og, jampë yajkutujkpë'atyën Basán. E oyën ojts amëjaaw xyjyanitso'onëmë, yë'ëjëty ka'ap ojts myëta'aktë.

Deuteronomio 2:30

E ja yajkutujkpë Sihón ka'ap t'a'ijxëy etsës jam naxtëty ma ja nyaax itjotmën. Jä'ä ko ja Wintsën, mëti'ipë miits mTiosajtëpën yë'ë ënety të tuknipëjktaakë ets ka'ap t'a'ixëty jam pën nyaxëty ets tjëkyäpëty wi'ix tkë'ëyakëtyën ma miitsëtyën, jëtu'un tä xy'ixtën tyampaat.

Josue 24:12

Ja nimäjtskpë Amor ja'ay yajkutujkpë ojts y'ooktë, ka'ap myiitsëty xyaj'o'ktë mëët ja mtëypyujxnëty ets ja mti'pxnëty, ëjts ojts ja nmëk'ajtënës nyajkëtä'äkyës miits mwintuuyëty ets yë'ë kyäktaaytyë ka'anëm ënety miits jam mja'tënëm.