Salmos 112:9 - Biblia Dc en Mixe de Quetzaltepec

⁹ Yajwä'kxyp ja wyit myeeny ma ja ëyoopëja'ayën, ja y'oyjyä'äyajtën xëmë tmëët'aty; mëët ja y'ijxë'ëky kyoowë'ëky.

Biblia Mixe de Quetzaltepec

⁹ Yajwä'kxyp ja wyit myeeny ma ja ëyoopëja'ayën, ja y'oyjyä'äyajtën xëmë tmëët'aty; mëët ja y'ijxë'ëky kyoowë'ëky.

Salmos 112:9 ပူးပေါင်းရင်းမြစ်များ

Salmos 75:10

jä'ä ko yë'ë yajkutëkooytya'ajäämpy tëkokyë mëti'ipë ënety ja ëxëëkja'aytyëjk të nyätyukmëjjawëtën, ets tyajmëjëja'any tyajkëjääjëja'any ja myëj'ajtën kyutujkën ja ja'ay oypyë jyot wyinma'anyën.

Hebreos 13:16

Ka'ap xyjyä'ätyëkoytyëty ets xytyuntëty ja oypyë ets tu'knax xyajtuntëty mëti'ipë mmëët'ajtëpën, jä'ä ko ya'atë jëtu'unpë wintsë'kën Dios tyukjotkëtäkpy.

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.

1 Timoteo 6:18

Tuk'ënä'äm, wä'än tuntë ja oypyë, wä'än tjotkujkta'aktë ko tuntëty ja oypyë tuunk, pyutëkëtëp mëti'ipë tii ka'ijtxëtëp.

Romanos 12:13

Näpyutëkëtë nixim niyam ma myajpaatën wa'ats kajpn. Oy tsuj xy'ëxajëtëty mëti'ipë mnimiinëtëpën.

Apocalipsis 22:11

Pënjaty ëxëëk ja'ay'ajtëpën, wä'än tjaaktimtyuntë ja ëxëëkpë; mëti'ipë ja ëxëëk winma'any myëët'ajtëpën, wä'än tjaaktimyëët'atë ja y'ëxëëk winma'any; ets mëti'ipë ja oypyë tyuuntëpën, wä'än tjaaktimtyuntë ja oypyë; mëti'ipë ja wa'ats jot wa'ats winma'any myëët'ajtëpën, wä'än wa'ats ja jyot wyinma'any tjaaktimyëët'atë ma Tiosën.

Hechos 20:35

Xëmë të ntuk'ijxpëktë ko jëtu'un winë xytyuntëty, ets ja mmëku'uk xypyutëkëtëty mëti'ipë tii yajmëyajtëpën. Ja'amyätstë ja Wintsën Jesús ja y'aaw y'ayuk ko jëtu'un y'ënäny: Wäänë jotkujk mëti'ipë ja ja'ay putëjkëpën ets këtiinëm mëti'ipë yajputëjkëpën.

Isaías 58:10

Ko xyajkay xyaj'uukëty ja ja'ay mëti'ipë yuu'o'këpën, ko xypyutëkëty ja ja'ay mëti'ipë amaayjoty jotmayjoty yajpatpën, ja mjuukyajtën jëtu'un yaj'ixa'any tä jëën koots tyi'kxyën ets tä xëëw y'aantä'äkyën ko wyintuky'äty.

Isaías 58:7

ko xy'akaaytyukëty ja mmëku'uk mëti'ipë yuu'o'këpën ko xytyëjkmo'ojëty ka'ap ja jyëën tyëjkën, ko xymyo'ojëty ja ja'ay ja wyit tyujkxy mëti'ipë nikëëts ixkëëtsën ets xypyutëkëty xëmë ja mjëëky mmëku'uk.

Eclesiastés 11:6

Mni'ipëp yë mtëëmp jopyëp ets mni'ipëp näjyëtu'un jënäkyxyëëw, jä'ä ko ka'ap yajxon yajnijawë mëti'ipë wintëwaanp, pën yë'ë mëjëyëjpë ëkë pën yë'ë okpë, ëkë pën majkpëky wyintëy.

Salmos 92:10

Mijtsës xyajmëktakpës, etsës nkumëjaaw'atëty tä tsajpkaajën, tëë xytyukkujaaxyës yë on mëti'ipë pa'akxu'kpën.

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

Juan 13:29

E jä'ä ko ja Judas yë'ë ënety meeny kyoonë'kpy, paaty ojts jënaakën y'ëna'antë ko ja Jesús wä'änxyëp të tkexy ja Judas juupyë këpäjtpë mëti'ipë mëyataanpën ma ja xëëw tyuna'anyën ëkë ets nëjkx tmo'oy ja ëyoopëja'ay ja näypyutëkë.

Lucas 16:9

Jëtu'un miits nkajpxwijtë ko ja wit meeny mëti'ipë ka'ap myëtëyëtyën, jam xyajtuntëty ma ja ja'ayëtyën ets xypaatëty ja mëti'ipë m'oyjyawëtëpën; jä'ä ko ënety ja mwit mmeeny kyëxtë mmëët'atëp pën m'oyjyawëtëpën.

