Salmos 103:3 - Biblia Dc en Mixe de Quetzaltepec

³ Yë'ëjës xypyokywyinmä'kxp maas winë oy nkatunyën ets yë'ëjës xyajtsokp koos jëna'ajëty npëkyë n'ixyë.

Biblia Mixe de Quetzaltepec

³ Yë'ëjës xypyokywyinmä'kxp maas winë oy nkatunyën ets yë'ëjës xyajtsokp koos jëna'ajëty npëkyë n'ixyë.

Salmos 103:3 ပူးပေါင်းရင်းမြစ်များ

2 Samuel 12:13

David ojts tkupëky ja pyoky ijxtëm ënety ja Natán të y'ënë'ëmxëtyën ets y'ënäny: Ëjts nja'apës ko tëëjës njantypyokytyuny ma Wintsënën. Ets ja Natán y'ëtsoowë: Yë Wintsën ka'ap myijtsëty mtëytyuna'anyë ets ka'ap mtimyaj'ooka'anyë.

Salmos 130:4

E mëët yë'ë ko jam ma mijtsën npaatës yë pokymyä'kxën ets myajmëjjawë.

Salmos 130:8

Yë'ë yajpokynyiwa'atsäämpy yë Israel kajpn oy ëxëëk të y'ëtë'ëtstë y'ëna'antë.

Salmos 147:3

Yë'ë yajtsokpy mëti'ipë jya'apën yë y'aaw jyot amo'ots tukmo'otsë ets tnipijt tnimojtsë ja tsyëtyut.

Salmos 30:2

Wintsën mëti'ipës nTios'ajtypyën, tëë yë putëjkën n'amëtoy npëjktsoy, e tëë xyajtso'okyës;

Salmos 41:8

ets y'ëna'antë: Ku'oypyë pa'am mooyëp; tëë pa'am mëk myätsyë, ookaanp yë'ë.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Éxodo 34:7

Oy kanaak xëëw kanaak jëmëjt nyaxëty, jyuuky'atëty yë ja'ayëty ets y'ooktëty, wiinkpë myintëty naaxwiiny, yë Dios xëmë tkuuytyuna'any yë y'aaw y'ayuk ets tsyojkën jya'awën xëmë y'ita'any. Näyjyëtu'un ja poky këtyey tnime'kxy e yë'ë ka'ap jëtu'unyë tyajninaxa'any ja mëti'ipë pokymyëëtën, jä'ä ko ja tëytyu'unën jam ja tyajnaxy ma ja u'unk ëna'kën, ok u'unk ok ëna'k ets ma ja y'u'unk y'ëna'këty ja ok u'unk ok ëna'k.

Isaías 33:24

Ni pën nëjkx kya'ëna'any: Pëjkëpës. Yë Wintsën nëjkx tnime'kxy ja nyëë pyoky ja Sión ja'ayëty.

Isaías 38:17

Ix, tyam jotkujkës nyajpaaty, ets ka'ap n'ëkmoon n'ëktujknës. Mijts të xykyëwent'aty yë njuukyajtënës këtiipë kyuka'anaxëty jap jutjoty, jä'ä ko mijts tëë xymyä'kxta'ay yë npokyës.

Isaías 43:25

E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Isaías 53:5

Ojts tsyëtyuty wyintëkoy ko ëëtsajtëm ënety të nkäjpxykyumëtoownajxëmë, ojts tmë''ëyoy ja ntuuntëko'oyën'ajtëmë; mëët yë'ë ko ojts y'ëyoy jyotëkoy, ënät ojts njotkujktakëmë; mëët ko tsyëtyujty wyintëkooy, ënät ojts ëëtsajtëm ntsok n'akëtakëmë.

Jeremias 17:14

Wintsën, yajtsooypyäjtkës etsës ntso'okëty; yaj'ëwaatsëpëtsëëmkës etsës njotkujkëty, jä'ä ko mijts tu'uk nyajmëjnajxyp.

Marcos 2:5

Ko ja Jesús t'ijxy ko myëët'ajtëp ja mëpëjkën, ënät ja pa'amja'ay t'ënëmaay: U'unk maay, pokymye'kxy mijts mwë'ëmy.

Efesios 1:7

Mëët yë'ë ko xytsyojkëmë tëë ja Dios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Santiago 5:15

Ko ëmuumtu'uk ja Dios tja'amyätstëty, tso'okaanp ja pa'amja'ay, yajmëkpëkëtëp ja Wintsën; ets pën tëë pyokytyuny, yajpokmyä'kxaanp jä'ä.