Salmos 1:3 - Biblia Dc en Mixe de Quetzaltepec

³ Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Biblia Mixe de Quetzaltepec

³ Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Salmos 1:3 ပူးပေါင်းရင်းမြစ်များ

Génesis 39:23

ja pujxntëjk ja nyiwintsën ka'ap ënety jyäty tyimkopkpëkyëty t'ixëty pën tëë ja José winë oy tuny. Jä'ä ko ja Wyintsën Dios yë'ë ënety mëët'ajtëp ets José aak'oy winë wyimpëtsë'ëm jyëjpëtsë'ëmxëtëty.

Génesis 39:3

Yë wyintsën, ko ojts t'ixy, ko ja José Dios mëët yajpaaty, paaty winë aak'oy wyimpëtsë'ëmxëty.

2 Reyes 18:7

Paaty ja Wintsën ojts mëj këjää pyutëkëty, oytyiijëty timtyuuny, aak'oy ojts wyimpëtsë'ëmxëty. Yë Ezequías ka'ap ojts tkupëky ets Asiria yajkutujkpë jam y'ënä'ämëty ma ja Israel ja'ayëtyën.

1 Crónicas 22:11

E tyam ënät n'ënëëmë u'unk maay ets Wintsën mputëkëtëty ets xykyojëty ja mWintsën ja tsyajptëjk, jëtu'un ijxtëm yë'ë të y'ënä'änyën ko mijts xykyojëty.

1 Crónicas 22:13

Tëkokyë winë aak'oy mwinpëtsë'ëmxëtëty pën mtuumpy jëtu'un winë tä ja y'ënä'ämën kyutujkën myinyën mëti'ipë ja Moisés tyukmëwë'ëmën ja Israel ja'ayëty ets yë'ë tyajtuntëty. Mijts amëk jotmëkmës it ets këtii mayëty mtajëty.

2 Crónicas 31:21

Tëkokyë mëti'ipë tyuknipëjktakëyën, wä'än yë'ëjëty ja tuunk japë tsajptëkotyën ets wä'än yë'ëjëty ma yajpatuna'anyën ja Wintsën ja tyiyajtën, yë'ëkyëjxm tuuny ets tmëjjawëja'any ja Wintsën ja xyëëw.

2 Crónicas 32:23

Ënet ja mayjyä'äy tmëja'awëtyë ja Wintsën ets ojts tmënëjkxtë may'äämpy ja näy'nyamo'ojë, näjyëtu'un ja Ezequías may ja ja'ay winë nyamooyë, mëët ko ënety ja Wintsën të pyutëkëty, mëti'ipë jam Judá ënä'ämpën yajkutujkpën. Ko jyëtu'un'ajty yë Ezequías mëj'äämpy yë ja'ay yajnajxë oymyaajëty.

Job 14:9

ko ënety nyëëpa'tpëyë'ëkë, jotkujk nyäjyawëja'anyë ets jatëkok tsyuxkëja'any; jëtu'un jyiitsa'any tä jeexyë y'u'unk'atyën.

Job 22:28

Aak oy winë mwinpëtsë'ëm mjëjp pëtsë'ëmxëtëty ets kutë'kxy kuno'okpyën nëjkx mjuuky'äty.

Salmos 128:2

Yë'ë mjë'kxëp mëti'ipë myajnimëjaawtäkpyën, janty jotkujk myajpaatëty ets oy tsuj mjuuky'atëty.

Salmos 129:8

Ja aay ujts mëti'ipë ka'ap ni pën nyimëtya'akëtëty ets ka'ap pën y'ëna'anëty: Dios mëj këjää të kyënu'kxyë ya'atë aay ujts.

Salmos 92:14

Oy ënety tëë jyamëjja'ayënëtë, yë'ëjëty je'eyëm tyëëmpäta'antë ets oy mëk xëmë yajpaata'antë.

Salmos 92:15

Yë'ë nyikajpxantëp ko yë Wintsën, mëti'ipës xykyuwaanpën mëtëy winë tuny ets ma yë'ëjën ka'ap jyam'aty ëxëëkpë nipaye'eyën.

Isaías 27:11

Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Isaías 3:10

Ja ja'ay mëti'ipë mëtëy juukyajtpën jotkujk yajpaaty, oy winë wyinpëtsë'ëm jyëjpëtsë'ëmxëty ets yë'ë tyukjotkujk'ajtyp ko winë oy tuny.

Isaías 44:4

Jëtu'un yona'any jyiitsa'any tä ujtsën mëti'ipë xëmë yajnëë'ixtä'ämëpën, tä álamo kepyën mëti'ipë nëë ëkë'ëy yoonpën.

