Salmos 10:3 - Biblia Dc en Mixe de Quetzaltepec

³ Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Dios.

Biblia Mixe de Quetzaltepec

³ Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Tios.

Salmos 10:3 ပူးပေါင်းရင်းမြစ်များ

Salmos 94:4

Aakyë'ë ëxëëkpë tyuuntëp kyajpxtëp ets nijënu'un tkamëët'atë yë näywyinkutsë'kën, je'eyë xëmë amëj akëjxm nyäyjyawëtë. Yë'ëjëty nëkooyë jyänty nyäkyumayëtë oy nitii tkanijawëtë ets tkamëët'atë.

Lucas 12:19

Täätsës kë'ëm näy'ëna'anëtëty: Mëku'uk, tap pëjkë'ëk winë may xyaj'ity mëti'ipë myajtunëpën kanaak jëmëjt; po'kx, kay uuk ets tukxon je'eyë ja juukyajtën.

Isaías 37:23

¿Pën xyjyëjp'ixy të xynyëxi'iky të xytyukxi'iky? ¿Pën xyjyëjp'ixy wyintsë'kën të xyajtëkooyë ets mëj këjxm mnäyajnaxyë ma yë'ëjën? Yë'ë Dios, Wa'atspë yajpaatyën ma Israel kajpnën.

Proverbios 28:4

Mëti'ipë y'ëxmajtstëpën ja ënä'ämën tëyajtën, yë'ë y'oyjya'awëtyëp ëxëëkja'aytyëjk; e mëti'ipë pyatuuntëpën ja ënä'ämën tëyajtën wyiink'ijxtëp ja jëtu'unpë.

Salmos 49:6

Yë'ëjëty yi'iyë tyukjotkujk'ajtëp ko kyuwit'at kyumeeny'atë ets jyä'äy'atë amëj akëjxm ko tmëët'atë winë,

Salmos 35:21

Nëkooyë xynyi'ëwë'ëktës ets y'ëna'antë: Ix tii n'ëkjaak'ijxënëp.

Salmos 5:6

Myajkutëkoopy ja win'ë'ëmpë antakpë, ets ka'ap xykyupëky mëti'ipë ja myëku'uk y'ayäjkpy kyë'ëyäjkpyën ma ja ëxëëkpën ets mëti'ipë yajja'ay'o'kpën.

Job 31:24

Ëjts ka'apës yë'ë pu'ts pujxn të njä'ä'aty ets ka'ap jyamëty yë nwinma'anyës të npëjktä'äky ets yë'ë të ntukjotkujk'atyës.

Deuteronomio 29:19

Pën jam pën y'ënä'äny ëkë myäy tyäjy; ëjts tiijës pën xykyëwentëty jyëkyejpyës ntunëty oy tii ntimtyuna'anëtyës, jëtu'unpë ja'ay yë'ë ja poky myëët'atëp, ko ënety miitsëty wi'ix mjatë mkëpätë.

Éxodo 15:9

Yë mmëtsip tyaa ënety të myäy të tyäjy: Mpapo'ojäämpyës yam mapaatës najtspaatën, etsës nyajwa'kxtaja'any, mëti'ipës ënety të mpëjkëtyä'äyën, koonëmës yajxon nku'uxëtëty. Etsës nkupujxta'aja'any mëët ja mpujxnës, mëti'ipës nkë'ëkë'ë'ajtypë.

1 Juan 2:15

Këtii xy'atsoktëty ja naaxwiinyëtë juukyajtën ets mëti'ipë jää yajpatpën naaxwiiny. Pën ja naaxwiinyëtë y'atsojkpy, ka'ap ja Dios Teety ja tsyojkën tmëëtëty,

Santiago 4:13

Mëtoow'itë ya'atë, miitsëty ko m'ëna'antë: Tyam ëkë jëpom nja'amëty wiink kajpn ets jam tu'kjëmëjtën n'aju'uy n'ato'kmëty ets meeny npatmëty.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

Efesios 5:5

Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Dios jyä'ä'ajtëpën.

