Salmos 11:7 - Biblia Dc en Mixe de Quetzaltepec

⁷ Yë Wintsën oy tii tnipaye'ey, ets tsyojkpy ja mëtëypyë ja nipaye'eyën; paaty yë ja'ay mëti'ipë oy juukyajtpën y'ixantëp yë Dios wiinxë jëjpxë.

Biblia Mixe de Quetzaltepec

⁷ Yë Wintsën oy tii tnipaye'ey, ets tsyojkpy ja mëtëypyë ja nipaye'eyën; paaty yë ja'ay mëti'ipë oy juukyajtpën y'ixantëp yë Tios wiinxë jëjpxë.

Salmos 11:7 ပူးပေါင်းရင်းမြစ်များ

Apocalipsis 22:4

Wiinxë jëjpxë jam y'ixëtëty ets myëët'ajtxëtëty ja xyëëw wyimpokëjxm.

Salmos 17:15

E ëjts, yë'ëjës xykyu'uxaanp, ko mijts n'ixëty wiinxë jëjpxë, koos jam näy'ixëtëty ma mijtsën koos ënety nma'awyijy.

1 Pedro 3:12

Jä'ä ko yë Wintsën yë'ë kyëwent'ajtyp mëti'ipë oy juuky'ajtëpën ets y'amëtoow'ijtyp ko nyu'kxta'aktë; e yë ëxëëk ja'ay ëxëëk t'ixy.

Salmos 45:7

Mtsojkpy mja'ap yë oyajtën ets m'ëxëëk'ijxyp yë ëxëëkajtën. Paaty mijts, Dios të mwin'ixyë, yë Dios mëti'ipë mTios'ajtypyën, ets të mmo'oyë yë xoontakën wäänëni'ik këtiinëm jyëtu'unëty ja mmëku'uktëjk.

Job 36:7

xëmë tkuwa'any yë ja'ay mëti'ipë mëtëy juuky'ajtëpën; yë'ë pyëjktäkpy yë yajkutujkpë jam ma kutujktaknën ets yë'ë jeky yaj'ëne'empy.

1 Juan 3:2

Mëku'uktëjkëty ninu'un miits ntsoktën njawëtën, Dios ëëts tyam xy'u'unk'ajtënëp. Oy nkanija'awëmë wi'ix ok nyajpaata'anëmën, tëë nnija'awëm ko ja Jesukristë myina'any jatëkok jëtu'un nëjkx n'awinpijtëmë tä yë'ëjën; jä'ä ko nëjkxëp n'ijxëmë wi'ix y'ixëtyën.

Salmos 42:5

¿Wi'ixës ko nkumon nkutukëty, ¿wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

Salmos 34:15

Yë Wintsën Kyëwent'ajtyp yë ja'ay mëti'ipë oyjya'awëyëpën ets y'amëtoow'ijtyp ko mëktä'äky myëkäjpxyë

Salmos 33:18

E yë Wintsën Kyëwent'ajtyp xëmë mëti'ipë tukjotkujk'ajtëpën ets mëti'ipë tyukjotkujk'ajtëpën tsyojkën jya'awën;

Salmos 99:4

Mijts jëtu'un tu'uk yajkutujkpë mëti'ipë maaytyääyëpën winë, m'oy'ijxyp ko jyää'aty ja mëtëypyë nipaye'eyën; mijts ojts xyajnaaxkëtä'äky ets jyää'atëty ja tu'knaxajtën, yë Jacob y'u'unk y'ëna'k janty'oy të xymyëët'aty ets tëë xynyipaye'ey yajxon tëy tëtä'äky.

Salmos 33:5

Yë Wintsën tsyojkpy jya'ap tëkokyë mëti'ipë oyën ets mëti'ipë tëyajtënën. Ujts yë naaxwiinyëtë yajpaaty mëët yë tsyojkën jya'awën.

Salmos 21:6

Tëë xykyënu'kxy xëmëkyëjxm. Ko mëët myajpaaty, jotkujk nyäjyawëty.

Salmos 5:12

jä'ä ko mijts Wintsën mkënu'kxyp mëti'ipë oy mmëtuunëpën; yë m'oyjot jëtu'un xytyukna'ëwtity tä akëëytyukën.

Isaías 61:8

Jä'ä ko yë Wintsën tsyojkpy jya'ap ja oypyë nänyipaye'eyë, ets y'ëxëëk'ijxyp ja to'onën mä'tsën ets ja yajja'ay'o'kën. Yë'ë mmo'ojanëtëp ja näykyumayë, ets tyunäämpy ja käjpxytyu'unën mëët miitsëty xëmëpë y'ityën.

Salmos 146:8

Yë Wintsën yaj'ijxë'kpy yë ja'ay mëti'ipë wiintsën, yajjotkujktäkpy yë ja'ay mëti'ipë ëyo'ontum yajpatpën; tsyojkpy jya'ap näjyëtu'un yë ja'ay mëti'ipë oy yajxon juuky'ajtëpën.

Salmos 7:9

Wintsën mëtëypyë nyipaye'eyën, mëti'ipë y'ijxypyën ja jot winma'any ets ja jot ja'awën këkpaat. Mijts myajkëx myajnaxëp ja y'ëxëëktu'unën ja ëxëëkja'aytyëjkëty, e ja ja'ay mëti'ipë mëtëy winë tyuunpyën jotmëk xyaj'itëty.

Salmos 7:11

Yë Dios yë'ë tu'uk yajkutujkpë mëtëypyë nyipaye'eyën, mëti'ipë ka'ap nijëna'a t'oy'ixyën ja ëxëëktu'un ëxëëk kajpxën.

Salmos 37:28

Yë Wintsën yë'ë xëmë tsyojkpy mëtëypyë ets oypyë, ka'ap nijëna'a t'ëxmatsy mëti'ipë oy mëtuunëpën; yajkutëkoopy mëti'ipë ëxëëk ja'ay'ajtpën ets ka'ap nitu'uk yë y'u'unk y'ok tyajwë'ëmë.

Salmos 45:8

Tëkokyë yë mwit mtujkxy aak pa'akxu'kp. Jap ma mkutujktaknën mëti'ipë oytyunyën mëët yë pajk juunpë ets oyëtypë, xuxtëp koowtëp jap ja'ayëty.

Proverbios 15:9

Dios ka'ap nijënu'un t'oy'ixy wi'ix yë ëxëëkja'aytyëjk y'ëtë'ëtstën y'ëna'antën; e tsyojkpy mëti'ipë mëtëy juukyajtpën.