Isaías 58:11

Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënety muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

Jeremias 17:8

Jëtu'un nyaxa'any tä tu'uk yë kepyën nëpë'aaypyë tyänën mëti'ipë tyikts nëëjoty kuyo'onëpën; oy jënu'un y'anëty ka'ap tsyë'ëtsa'any, jä'ä ko yë y'ääy xye'enty xëmë tsuxk y'ity. Ko xyëkopk'aty, nitii tkamëmay tkamëtajy ets xëmë tyëëmpety.

Ezequiel 17:8

Je'eyëp ko oy nyaaxjoty ënety kyojyëty ets ka'ap ja nëë y'ëmaaytyä'äky, ma tjëkyepyën wi'ix yonëtyën, tyëëmpätëtyën ets oy y'ujts'atëty.

Ezequiel 19:10

Jëtu'un ijty yë mtaak tä tu'uk yë tsatym kyepyën mëti'ipë nëë ëkë'ëy tënääpyën, tëëm'ajtp ets nëkooyë ojts yoonë mëët ko ja nëë xëmë tmëëtëty.

Ezequiel 31:5

Jä'ä ko kom yë nëë tmëëtëty, paaty nëkooyë këjxm ya'knë këtiinëm jyëtu'unëty yë myëku'uktëjk mëti'ipë jam yukjotm; yë xye'enty këjääpaat të yoonë ets të yoonwä'kxy jëkämpaat.

Ezequiel 47:12

Ma nëëpa'ajën, mäjtskpa'ajëty, aay kepy jam yonaanp mëti'ipë tëëmpätëpën ets yajë'kxëty. Ka'ap yë y'ääy kya'aja'any nijëna'a ets xëmë tyëëmpäta'any. Wimpo'o tyëëmpäta'any jä'ä ko ja nëë mëti'ipë tso'onpën ma tsajptëjkën yë'ë xëmë xook yaj'itäämpy ja naax. Yë tyëëm yë'ë yajjë'kxëp e yë y'ääy tsooy wya'anëty.

Mateo 13:6

Ko ja xëëw pyejty, tääts xyo'tstaay ets tyitsy, jä'ä ko ka'ap ja tyikts.

Mateo 21:19

Ënet ojts t'ijxpaaty tu'uk ja higo kepy jam tu'upë'am ets tmëwinkoony. Nitu'uk ja tyëëm kyaka'ty, ujts aay je'eyë jam. Ënet t'ënëmaay ja higo kepy: Nijëna'a mkanäkytyëëm'atëty. E ja higo kepy ënätyë ja tyitsy.

Mateo 21:34

Ko tpaty ja nyixëëw nyipo'o ma ja tsatym yajtukyën, ënät ja tyuunpë ojts jënaakën tkexy ma ja naax kamën ets t'amëtowa'antë ja tsatym mëti'ipë ja kukam paat'ajtëpën.

Mateo 21:41

Tääts y'ëtsoowtë: Yaj'o'kta'ajëp tääpë ëxëëkja'aytyëjkëty ets ja wiinkpë tuunpëtëjk nëjkx tmo'oy ënu'kxy ja kam mëti'ipë yaktëpën ja pëjktä'äky ënätyë mëti'ipë ja wintsën patëpën.

Juan 15:6

Pën ka'ap y'ity tu'ukyë mëët ëjts, jëtu'un tpaaty ijxtëm ja tsatym xe'enty ëpëky y'ityën mëti'ipë yajpëjkmujkpën ets yajnino'oky.

Deuteronomio 28:8

Yë Wintsën yajkëta'akäämpy jam yë kyënu'kxën, ma ënety xypyëjkë'ëkyën ja mjë'kxy mpëky ets ma winë xytyunyën, jëtu'un nëjkx jotkujk mmëët'atyë ma ja it naaxwiinyëtën mëti'ipë të mmo'oyën.

Judas 1:12

Je'eyë yajtsëtyuntë ko jam kyäytyë y'uuktë ma miits mxëëwtuntën, ko jam y'ätstë xyoonta'aktë ets ka'ap ninu'un wyinkutsë'ëkëtë. Jëtu'un y'ëtë'ëtstë ijxtëm jënaakën ja kupixyny këwent'ajtpë kë'ëm je'eyë nyäkyëwent'atyë. Jëtu'un yë'ëjëty ijxtëm yootsën ka'apë nyëëmëëtëtyën mëti'ipë pojjëtijtpën. Ijxtëm yë kepyën ka'apë tyëëmpetyën ma jyapaatyën, nikë oy ko tyimyajwijxë'ëkëty tyiktspaat ets tyimtë'ëtsëty.

Apocalipsis 22:2

Jamts mëjtu'ukujkm ye'ey ja mëjnëë ma ya'atë kajpnën ets jam nëëpë'am, jam ja kepy yony mëti'ipë yajjuuky'ajtpën. Wimpo'o ja tyëëm'aty ets ja y'ääy tsooy'ajtëtë ja naaxwiinyëtë ja'ay.