1 Corintios 6:10

Këtii myajwin'ëëntëty, jä'ä ko jam ma ja Dios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Romanos 1:32

Nyija'awëtëp ko Dios të tuknipëjktaakë ko paat'ajtëtëp ja o'kën mëti'ipë jëtu'un ëtëtstëpën ets ka'ap yi'iyëty ko jëtu'un tuun'ëtë'ëtstë, tyukxoontaktëp yë'ëpaat ko ja wiinkëtypë jëtu'un y'ëtë'ëtstë y'ëna'antë.

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

Lucas 12:15

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

Habacuc 2:9

Janty mon janty tuk mijts myajpaaty, ko ja mjëën mtëjk të xyaj'uty mëët yë mëti'ipë të xymyeetsyën ets mjanäyajtso'oka'anyë ma atsë'ëkëtuuy m'ityën.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Isaías 57:17

Mëët ko yë Israel pyokytyuny, ojtsës tëkok njoot'anpëky, ojtsës ntukëpety etsës ntimy'ëxmajtsy; e yë'ë ni'ikyë ojts wyinma'any mëk tpëjktä'äky ets ëxëëk y'ëtity y'ënäny.

Salmos 52:1

Mijts jotmëkja'ay ets jotkujk ja'ay, ¿wi'ix ko janty mëj janty këjxm mnäjyawëty ko winë ëxëëk xytyuny xykyäjpxy? Yë Dios yë tsyojkën jya'awën xëmë y'ijtëy.

Salmos 49:18

Oyxyëp janty'oy nyäjyawëty maanëm jyuuky'ätyën ets janty may yë ja'ay kumay yajnaxyë mëët ko kyumeenyëty,

1 Samuel 23:21

Tä ja Saúl y'ëtsoowëtë: Dios mkënu'kxëtëp mëjwiin këjää mëët ko miitsëty xypya'ëyow xynyajts'ëyowëtës.

Deuteronomio 32:19

Ko yë Dios jëtu'un t'ijxy ojts jyoot'anpëky ets ojts näjyëtu'un timjyä'ätyëkooynyë ja y'u'unk y'ëna'k ye'etyëjk to'oxytyëjkpë,

Santiago 4:16

Miitsëty, amëj akëjxm tii xykyajpxtë ets ya'atë jëtu'unpë amëj'ajt akëjxmajtën, ka'ap y'oyëty.

Jueces 17:2

Ojts ja tyaak tuk'ëwaanë ets t'ënëmaay: Nanë, ja meeny mëti'ipë m'antijpyën ko tëë yajmeetsy ets mëët yë'ëkyëjxn ja mä'tspë të xypyoky. Ja poop pujxn meeny mëti'ipë m'antijpyën, ëjtsës yë nmä'ts, e tyamts jatëkok nmo'oy, jä'ä ko okës të nijawë ko ja Wintsën ënety mtuknipëjkë'këp ets tu'uk xyaj'oyëja'any yë awinax oytyuny mëët yë poop pujxn. Ko ja poop pujxn meeny tkë'ëyäjky, ënät ja tyaak janty jotkujk nyäjya'awëyë ets mëk yujk'ënany: Dios mkënu'kxëtëp mëjwiin këjää u'unk maay.

1 Reyes 20:25

ets ënät yajma'kxëty yë tsiptuunpëtëjkëty jëtu'un tä ja mëti'ipë ojts ka'ap myëta'aktën, jëtu'un ja mëti'ipë këwaaykyijxyëtyën ets mëti'ipë pujxnwintëkäämpë këjxyëtyën. Ënet jam mëët ntsiptu'unmëty joyjotm tääts xy'ëk'ixëty ko mëtakmëp jëtu'un. Ben-adad oy ja winma'any tmëtooy ets ojts tpatuny.

Eclesiastés 7:15

Tëkokyë ya'atë tëëjës n'ixta'ay ntuunta'ay ma yaa naaxwiiny naaxkëjxy njuuky'ajtkojëmën; yë oyjyä'äytyëjk nän je'eyëm y'ooktë ets oy të jyajuuky'atë ets ëxëëkja'aytyëjk jeky jyuuky'atë ets ëxëëk të jyajuuky'atë.