Salmos 103:2 - Biblia Dc en Mixe de Quetzaltepec

² Tu'ukyë aaw tu'ukyë jot yë Wintsën nkënu'kxyjyawëja'anyës, ka'apës nijëna'a nja'atyëkoyä'äny yë y'oyjyot y'oywyinma'any.

Biblia Mixe de Quetzaltepec

² Tu'ukyë aaw tu'ukyë jot yë Wintsën nkënu'kxyjyawëja'anyës, ka'apës nijëna'a nja'atyëkoyä'äny yë y'oyjyot y'oywyinma'any.

Salmos 103:2 ပူးပေါင်းရင်းမြစ်များ

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Salmos 116:12

¿Wi'ixës yë Wintsën n'ëkkëjuuytyääyëty tëkokyë mëti'ipës të xymyo'oy të xykyexyën?

Salmos 105:5

Yë'ë ja'amyätstë wi'ix winë mëj këjää të tuny të tkäjpxyën ets ja y'aaw y'ayuk mëti'ipë të tmëtyä'äkyën;

Deuteronomio 6:12

Ko ënety jëtu'un tyunyë jyätyë, këtii xyjyä'äytyëkoytyëty ja Dios, mëti'ipë ojts mjuutëtën jap Egiptë ma ënety mëtun m'ëyowtë.

2 Crónicas 32:25

Ko tsyoky y'akëtäky, ka'ap tkukajpxëy ko ënety ja Wintsën të yajtso'okyë, ni'ikyë amëj akëjxm nyäjya'awëyë, paaty yë Wintsën tyukjoot'anpëjkë ets Wintsën näy tyukjoot'anpëjk yë Judá ja'ayëty ets Jerusalén ja'ayëty.

Deuteronomio 32:18

Mijts Israel ja'ayëty tëë ja mteety xyjyä'äytyëkooynyë, mëti'ipë mkëwent'ajtëpën. Tëë xyjyä'äytyëkooynyë ja mTios mëti'ipë juukyajtën mooyëpën.

Deuteronomio 32:6

¿E jëtu'un ja Wintsën ja y'oyjyot y'oywyinma'any xyajwinpijtëtë? Miitsëty naax kajpnëty, ma ka'ap yajxon mmaytyën mtajtën ets ka'ap tii xynyijawëtë, ¿këtii xytyimnija'awënëtë ko yë'ë xytyeety'atë ets yë'ë të myajkojëtë? Yë'ë të myajkojëtë ets yë'ë ja juukyajtën të mo'ojëtë.

Salmos 106:21

Ojts tja'atyëkooynyëtë ja Dios, mëti'ipë ënety të yaj'ëwaatsëpëtsëmëtën, ets mëti'ipë ënety jap Egiptë winë të tuny të tkäjpxyën,

Salmos 106:7

Yë nteety n'apëtyës ka'ap ojts jap Egiptë tmëj'ix tmëjpëjkta'aktë ja mmëjajtën, ojts tja'atyëkooynyëtë ja mëjpë këjääpë ja mtsojkën mja'awën, ets ojts kyäjpxykyumëtoownaxtë winkon ma Tsaptsmejyën.

Isaías 63:1

¿Pën ja'ay yë'ë, tampë myinyën Posrá, mëti'ipë Edom myëjkajpn'ajtypyën, tsapts yë wyit, jëtu'un yaj'ixy ne'pnymyëëtën yowë? ¿Pën yë tääpë oypyë të nyäxyoxyën ets amëjaaw myiny?

Jueces 5:2

Win'ëw winya'axtë yë Wintsën, jä'ä ko ma Israel kajpnën jaaktää'ajtp yë ja'ayëty, mëti'ipë ka'ap tsyë'ëkëtën ets tsiptuuntëp. Jä'ä ko jaaktää'ajtëp yë ja'ayëty, mëti'ipë jëjp'ixy timyajpatëpën oy jëna'a tyimyajmëkajpxtëty tsipjoty.

Jueces 5:9

Ëjts n'oyjya'ap ntsuja'apës yë ja'ayëty mëti'ipë nyikopk'ajtëpën yë Israel kajpn, ja ja'ayëty mëti'ipë ja aaw ayuk ojts poj'am tja'akyukëtën ko yajyaxtsoowtë ma ënety ja tsip y'ityën. Paaty xoonta'aktë ënät tyam jam Dios wintum.