Salmos 135:1 - Biblia Dc en Mixe de Quetzaltepec

¹ Tukxoontä'äky mëjjawë Dios yë xyëëw nyaxëty. Yajmëjnaxtë yë Wintsën yë xyëëw. Yajmëjnaxtë ninu'un xymyëtuntën,

Biblia Mixe de Quetzaltepec

¹ Tukxoontä'äky mëjjawë Tios yë xyëëw nyaxëty. Yajmëjnaxtë yë Wintsën yë xyëëw. Yajmëjnaxtë ninu'un xymyëtuntën,

Salmos 135:1 ပူးပေါင်းရင်းမြစ်များ

Salmos 7:17

Nmëjpëjkta'akäämpyës yë Wintsën jä'ä ko oy winë tnipaye'ey; n'ëwäämpyës yë ëy mëti'ipë kyuuy'iipyën yë Wintsën yë xyëëw, yë xyëëw Ni'ik Këjxmëpë.

Salmos 111:1

Tukxoontä'äky mëjjawë yë Dios yë xyëëw nyaxëty. Nmëjpëjkta'akäämpyës yë Dios winë aaw winëjot ma ënety tyu'ukmuktën yë ja'ay mëti'ipë oy juuky'ajtëpën, ets ma ënety tëkokyë ja naax kajpn të nyiye'eypyetyën.

Salmos 150:6

Tu'kë'ëyë mëti'ipë juukyajtpën, wä'än tmëjpëjkta'aktë yë Wintsën. Tukxoontä'äky mëjjawë Dios yë xyëëw nyaxëty.

Salmos 148:13

Mmëjpëjkta'aktë ni'ëmukë Wintsën yë xyëëw, jä'ä ko yi'iyë tu'uk ijtp mëj'äämpy. Yë y'oyajtën ets xyoontakën jam yajpaaty tsajpkëjxm ets naaxwiiny.

Salmos 112:1

Tukxoontä'äky mëjjawë yë Dios yë xyëëw nyaxëty. Jotkujk yë ja'ay yajpaaty mëti'ipë wyinkutsë'këpën yë Wintsën, ets jotkujk nyäjyawëty ko tpatuny ja y'ënä'ämën tyiyajtën.

Salmos 107:8

Kukajpxëtë yë Dios mëëtkyëjxm ko oy winë tuny ets naaxwiinyëtë ja'ay jotkujk jyuuky'atëty.

Salmos 106:1

Tukxoontä'äky yë Dios yë xyëëw nyaxëty. Kukajpxëtë yë Wintsën, jä'ä ko oy yë'ë, jä'ä ko yë tsyojkën jya'awën xëmëkyëjxm y'ity.

Salmos 102:21

ets jam ma Sión kopkën, ma Jerusalén kajpnën, yajnikajpxëty ets yajmëjpëjkta'akëty yë Wintsën yë xyëëw

Salmos 134:1

Jënu'un yë Wintsën xymyëtuntën. Kënu'kxyjyawëtë mëjjawëtë yë Wintsën, ninu'un jap tsajptëkoty myajpaatën tsu'um koots.

Nehemías 9:5

ets y'ënantë ja Leví ja'ayëty mëti'ipë xyëëwajtëpën Josué, Cadmiel, Binuy, Hasabnías, Serebías, Hodías, Sebanías ets Petahías: Pëtë'kta'atë ni'ämukëty ets win'ëw winya'axtë ja mWintsënëty xëmë. Kënu'kxy, mëjjawë mëpaat yë'ë nyäxy, ets mëpaat'ajtp yajwin'ëy yajwinyä'äxy yë kyënu'kxy mëj xëëw.

Salmos 107:15

Kukajpxëtë yë Dios mëëtkyëjxm ko oy winë tuny ets naaxwiinyëtë ja'ay jotkujk jyuuky'atëty.

1 Crónicas 6:17

Guersón y'u'unk y'ëna'k jä'ä xyëëwajtë Libní ets Simí.