Salmos 12:1 - Biblia Dc en Mixe de Quetzaltepec

¹ Wintsën, yajtsoktëkës. Jä'ä ko ka'ap ma pën ja'aynyë mëti'ipë oy mëpëjktëpën; ka'ap ma pën mëti'ipë mëtëy winë kyajpxtëpën.

Biblia Mixe de Quetzaltepec

¹ Wintsën, yajtsoktëkës. Jä'ä ko ka'ap ma pën ja'aynyë mëti'ipë oy mëpëjktëpën; ka'ap ma pën mëti'ipë mëtëy winë kyajpxtëpën.

Salmos 12:1 ပူးပေါင်းရင်းမြစ်များ

Jeremias 5:1

Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.

Isaías 57:1

Yë oyjyä'äytyëjkëty ko y'ooktë, ni pën kyamëmay kyamëtajyë; Yë oyjyä'äytyëjkëty jëtu'unyë yaj'ijxtëkoytyë, ka'ap pën tja'akyukë ko y'ooktë ëwaatsëtuuy'ajtën pyatëp,

Mateo 24:12

Jä'äkyëjxm ko ënety ja ëxëëkpë ku'oypyë myëjtëkë, paaty may ja ja'ay ka'ap oy t'ëkmëët'atanëtë ja nätsyokë.

Isaías 63:5

Tëës nja'ixta'ay ja'ay mëti'ipës jeexyë xypyutëjkëpën, ka'apës të npaaty, ëjts ka'apës të nmëpëky koos jëtu'un të n'ixy. Ëjts nätyu'ukës të ntsiptuny, nkë'ëjës të ntukmëtä'äky ets yë'ëjës të nätyukmajts'ityë ntsip n'äkë koos të nmëtä'äky.

Salmos 6:1

Wintsën, këtiis xy'ojëty, këtiis xytyiytyunëty mëët yë mtsip m'äkë.

Proverbios 20:6

Tää ja'ay mëti'ipë nänyikajpxëpën ko tyukjajtyp winë tunëty, je'eyëp ko ka'ap pën tmëpëky.

Génesis 6:12

Jä'ä ko ja naaxwiinyëtë ja'ayëty tëë ënety wyinma'anytyëkoytyë. Ko ja Dios t'ijxy ko yaa naaxwiiny naaxkëjxy mëj këjää ënety ja ja'ay pyokytyuunë.

Mateo 8:25

Ënet ja y'ijxpëjkpëtëjk yujxëtë ets y'ënëmaayëtë: Wintsën, yaj'ëwaatsëpëtsëëmtëkës. Tyamës nëëji'kxnëtë.

Isaías 1:9

Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Salmos 54:1

Dios, yajnitsokës, mijts nTios'ajtyp, mëti'ipë myëët'ajtypyën yë mëj'ajtën. Niwaantutkës ets kuwaankës mëët yë mmëkajtën.

Salmos 6:4

Min Wintsën, yajtsokës yë njuukyajtën, Yajtsokës mëët ko xytsyokyës.

1 Crónicas 15:21

e ja Matatías, Elifelehu, Mecneías, Obed-edom, Jeiel ets Azazías jä'ä ja kow yaj'ënantëp, jëtu'un tä sunamja'ay kyowtën, jä'ä näjyëtu'un ja ëy yajtso'ontaktëp.

Salmos 3:7

Kuwaankës Wintsën. Yajtsokës ma mijts nTios'atyën. Mijts myajtsëtyutäämpy yë nmëtsipës wyiinkëjxy jyëjpkëjxy; yë y'aaw tyëts jëtu'unyë xymyo'taja'any.

Mateo 14:30

E ko mëk tja'awëy ja mëkpoj, ënät tsyë'këy ets nyëëkuyejtsy. Tääts yaxpë jojkpë tyëjkëy: Wintsën, yajpëtsëëmkës.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.