Salmos 1:6 - Biblia Dc en Mixe de Quetzaltepec

⁶ Yë Dios Kyëwent'ajtyp yë wa'ats ja'aytyëjk yë nyë'ë tyu'u; e ja ëxëëkja'aytyëjk ja nyë'ë tyu'ujëty jam ja nitëyë nyijkxy ëyo'onjotm.

Biblia Mixe de Quetzaltepec

⁶ Yë Tios Kyëwent'ajtyp yë wa'ats ja'aytyëjk yë nyë'ë tyu'u; e ja ëxëëkja'aytyëjk ja nyë'ë tyu'ujëty jam ja nitëyë nyijkxy ëyo'onjotm.

Salmos 1:6 ပူးပေါင်းရင်းမြစ်များ

2 Timoteo 2:19

E Dios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Dios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

Juan 10:14

Ëjts jëtu'un oypyë kupixyny këwent'ajtpë. Jëtu'un ijxtëm xy'ixy'ätyës ja nTeetyës nän jëtu'unës n'ixy'äty ja nTeetyës; jëtu'un n'ixy'ätyës ja nkupixynyës ets yë'ëjëty nän jëtu'unës xy'ixy'atë. Ëjts nyäjkpyës ja njuukyajtën maas ja nkupixynyën.

Proverbios 15:9

Dios ka'ap nijënu'un t'oy'ixy wi'ix yë ëxëëkja'aytyëjk y'ëtë'ëtstën y'ëna'antën; e tsyojkpy mëti'ipë mëtëy juukyajtpën.

Nahúm 1:7

Yë Wintsën oy yë jot winma'any tmëëtëty; mpatmëp yë tsoktakn ma yë'ëjën ko mon tuk nyajpatmëty: Nyikëëpy nyixäjpy mëti'ipë tuk'ijxpäjtëpën.

Salmos 146:9

Yë Wintsën kyuwäämpy yë jaaypyaat jaaypyo'kxy, Kyëwent'ajtyp yë ku'ooky u'unk ku'ookytyo'oxy, e yë ëxëëkja'aytyëjk yë'ë kë'ëm yajnë'ëtëkoopy yajtu'utëkoopy.

Juan 10:27

Yë nkupixynyës xyo'kmëtoowtëpës yë'ëjëty, etsës xypaye'eytyë.

Proverbios 14:12

Tää yë në'ë tu'u mëti'ipë oy yaj'ijxpën; e jam ma jyëjpkëjxnën okën jam.

Mateo 7:13

Jap mtëkëtëty ma ja najxtaknën xu'utspë, jä'ä ko mëj ja najxtakn ets ja tu'u mëti'ipë nëjkxpën ëyoowtaknjoty. May ja ja'ay jap tyëkëtë.

Job 23:10

Yë'ë wa'ats tnijawë nye'eyënës nnajxënës; koos xy'ëk'ixa'anëty, wa'atsës xypyaatëty tä pu'ts pujxnën.

Salmos 142:3

koos nyajpaaty jë'ë ya'ax, Wintsën, mijts wa'ats xynyijawë yë nnë'ë ntu'ujës. Ma ja në'ë tu'u mëti'ipës npanëjkxypyën, jam të tpëjkta'aktë tu'uk yë o'ktakn yu'utsypë.

2 Pedro 2:12

Yë jëtu'unpë ja'ayëty Dios yajwintsë'këntëkooytyëp ko ka'ap tii tja'akyyukëtë. Jëtu'un nyäpyëjkta'akëtë jëyujkën, nitii ja'aykyujkën tkamëët'atë ets näjyëtu'un y'ooka'antë jëyujkën mëti'ipë të t'amin t'akä'äxëtën ja o'kën tëko'oyën.

Salmos 112:10

Yë ëxëëk ja'ay ëxëëk nyäjyawëty ko muum y'ixyë, yë ëxëëk ja'ay ka'ap tjëkyepy tii tunëty paaty je'eyë tyëts t'akä'pmuky; yë ëxëëkja'aytyëjk oy tii tjatsojkën'atëty ka'ap tii tpaata'any.

Salmos 9:6

Tëë ja mëtsip y'ooky, tëë ja nyaax kyajpn mëët y'ooky; mijts të xyaj'atëkoy ets nitii të kyawë'ëmy mëti'ipë jeexyë yajtukja'amyäjtspën.

1 Samuel 2:9

Yë ja'ay mëti'ipë oy mëtuunpën Kyëwent'ajtyp yë'ë oy maa tyimnëjkxy, E yë ëxëëkja'aytyëjkëty jëtu'unyë muum kyupi'its kyukootsëtë ets y'o'knëtë tyëkooynyëtë. Jä'ä ko atsip jyamëta'akantë ka'ap myëta'aktë.

Salmos 142:4

Koos nja'ijxwinpity ni pën maa nka'ixyës mëti'ipës jeexyë xypyutëjkëpën. Ni pën maa kyakëxë'ëky mëti'ipës jeexyë xynyiwaantutpën. Ka'ap maa kyëxë'ëky pën mëti'ipës xymyëmääpy xymyëtajpën.