Salmos 101:4 - Biblia Dc en Mixe de Quetzaltepec

⁴ Maas yë njot nwinma'anyën ka'apës ëxëëk winma'any jap ntsoky: ka'apës yë ëxëëkpë ntuna'any.

Biblia Mixe de Quetzaltepec

⁴ Maas yë njot nwinma'anyën ka'apës ëxëëk winma'any jap ntsoky: ka'apës yë ëxëëkpë ntuna'any.

Salmos 101:4 ပူးပေါင်းရင်းမြစ်များ

Proverbios 11:20

Dios y'ëxëëk'ijxyp yë ja'ay mëti'ipë ëxëëk jot winma'anymyëët'ajtypyën; e mëti'ipë oy winë tyuun kyajpxtëpën janty'oy tsoky tjawë.

2 Timoteo 2:19

E Dios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Dios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

Mateo 7:23

Ënätës n'ëtsowa'any: Nijëna'a miits të nka'ixy'atë. Winwa'ktutëkës miits pokyjä'äytyëjkëty.

Proverbios 22:24

Këtii xymyëku'ukjawëty yë ja'ay mëti'ipë ëxëëk ëtëtsp ënaanpën, ets mëti'ipë xëmë äjkëpën tooyëpën,

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Salmos 119:115

Winwa'ktutëkës miitsëty ëxëëkja'aytyëjkëty, ëjts Tiosës yë y'ënä'ämën tyiyajtën npatunanëp.

Proverbios 3:32

jä'ä ko yë Dios nijënu'un tkatimtsyoky yë ëxëëkja'aytyëjk, e ja ja'ay mëti'ipë oyjyä'äy'ajtpën yajxon tjantytsyoky tjaantyjyawë.

Salmos 6:8

Mëjëkämkäktëkës, miitsëty, ëxëëkpë tii xytyuntën xykyajpxtën, yë Wintsën tëë tmëtoy koos një'ëy nyä'äxy.

2 Corintios 11:33

E tam y'ijtë mëti'ipë katsyjoty xykyutëëynyajxtësën ventana ëkë'ëm ma ja potsyën mëti'ipë ja kajpn nyapots'ajtypyën, jëtu'unts nkäktsokyës.

Salmos 26:4

nijëna'ajës mëët të nkaye'eymyuky të nkanajxmuky yë ja'ay mëti'ipë antaktëpën ets ni të nkapuwa'akës yë ja'ay ka'apë winë aaw winëjot tii tnikäjpxyën.

Salmos 26:5

Ëxëëkëmës n'ixy ko muum nyëëmuk tyu'ukmuktë ja'ayëty mëti'ipë ëxëëk yë jyot wyinma'anyëtyën, nijëna'ajës mëët të nkapo'kxy të nkapëky yë ja'ayëty mëti'ipë ka'ap yujy tëtä'äky jyä'äy'atën.

Proverbios 29:27

Mëti'ipë ja'ay oy tsuj juuky'ajtëpën, ka'ap oy nyäyjyawëtë ma ëxëëkja'aytyëjkën; ets ëxëëkja'aytyëjk näjyëtu'un ka'ap oy nyäyjyawëtë ma oyjyä'äytyëjkën.