Salmos 13:2 - Biblia Dc en Mixe de Quetzaltepec

² ¿Jëna'a ka'ap n'ëkmoon n'ëktujknëtyës ets jëna'a ka'ap ja njot nja'awënës y'ëk'ëyoownëty? ¿Jëna'a ka'ap ja nmëtsipës xy'ëk'ënä'ämnëty?

Biblia Mixe de Quetzaltepec

² ¿Jëna'a ka'ap n'ëkmoon n'ëktujknëtyës ets jëna'a ka'ap ja njot nja'awënës y'ëk'ëyoownëty? ¿Jëna'a ka'ap ja nmëtsipës xy'ëk'ënä'ämnëty?

Salmos 13:2 ပူးပေါင်းရင်းမြစ်များ

Jeremias 8:18

Ka'ap ma nyitsooy yë npëjkën n'ijxënës, jëtu'unyës njawë n'aaw njot myëkë.

Jeremias 15:18

¿Wi'ix ko ja npëjkënës n'ijxënës ka'ap myony, wi'ix ko yë ntsëtyutës ka'ap tsyooymyäy ets oy jyatsooypyety, nijënu'un kyatso'oky? Jëtu'un të m'awinpijnë tä nëëjën mëti'ipë täämjëtijtpën, ka'ap oy ntukjotkujk'ajtmëty.

Lamentaciones 1:5

Yë'ë myëtsip mëtaktëp, yë myëtsip winpäjtëp. Yë Wintsën yajmoon yajtujkëp mëët ko të pyokytyuny. Tsumy matsy yë y'u'unk y'ëna'k të yajnëjkxëtë myëtsip wiink naax wiink kajpn.

Eclesiastés 5:17

Nëkoo je'eyë të pyajuuky'äty akootstuuypyën ets je'eyë xëmë të nänyä'ämë të tyajnaxy ets pëjkën ijxën, monyëtukyë.

Proverbios 15:13

Jot winma'any jotkujkpë, wiinkëjxm jëjpkëjxm yaj'ixy jotkujk; jot winma'any pa'am mëëtpë, wiinkëjxm jëjpkëjxm yaj'ixy mon tuk.

Job 10:15

Pën ëjts nmëët'ajtypyës yë poky, ¿tiijës natuunta'akëp? Pën ëjts ka'apës npokymyëëtëty, nëkoopës ntukxoonta'akëty, jä'ä ko mijts je'eyës xyajmony xyajtuky ets je'eyës o'ktëy xytyuny xy'ënëëmë.

Filipenses 2:27

Tëy ko tëë jyänty pyikyë, jawäänë të kya'ooky; je'eyëp ko tëë ja Dios pya'ëyoyë ets tëë tsyo'oky, ets ka'ap yi'iyëty nätyu'uk, näjyëtu'unës ëjts këtiipës nëkoo n'ëkjotmay'o'knëty.

Romanos 9:2

Nmëët'ajtypës ja ma'ayën tajën, xëmës nmay ntajy,

Juan 16:6

Wäänëni'ik miits të mmontë mtuktë koos jëtu'un të n'ëna'any.

Mateo 26:38

Ënet ojts y'ënä'äny: Këjxpës njawë n'aaw njot, jëtu'un tä ja'ay y'ooka'anyën. Yaa wë'ëmtë, juuky m'itëty mëët ëjts.

Lamentaciones 1:9

Tëë yë nyëë pyoky yaj'ëxëëkëtë; ka'ap ojts tmëmay tmëtajy wi'ix wyimpëtsëma'any. Ka'ap nmëpëka'anmëty wi'ix të jyäty të kyëpetyën; ni pën kyajjotkujkmo'oyë. Ix Wintsën, wi'ixës o'ktëy njaty nkëpetyën ets wi'ix yë nmëtsipës nyämyëjaw nyäjyäänty jawëtyën.

Salmos 116:3

Ja o'kën jëtu'unës të xytyukja'ty tä ja'ay yajtsumy yajxotyën mëët yë tejpxy, tëës ja monyëtukyë xytyukja'ty mëti'ipë jap tso'onpën o'kpëjutjoty tä jeexyë tsumy matsy nyajpaatyënës jëtu'unës të näjyawëty mëët ja tsë'ëkë ets ja pëjkën ijxën.

Salmos 74:18

Mijts Wintsën mja'amyätsëp wi'ix yë mmëtsip myajjoot'anpëkyën ets wi'ix yë ja'ay winma'anytyukpë ëxëëk mnikäjpxy mnimëtyä'äkyën.

