Salmos 10:2 - Biblia Dc en Mixe de Quetzaltepec

² Yë ëxëëk ja'ay mëj këjxm nyäjyawëty ko t'ixjëtity tpajëtity yë ëyoopëja'ay; kë'ëm nyäyajkuka'anaxa'anyë ma ja o'ktaknën yu'utsypë mëti'ipë të t'oytyunyën.

Biblia Mixe de Quetzaltepec

² Yë ëxëëk ja'ay mëj këjxm nyäjyawëty ko t'ixjëtity tpajëtity yë ëyoopëja'ay; kë'ëm nyäyajkuka'anaxa'anyë ma ja o'ktaknën yu'utsypë mëti'ipë të t'oytyunyën.

Salmos 10:2 ပူးပေါင်းရင်းမြစ်များ

Salmos 59:12

Kë'ëm nyätyëkoyëtë ko nëkoo ëxaty y'ëna'antë; Wä'än ënät kë'ëm nätyuktëytyunëtë ko nyämyëjaw nyäjyääntyjyawëtë ets ko nëkoo tii tkajpxtë ka'apë myëtëyëtyën.

Salmos 36:11

Këtii nijëna'a xy'ëwa'atsëty ets xy'atään xytyuktääntëtyës yë ja'ay mëti'ipë nämyëjja'aw näjyääntyja'awëtëpën, ets ka'ap mëpaat yë ëxëëkja'aytyëjk xytyijtës xykyotës.

Salmos 7:16

Ja y'ëxëëk'ajtën ets ja tsyiptu'un tsipkajpxën, kyëpajkëjxy kya'ataja'any.

Proverbios 5:22

Yë ëxëëk ja'ay kë'ëm nyäyajtu'u'ëtukyë ko tii tkäjpxy tmëtyä'äky wiinkjaty. Yë poky mëti'ipë tyuunpyën, yë'ë nätyuktsuum nätyukmajtsëp.

Salmos 119:122

Mijtsës oy xyaj'itëp; ka'apës mëpaat ëxëëk njaty nkëpety ma ja ëxëëkja'ayëtyën.

Salmos 31:18

Wä'än amonyë t'itë mëti'ipë antaktëpën, mëti'ipë je'eyë nëxik tukxiktëpën ets tëkatsy tnimëtya'aktë ja'ay mëti'ipë oy juukyajtpën.

Salmos 140:5

Tääpë ja'ayëty mëti'ipë je'eyë nämyëjja'aw näjyääntyja'awëtëpën, tëë tjanipëjktaakëtë ja n'o'ktaknës. Tëë nnë'ë aay ntu'u'aayës yë tyejpxyëty tëëytyëwtë ets xyu'tsnëty maas nnaxyën.

Salmos 119:85

Ja'ay mëti'ipë ëxëëk yë jyot wyinma'any myëët'ajtypyën ka'apë tmëjpëjktä'äkyën yë m'ijxpëjkën.

Salmos 119:69

Yë ëxëëkja'aytyëjkëty ëxëëkjatyës xynyikajpx xynyimëtya'aktë, e ëjts ntukxoontäkpyës yë m'ijxpëjkën.

Jeremias 43:2

tä yë Azarías, yë Hosaías yë myaank, yë Johanán, yë Caréah myaank ets wiinkëtypë ja'ayëty amëj akëjxmëpë jyä'äy'atën, jëtu'un t'ënëmaaytyë ja Jeremías: Mëti'ipë mnimëtyäkpyën ka'ap myëtëyëty. Yë Wintsën mëti'ipës nTios'ajtëpën, ka'ap jyëtu'unëty të m'ënë'ëmxëty ets ka'ap të y'ënä'äny ets ka'ap nnëjkxtëtyës jap Egiptë tsënääpyë.

Isaías 14:16

Ko ja'ay m'ixyë je'eyë mnimony mnitukyë, tu'ukyë mwintë'kxyë ets y'ëna'antë: Ya'atën jä'ä mëti'ipë ijty ëxëëk ja naax kajpn tsyë'ëkëtyën, mëti'ipë kanaak ja naax kajpn të tyajkutëkoyën,

Isaías 14:13

Mijts, ojts jëtää mjamay mjatajy: Ëjts koonëmës nja'ta'any tsajpkëjxm; etsës jam npëjkta'aka'any yë nkutujktakn ma Wintsën tyaj'ityën myëtsa'a; jam anëkëjxmtsow jamës ntsëënëja'any, jam ma y'itën yë wintsëntëjkëty mëti'ipë ja'ay y'ëwtajtëpën.

Salmos 119:5

Jääpëkës jeexyë janty mëk xëmë n'ëkyajpaaty etsës jeexyë ja mtëyajtën npatuunta'ay.

Éxodo 18:11

ma ënety o'ktëy mjatën mkëpätën. Tyamës ënät yajxon njanty nyijawë ko yë Dios mëj yë ni'ik, këtiinëm jyëtu'unëty yë wiinkëtypë tiosëty tääpë myäjyatëtën.

Éxodo 9:17

E oy jyajëtu'unëty, mijts je'eyë yowë nëkoo mtimjäntykyujuun'o'knë, oy xyjya'ixy ko yë ëyo'on jyatuny jyajatyë.

Salmos 109:16

Jä'ä ko yë'ë ka'ap ojts nijëna'a tmëmay tmëtajy yë pa'ëyo'owën najts'ëyo'owën. Yë ja'ayëty mëti'ipë ënety mon tuk yajpatëpën ets jë'ë ya'ax, je'eyë ojts t'ixjëtity tpajëtity ets koonëm tyaj'o'ky tyajtëkooy.