Salmos 100:4 - Biblia Dc en Mixe de Quetzaltepec

⁴ Mintë ma tyëjkëtyaknën, ets mtëkëtëty ma tsyajptëjkën, tukwin'ëw tukwinya'axtë ja kukkajpxën ja'awëkyëtakkën. Mo'otë yë kukkajpxën ja'awëkyëtakkën, ets mëjjawëtë kënu'kxyjyawëtë yë xyëëw.

Biblia Mixe de Quetzaltepec

⁴ Mintë ma tyëjkëtyaknën, ets mtëkëtëty ma tsyajptëjkën, tukwin'ëw tukwinya'axtë ja kukajpxën ja'awëkyëtakën. Mo'otë yë kukajpxën ja'awëkyëtakën, ets mëjjawëtë kënu'kxyjyawëtë yë xyëëw.

Salmos 100:4 ပူးပေါင်းရင်းမြစ်များ

Hebreos 13:15

Paaty, tsojk ja Dios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Dios mëët ja aaw ayuk.

1 Crónicas 29:13

E paaty, Wintsën, mëjwiin këjää ëëts yam yë kukkajpxën ja'awëkyëtakkën nyajnaxtë ets nwin'ëw nwinya'axtës yë mkënu'kxy xyëëw;

Salmos 66:13

Tëkëjaanpës ma mtsajptëjkën etsës nyaka'any tu'uk yë wintsë'kën nino'okpyë mijts mwintuuy; jëtu'un'äämpyës ja nwaantakën nyaj'ëtukëty,

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Salmos 96:2

win'ëwtë yë Wintsën ets kënu'kxyjyawëtë yë xyëëw, nikajpx nimëtya'aktë yë nyitsokën winjëpom.

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënet ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

Salmos 65:1

Mijts Dios, mëti'ipë yajpatpën jam Sión, mijts mpatëp myajkuuy'ëw myajkuuyya'axëty ets mpatëp yajpatunëty ja waantakën ma mijtsën,

Salmos 95:2

Tsojk nwinkuwa'këmë mëët yë kukajpxën ets ntukxoontakmëty mëët yë ëy ma yajmëjpëjktä'äkyën.

Salmos 96:8

Wintsë'ëkëtë yë Wintsën ijxtëm pyäätyën, ets tukxoonta'aktë, mëjjawëtë ma jyëën tyëjkën.

Salmos 99:3

Wä'än tyajwin'ëy tyajwinyä'äxy yë xyëëw, jä'ä ko yë'ë mëj'äämpy y'ity ets kutsë'ëkë; Dios, wa'ats yë'ë.

Salmos 122:2

Jerusalén, tëës nja'të ma mkajpn yajnitëkën.

Salmos 122:4

Ma yë'ëjën jam yë Wintsën yë jyä'äy myintë ets tmëjpëjkta'aktë Wintsën yë xyëëw jëtu'un tä ojts tuk'ëne'emyën ja Israel kajpn.