Salmos 74:10

Mijts Dios, ¿Jëna'a jëtää ëëts yë nmëtsip ka'ap xy'ëkyajjoot'anpëjknëtëty? ¿Jëna'a jëtää ka'ap ëxëëk m'ëk tijënëty?

Salmos 42:4

Koos jëtu'unpë nmëmay nmëtajy, japës ntimjyawë pyëjkë'ëky njootjotyës. Je'eyës njaakja'amyetsy ko ijty mëët yë mayjyä'äy nnëjkxyës jam tsajptëkotm, maas ijty ëjts jëyëjp nëjkxyën akujk jotkujk ets nyajnaxtës ja kukajpxën ja'awëkyëtakën. Mëj ja xëëw ijty tyunyë.

Salmos 31:18

Wä'än amonyë t'itë mëti'ipë antaktëpën, mëti'ipë je'eyë nëxik tukxiktëpën ets tëkatsy tnimëtya'aktë ja'ay mëti'ipë oy juukyajtpën.

Salmos 17:9

Maas yë nmëtsiptëjkën mëti'ipës të xyajnatuktën etsës xyaj'ooka'antë.

Salmos 10:18

Nipaye'ey yë ku'ooky u'unk ets mëti'ipë ëxëëk yajtuunp yaj'ënëmääpyën: Yë naaxwiinyëtë ja'ay mëti'ipë naaxën, ka'ap mëpaat y'atsë'ëk y'ajawë.

Salmos 9:6

Tëë ja mëtsip y'ooky, tëë ja nyaax kyajpn mëët y'ooky; mijts të xyaj'atëkoy ets nitii të kyawë'ëmy mëti'ipë jeexyë yajtukja'amyäjtspën.

Salmos 8:2

Mëët ja y'aaw y'ayuk ja pi'k ëna'këty mëti'ipë tsi'tspnëmën, yë'ë mëët të xykyojy tu'uk ja ijtakn ma ja mëtsip ka'ap mnitëkëtëty ets jëtu'un kyutëkooytya'atëty ja ëxëëkja'aytyëjk ets ja ëxëëk ijxpë.

Ester 7:6

Ja mëtsip mëti'ipë ëxëëk ja'ay'ajtpën, yë'ë tyaapë y'u'unyën, Amán, jëtu'un ja Ester y'ëtsooy. Ko jëtu'un ja Amán tmëtooy, jëtu'unyë ojts tyimmëkë, ka'ap y'ëktimyu'kxnë mëët ja mëktsë'ëkë ko twinku'ijxëy ja yajkutujkpë Asuero ets ja yajkutujkpë Ester.

Nehemías 2:2

ënätës xy'ënëmaay: Namoomp natujkp n'ixyës myajpaaty. ¿Tiijën mjajtëp mkëpäjtëp? Kajts yowë mpëkyë m'ixyë, jam ënät tiijotmay xymyëëtëty. Ënet ja mëktsë'ëkë xytyuktëjkëyës koos jëtu'un nmëtooy ja yajkutujkpë y'ënä'äny,

1 Samuel 24:19

Tëë yajnijawë ko yë ja'ay yë myëtsip tpaaty ka'ap oy mëk tyajwinpity. Paaty yam n'ënëëmë ets Wintsën yë'ë mkuju'uyxyëtëty mëti'ipë tyam të xytyunyën mëët ëjts.

1 Samuel 18:29

Paaty ojts ni'ikyë tsyë'ëkëtëkë këtiinëm jyëtu'unëty më''ëka'any, jä'ä xëëw jä'ä po'o, tu'ukyë ojts timmyëtsiptso'onë.

Lucas 22:53

Ko të nyajpaatyës ma ja mëjtsajptëjkën winjëpom, ka'ap ijty miits xymyatstës; tyam ënät të myëpaat'aty ets winë xytyuntëty jëtu'un ijxtëm ja akootstuuypyë yajpaatën.

Salmos 38:17

Tëyës n'ëna'any ko mëpaatëpës n'o'knë; yë pëjkën ijxën ka'apës xynyiwa'atsy.

Salmos 6:4

Min Wintsën, yajtsokës yë njuukyajtën, Yajtsokës mëët ko xytsyokyës.

Lamentaciones 5:20

¿Wi'ixës ko xëmë xyjyä'äytyëkoytyë? ¿Wi'ixës ko jeky xy'ëxmatstë?