Lucas 12:33

Tooktë tiijaty jam mmëët'ajtëp ets xymyo'otëty yë ëyoopëja'ay; jëtu'un xypaatëty mëti'ipë jam tsajpjotmën, mëti'ipë ka'ap kyixy nyäxyën, ma ka'ap ja mä'tspë tyëkën, ets ka'ap tii waany tyuktëkëty.

Marcos 14:7

Yë ëyoopëja'ay xëmë miits xymyëët'ata'antë, jyëkyejpy xypyutëkëtëty oyjyëna'ajëty; e ëjts ka'apës jeky xymyëët'ata'antë.

Proverbios 19:17

Ko yë ëyoopëja'ay tii ntuk'ënu'kxmëty, Dios ënety winë yajtuk'ënu'kxp, yë Dios yë'ë nëjkx kë'ëm jëna'a tkujuy ja nu'kxy.

Salmos 112:3

Ma jyëën tyëjkën ujts mëët yë wit meeny ets ja y'oyjyä'äyajtën xëmë tmëët'aty.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

1 Samuel 2:1

Jëtu'un ja Aná ojts ja Wintsën tkukajpxë: Wintsën, janty jotkujkës näjyawëty winë aaw winëjot ma mijtsën. Jä'ä ko mijts myaj'ajä'ämëp yë njot nmëjaawës. Jyëkyejpyës ëxëëkjaty ntijëty yë nmëtsiptëjkës, jä'ä ko mijts tëëjës xypyutëkë. Paaty janty jotkujkës tyam näjyawëty.

Deuteronomio 24:13

Pën yë'ë të tyäky yë nyipä'än, xëmë xymyënëjkxëyëty ux ux ma jyëën tyëjkën ets tjëkyäpëty tii nätyuknipä'änëtëpën, ko mya'aja'an pyo'kxa'anëty. Jëtu'un nëjkx janty mëj tkukajpxë ets tja'awëkyëtä'äky ma miitsëtyën ets Wintsën oy nëjkx t'ixy ko jëtu'un xytyuntëty.

Deuteronomio 15:11

Yaa naaxwiiny naaxkëjxy xëmë xy'ixa'any yë ëyoopëja'ay, paaty oy kyopkpëkyëty ets mijts xymyo'ojëty xykyäxëty yë mjëëky mëku'uk tii yajmëyäjtypyën.

Hechos 4:35

ets tukë'ëtëkëtë ja ijxpëjkpëtëjk, jä'äts ja meeny yajwa'kxtëp ets tmo'otë mëti'ipë yajmëyajtëpën.

Lucas 18:22

Ko Jesús jëtu'un tmëtooy, tääts t'ënëmaay: Tap ja tu'uk mëti'ipë mtëkoy'ajtxëpën. To'kta'a winë mëti'ipë mmëët'ajtypyën ets xymyo'ojëty ja ëyoopëja'aytyëjk; jëtu'un xypyaatëty ja kuma'ayën tsajpjotmëpë ets pamiinkës ënät ok.

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

Mateo 6:4

yu'utsy y'itëty mëti'ipë mtuumpyën. Jëtu'unts ja mTeety mëti'ipë y'ijxypyën tii yu'utsy, mmo'ojëtëty ja mkuma'ayën.

Isaías 32:8

E ja'ay mëti'ipë oy ja jyot wyinma'anyën, myëmääpy myëtäjpy ja oypyë ets jä'ä tyuunpy.

Deuteronomio 15:14

Nëjkxëp xymyooypyë yë jyëyujk ets jyi'kxy pyiky, mëti'ipë kyäyëp y'uukëpën. Jä'ä ntijmëty mpëjkwa'kxëp ja wit meeny ets ja jotkujk'ajtën mëët yë'ë, mëti'ipë ënety ja mWintsën mmooyëpën.

Salmos 92:11

Ëjts n'ixäämpyës wi'ix jyat kyëpätën yë nmëtsiptëjkës; ets nmëtowëpës kë'ëm ko ënety ya'axtë ja tuuntëkoopyëtëjkëty.

Salmos 111:3

Tëkokyë mëti'ipë të tyajkojy të tpëjktä'äkyën janty'oy janty tsujëty yaj'ixtë, ets y'ënä'ämën tyiyajtën oypyë, xëmëkyëjxm y'ita'any.

Proverbios 14:24

Yë wijyjyä'äy yë'ë yajmëjnajxëp yë wyijy'ajtën, e yë tsuuja'ay, yë tsyuuajtën.

Proverbios 21:26

ko xyëënaxy jyatsojkpy tii. Yë wa'ats ja'ay yäjkpy winë ko tii tmëët'aty ets ka'ap tukwintuk'ooky.

Eclesiastés 3:6

Nyixëëw nyijëmëjt pyätyp ko pën tii t'ixmatsy ets ko pën nyäy'awijtsë'ëkyë. Ko pën tii tpëjkë'ëky tuunë'ëky ets ko pën tii t'ijxpëky.